УМР ДАФТАРИМ

2024-03-26 12:27:13 Намоз-рўза-садақа — Жаннатга йўл

Солиҳлар айтадилар: "Намоз ўз эгасини йўлнинг ярмига, рўза Подшоҳ (Аллоҳ)нинг эшигигача олиб боради. Садақа эса унинг қўлидан ушлаб, Аллоҳнинг ҳузурига олиб киради".

ДЎСТЛАРИНГИЗГА ҲАМ УЛАШИНГ!!!

ЭНДИ ШУ БОТИМИЗ ОРҚАЛИ ИСТАЛГАН ДУОЛАРНИ ТОПИШИНГИЗ МУМКИН

@kundalik_duolar_bot обуна буволинг Ochish/sharhlash

2024-03-23 02:39:06 РАМАЗОННИНГ 13-КУНИ МУБОРАК БЎЛСИН АЗИЗЛАР!

Аллоҳдан хонадонингиз аҳиллиги-тинчлиги давомли бўлишини;

Ўзингиз, ота-онангиз ва сизга азиз бўлган барча яқинларингизни мағфират қилишини сўрайман!

Аллоҳ ҳар бир тонгни саодат ила қарши олишингизни насиб қилсин!

Охиратда тутган рўзангиз сизни Райён дарвозасидан жаннатга олиб кирсин!

РАМАЗОННИНГ 13-КУНИ МУБОРАК БЎЛСИН!

Аллоҳнинг саломи
Пайғамбар ﷺнинг дуолари
Қуръоннинг нури
Рамазоннинг таровати кун давомида сиз билан бўлсин!

ДЎСТЛАРИНГИЗГА ҲАМ УЛАШИНГ!!!

ЭНДИ ШУ БОТИМИЗ ОРҚАЛИ ИСТАЛГАН ДУОЛАРНИ ТОПИШИНГИЗ МУМКИН

@kundalik_duolar_bot обуна буволинг Ochish/sharhlash

2024-03-22 18:14:11 БАРАКА НИМАДА?

Бир киши бой қўлида беш дирҳам пул эвазига ижарачи бўлиб ишлаши, топган пули ҳеч нимага етмаётганидан Имом Шофеъийга шикоят қилди.
Ҳазрат бойнинг олдига бориб иш ҳақини беш дирҳамдан тўрт дирҳамга туширишни сўра, деб тавсия бердилар. Бояги киши ҳайрон бўлса ҳам, буйруққа итоат этди. Бироқ озгина вақт ўтганидан кейин яна қайтиб келди, ҳолати яхши томонга ўзгармаганини айтди. Имом Шофеъий бу сафар тўрт дирҳамни уч дирҳамга камайтириш зарур, деди. Бечора камбағал қанчалик ғалати туюлмасин маслаҳатга амал қилди. Орадан ҳеч қанча ўтмай ҳалиги киши хурсанд ҳолда Шофеъийнинг олдига келди.
Тавсиялари учун имомга миннатдорчилик билдириб, уч дирҳам ҳамма эҳтиёжларига етаётганини айтди ва бу ишнинг сирини сўради. Ҳазрат аввалда беш дирҳам эвазига қилаётган иши аслида уч дирҳамлик эканини, қолган икки дирҳам унинг ҳаққи эмаслигини айтди. Бировнинг ҳаққи бўлган ўша икки дирҳам ҳалол меҳнат билан топилган уч дирҳамга аралашиб, унинг ҳам баракасини йўқотаётганини тушунтирди.
Ибрат: ҳаром ҳеч қачон барака келтирмайди. Ҳаромдан ўсган эт Дўзах ўтида ёнади. Шунинг учун топаётган пулларимизга ҳаром, шубҳа аралашишидан эҳтиёт бўлишимиз лозим.

"Тақво аҳлининг гўзал қиссалари" китобидан.

ДЎСТЛАРИНГИЗГА ҲАМ УЛАШИНГ!!!

ЭНДИ ШУ БОТИМИЗ ОРҚАЛИ ИСТАЛГАН ДУОЛАРНИ ТОПИШИНГИЗ МУМКИН

@kundalik_duolar_bot обуна буволинг Ochish/sharhlash

2024-03-22 17:03:55 #Рамазон_кундалиги
Қулоқ қандай рўза тутати?

Аллоҳ таоло айтади: “Албатта, қулоқ, кўз ва дил — ана ўшалар, масъулдирлар” (Исро, 36). Қулоқ Аллоҳнинг олдида эшитган нарсалари ҳақида сўралади. Солиҳ инсонлар сўзларни эшитиб унинг энг яхшисига эргашишар эди. Қулоқларини ҳидоятни тинглашдан ва ҳақни эшитишдан бурганлар надоматда қолишади. Қулоқ фаҳш сўзлар, беҳуда мусиқалар, ёмон ва уятсиз нарсалардан рўза тутади. Солиҳ инсонлар Рамазонда ва бошқа ойларда Аллоҳ таолони ғазаблантирадиган сўзларни тинглашдан рўза тутишган.
Кўпчилик инсонлар Аллоҳ таоло уларга неъмат қилиб берган аъзоларни беҳуда сарфлашади.
Қулоқнинг озуқаси зикр, манфаатли илм, яхши мавъиза, чиройли одоб ва гўзал сўзлардир.
Шоир айтади:
Эй қулоғим, ёмонлик тинглама зинҳор,
Билсанг, уни эшитмоқда ҳам гуноҳ бор.
Рўзадорлар гўзал нарсаларни тинглаш, бепарво кишилар эса ботил нарсаларни тинглаш билан машғул бўлади. Агар мусулмоннинг қулоғи гуноҳ калималарни тинглашни давом эттираверса ушбу калималар қалб хонадонини хароб қилади, ирода қасрини бузади ва маърифат бўстонини фасодга айлантиради.
Ҳақни тинглаш қалбда ҳаққа бўлган собитликни зиёда қилади, ботилни тинглаш эса қалбда унинг изларини қолдиради.
Мусулмон инсонга Аллоҳ таоло унга эшитиш неъматини бергани учун У зотга ҳамд айтиши, неъматни Роббисининг розилиги йўлида сарф этиши лозим бўлади. Шундай экан, у Қуръони карим тиловати, илмий дарслар, манфаатли маърузалар ва етук ҳикматларни тинглашни кўпайтириши керак. Шунингдек, у гуноҳ, фаҳшга олиб борадиган ва Аллоҳнинг йўлидан тўсадиган ҳар қандай сўзларни тинглашдан тийилиши ҳам лозим бўлади.
Аллоҳ таоло бизларни сўзни эшитиб, унинг энг яхшисига эргашадиган инсонлардан қилсин!

Оиз ибн Абдуллоҳ Қарний.

ДЎСТЛАРИНГИЗГА ҲАМ УЛАШИНГ!!!

ЭНДИ ШУ БОТИМИЗ ОРҚАЛИ ИСТАЛГАН ДУОЛАРНИ ТОПИШИНГИЗ МУМКИН

@kundalik_duolar_bot обуна буволинг Ochish/sharhlash

2024-03-22 14:56:51 #Ифторлик_вақти
Рамазоннинг 12-куни

22-март, жума

Ифторлик вақти: 18:39


Оғиз очиш дуоси:
«Аллоҳумма лака сумту ва бика аманту ва ъалайка таваккалту ва ъалаа ризқика афторту. Фағфирли Я Ғоффару ма қоддамту ва ма аххорту».

Маъноси: Ё Аллоҳ, ушбу рўзамни Сен учун тутдим ва Сенга иймон келтирдим ва Сенга таваккал қилдим ва берган ризқинг билан ифтор қилдим. Ё гуноҳларни афв қилувчи Зот, менинг аввалги ва кейинги гуноҳларимни мағфират қилгин.

Юртимиз ҳудудларидаги саҳарлик ва ифторлик вақтларининг Тошкент вақтига нисбатан тафовути


ДЎСТЛАРИНГИЗГА ҲАМ УЛАШИНГ!!!
ЭНДИ ШУ БОТИМИЗ ОРҚАЛИ ИСТАЛГАН ДУОЛАРНИ ТОПИШИНГИЗ МУМКИН

@kundalik_duolar_bot обуна буволинг Ochish/sharhlash

2024-03-22 14:36:05 Васвасага йўлиққанда айтиладиган зикрлар

Аллоҳ таоло Фуссилат сурасининг 36-оятида: «Агар сизни шайтон томонидан бирор васваса йўлдан оздирса, Аллоҳдан паноҳ сўранг. Албатта, У эшитувчи ва билувчи зотдир», деди.
Абу Ҳурайра розияллоҳу анҳудан ривоят қилинади:
Расулуллоҳ соллаллоҳу алайҳи васаллам: «Сизлардан бирортангизга шайтон келиб: «Уни ким яратди?» «Буни ким яратди?» деб савол беради, ҳатто, «Раббингни ким яратди?» дейишгача боради. Ана шунда у Аллоҳдан паноҳ сўрасин ва (фикрига) барҳам берсин», дедилар.

Имом Бухорий ва Муслим ривоятлари.

Бошқа саҳиҳ ривоятда айтилади: «Инсонлар сўрашда давом этишади, ҳатто: «Аллоҳ бутун махлуқотни яратди. Унда Аллоҳни ким яратди?» дейишади. Кимнинг қалбида шу савол пайдо бўлса,

آمَنْتُ بِاللهِ وَرُسُلِهِ

«аманту биллаҳи ва русулиҳи» (Аллоҳга ва Унинг расулларига иймон келтирдим), деб айтсин».

ДЎСТЛАРИНГИЗГА ҲАМ УЛАШИНГ!!!

ЭНДИ ШУ БОТИМИЗ ОРҚАЛИ ИСТАЛГАН ДУОЛАРНИ ТОПИШИНГИЗ МУМКИН

@kundalik_duolar_bot обуна буволинг Ochish/sharhlash

2024-03-22 12:32:19 Эрнинг хотин зиммасидаги ҳақлари ҳам бор. Аёл киши эрининг ҳақларини билиб, уларни адо қилгандагина солиҳа аёл деган ном олади.

Энг биринчи ва муҳим ҳақ эрига итоаткор бўлишдир. Бугунги кунда энг кўп оилани бузаётган нарса ҳам ана шу ҳақдир. Аёллар тан олмаётган, ҳеч бўйин эггиси келмаётган нарса эрига итоат қилишдир. Аёл киши Аллоҳга гуноҳ-маъсият бўлмайдиган ҳар қандай ишда эрига итоат қилиши керак. Аллоҳга маъсият бўладиган ишда эр тугул, ота-онага ҳам итоат қилинмайди, аслида. Аллоҳга маъсият бўладиган ишда бандага итоат қилинмайди.
Аёл киши оилада ўз ўрнини билмас экан, эрига итоатсиз, ўжар, қайсар бўлар экан, бундай оиланинг давомийлиги ва мустаҳкамлиги ҳақида гап-сўз бўлиши мумкин эмас. Аёл киши эрига гап қайтарса, ҳурматсизлик қилса, бундай оила тагидан емирилган бўлади, эртами-кечми қулаб тушади, Аллоҳ асрасин.
Оилани сақлайдиган нарсанинг биринчиси муҳаббат дейишга шошилманг, биродарлар. Муҳаббатдан ҳам муқаддам нарса борки, бу – ўзаро ишончдир. Ўзаро ишонч бўлсагина муҳаббат бўлади, бўлмаса муҳаббат бўлмайди. Агар эр-хотин бир-бирига ишонмаса, уларни оиласи оила эмас. Бундай оила узоққа бормайди. Бугун мана шу нарса энг муҳим бўлиб турибди. Бугун ҳам, ҳамма вақт ҳам оила ўзаро ишонч устига, садоқат устига, ҳалоллик устига қурилади. Агар оила ёлғон устига қурилса, муттаҳамлик устига қурилса, унинг умри қисқа бўлади.
Имом Табароний ривоят қилган ҳадисда айтилганки, Пайғамбар алайҳиссалом «Аёл киши беш вақт намозини ўқиса, Рамазон рўзасини тутса, фаржини ҳаромдан тийса, эрига итоат қилса, унга жаннатнинг хоҳлаган эшигидан киравер деб айтилади», деганлар.
Бу юксак шараф ҳаммага ҳам берилавермайди. Жаннатнинг саккиз эшиги бўлса, хоҳлагандан кириш ихтиёри намозини ўқиб, рўзасини тутиб, зинодан ўзини сақлаб, эрига итоат қилган мусулмон аёлларга берилар экан. Нақадар улуғ бахт!
Эрга итоат шу даражада бўладики, ҳатто эрнинг рухсатисиз нафл намоз ўқиб бўлмайди, эрнинг рухсатисиз нафл рўза тутиб бўлмайди.
Шунинг учун аёл киши эридан берухсат кўчага чиқиши мумкин эмас. Юқорида айтиб ўтганимиздек, аёл киши эр туфайли ҳурматга сазовор бўлади, эр туфайли кам-кўсти бутланади, эр туфайли аёл оиланинг ҳурматли бекасига айланади, эр туфайли аёл киши ёмон кўзлардан, ёмонлардан муҳофаза қилинади, ҳимояланади. Эри йўқ аёл ҳар қанча яхши аёл бўлмасин, бегоналар, қалбида марази бор кимсалар унга кўз олайтириши, шаҳвоний жиҳатдан умидвор бўлиши мумкин, ҳирс ва тама туфайли унинг кетидан тушиб, тегажоқлик қилиши, гап-сўзлар қилиши мумкин. Аммо эри бор аёлга нисбатан бундай ҳолатлар камдан-кам содир бўлади.
Умуман аёл киши ҳаётдаги барча ютуқлари эри туфайли ҳосил бўлишини унутмаслиги лозим, эри бўлмаса, аёл ҳеч ким бўлмайди.
Шунинг учун ҳам Набий соллаллоҳу алайҳи васаллам «Бирор кимсани бирор кимсага сажда қилишга буюрганимда, аёл кишини ўз эрига сажда қилишга буюрар эдим, зеро эрнинг хотин устидаги ҳаққи буюкдир», деб марҳамат қилганлар.
Имом Ҳоким, имом Аҳмад, имом Термизий ва имом Абу Довудлар ривоят қилган.

Устоз Саййид Раҳматуллоҳ Термизий ҳафизаҳуллоҳ

ДЎСТЛАРИНГИЗГА ҲАМ УЛАШИНГ!!!

ЭНДИ ШУ БОТИМИЗ ОРҚАЛИ ИСТАЛГАН ДУОЛАРНИ ТОПИШИНГИЗ МУМКИН

@kundalik_duolar_bot обуна буволинг Ochish/sharhlash

2024-03-22 12:31:58 Ochish/sharhlash

2024-03-22 09:42:08 ЖУМА НАМОЗИДАН ҚОЛМАНГ, БИРОДАР!


Танангиз сиҳатми - толманг биродар,
Сўзларимни малол - олманг биродар.
Сайид-ул айёмнинг файзи беадад,
Жума намозидан қолманг биродар...


Яратган олдида ожиз бандамиз,
Беш кунлик дунёда бир арзандамиз,
Ўзи қўлламаса, рост шармандамиз,
Жума намозидан қолманг биродар ...


Қайтариб бўлмайди ғанимат тонгни,
Савоб учун топинг, муборак онни,
Обод қилинг, дўстим, сўнгги маконни,
Жума намозидан қолманг биродар ...


Мўминмиз, муслиммиз, яратганга қул,
Раббим қўлламаса ҳолимиз мушкул,
Ажрнинг конидир, инонинг буткул,
Жума намозидан қолманг биродар ...


"Умматим!” дер фақат набий Муҳаммад,
Қиёмат кунидан сўранг шафоат,
Иноят қилсин Ҳақ, ўзи бадавлат,
Жума намозидан қолманг биродар ...


Танангиз сиҳатми - толманг биродар,
Сўзларимни малол - олманг биродар,
Сайид-ул айёмнинг файзи бедад,
Жума намозидан қолманг биродар!

ДЎСТЛАРИНГИЗГА ҲАМ УЛАШИНГ!!!

ЭНДИ ШУ БОТИМИЗ ОРҚАЛИ ИСТАЛГАН ДУОЛАРНИ ТОПИШИНГИЗ МУМКИН

@kundalik_duolar_bot обуна буволинг Ochish/sharhlash

2024-03-22 06:14:06 ЖУМА КУНИНИНГ ФАЗИЛАТЛАРИ

    Жума – ҳар бир дақиқаси Аллоҳнинг марҳаматига тўла бўлган кундир. Бу кунда биз мусулмонлар бир-биримизни табриклаймиз, байрамдек ўтказамиз. Саловат айтишни кўпайтирамиз. Ижобат соатни излаймиз.

      Бинобарин, жума куни:
Дуолар ижобат бўлади.

     Абу Ҳурайра (розияллоҳу анҳу)дан ривоят қилинади: “Расулуллоҳ (соллаллоҳу алайҳи ва саллам) жума куни дуоларнинг ижобат бўлиши ҳақида: “Бу кунда шундай фурсат борки, мусулмон банда намоз ўқиш учун шу вақтга дуч келади ва Аллоҳдан нимани сўраса, истаганини шубҳасиз беради”, дедилар (Бухорий, Муслим).

Салавотлар Пайғамбаримиз (соллаллоҳу алайҳи ва саллам)га кўрсатилади.

     Пайғамбаримиз (соллаллоҳу алайҳи ва саллам): “Сизлар учун энг хайрли кун – жума кунидир. Шундай экан бу куни менга кўп салавотлар айтинглар, чунки бу кунги салавотлар менга кўрсатилади”, деб айтганлар (Абу Довуд).

Қадамлар остидан нурлар чиқади.

    Ибн Умар (розияллоҳу анҳу)дан ривоят қилинади. Расулуллоҳ (соллаллоҳу алайҳи ва саллам): “Ким «Каҳф» сурасини жума куни ўқиса, қиёмат куни унинг қадами остидан нур чиқиб, осмону фалакни ёритади ва унинг икки жума орасидаги хатолари кечирилади”, деганлар.

Масжид сари ташланган ҳар бир қадам нафл рўза ва ибодат қилганга тенглаштирилади.

    Авс ибн Авс (розияллоҳу анҳу)дан ривоят қилинади. Расулуллоҳ (соллаллоҳу алайҳи ва саллам): “Кимки жума куни ғусл қилиб, масжидга яёв борса, жума хутбасини чалғимасдан эшитса ва намоз ўқиса, масжидга сари босиб ўтган ҳар бир қадами учун бир йиллик (нафл) рўза ва (нафл) тунги намознинг ажри берилади”, дедилар.

Гуноҳлар мағфират этилади.

    Пайғамбаримиз (соллаллоҳу алайҳи ва саллам): “Кимки ғусл қилиб, покиза кийим кийса ва мушк билан хушбўйланса, масжидга шошмасдан борса ва имом маърузасини бўлмасдан эшитса ва намоз ўқиса у киши уйга ўтган жумадан бери қилган гуноҳларидан фориғ бўлган ҳолда қайтади”, дедилар.
    Бошқа бир ҳадисда эса, “Кимки жума намозидан сўнг, оёғини алмаштирмасдан туриб қуйидаги сураларни 7 мартадан ўқиса: Фотиҳа, Ихлос, Фалақ ва Нос сураларини, Аллоҳ субҳанаҳу ва Таоло унинг аввалги ва охирги гуноҳларини кечиради ва уни мукофотлайди, деганлар.

Масжидга барвақт борган туя қурбонлик қилган ажрига ноил бўлади.

    Абу Ҳурайра (розияллоҳу анҳу)дан ривоят қилинади. Расулуллоҳ (соллаллоҳу алайҳи ва саллам): “Ким жума куни ғусл қилиб, масжидга эрта борса, битта туя сўйгандек бўлади. Ким иккинчи вақтда борса, худди битта сигир сўйгандек, ким учинчи вақтда борса, худди битта шохдор қўчқор сўйгандек, ким тўртинчи вақтда борса, худди битта товуқ сўйгандек, ким бешинчи вақтда борса, худди бир тухум атагандек бўлади. Имом (минбарга) чиққанда эса фаришталар хутбани эшитишга ҳозир бўладилар”, дедилар (Абу Довуд, Ибн Можа).
     
      Ушбу ҳадислар жума кунининг фазилати ва савоби ҳақида бир эслатмадир. Барчамиз бу куннинг улуғ фазилатларидан тўлиқ баҳраманд бўлайлик.

ДЎСТЛАРИНГИЗГА ҲАМ УЛАШИНГ!!!

ЭНДИ ШУ БОТИМИЗ ОРҚАЛИ ИСТАЛГАН ДУОЛАРНИ ТОПИШИНГИЗ МУМКИН

@kundalik_duolar_bot обуна буволинг Ochish/sharhlash