Get Mystery Box with random crypto!

#яхши_шеърлар БАЛКИ ДУНЁ БИР ТОМОШАГОҲ Балки, Дунё бир том | Ummu Zaynab Ummu-Azizaxon Ismoilova ijodi kanali

#яхши_шеърлар

БАЛКИ ДУНЁ БИР ТОМОШАГОҲ

Балки,
Дунё бир томошагоҳ,
Балки,
Жаллод унутган кунда.
Балки бозор,
Харидори йўқ,
Сафсаталар сотилар унда.
Балки,
Дунё улкан бир мозор,
Кезиб юрар тирик жасадлар.
Ярим тунда туғилар бир-бир,
Дунёга дор бўлар ҳасадлар.
Балки,
Дунё сўқир бир машшоқ,
Тебрантирар,
Телбани куйи.
Қулларини синамоқ учун,
Худо қурган,
Шайтоннинг уйи!

Мирзоҳид Ботиров

@Ummuzaynabummuijodi