Ummu Asma sahifasi 📝

2023-03-05 17:31:18 Болаларни 0-3 ёшгача бўлган даврлари ҳақида кўпроқ билишни хоҳласангиз Масари Ибуканинг "Учдан кейин кеч" ва "Учгача айни вақти" китобларини тавсия қиламан. Ochish/sharhlash

2023-03-05 17:29:48 Ochish/sharhlash

2023-03-05 17:27:01 Бола туғилгандан 3 ёшгача ҳамма олган маълумотларни онгида сақлайди. Ушлаб кўрган, таъмини тотиб кўрган, эшитган, хидлаган... Ушбу ёшда улар учун энг идеал инсон уларни ота - оналари хисобланади. Ота - оналарида нимани кўришса ўшани такрорлашга ҳаракат қилишади ва кўпчилик олимларнинг фикрига кўра бу ёш энг мухим давр хисобланади. Тасаввур қилинг сизга бўш флеш карта берилди ва сиз унга ўзингизга керакли файлларни юклаяпсиз, болани мияси ҳам 3 ёшгача шундай, нимани берсангиз ўшани папкага жойлаб миясига сақлаб қўяди. Шу ёшда болага нимани таклиф қилиш сизни қўлингизда. Ҳаттоки 3 ёшгача болага кўплаб тилларни бир вақтни ўзида ўргатиш мумкинлига ва бола буларни ҳаммасини чалкаштирмай ўргана олиши ҳақида кўп тадқиқотлар қилинган.

Болангиз Қуръон ўқишини хохлайсизми? Мархамат ўзингиз ҳар куни уни олдида Қуръон ўқинг. Китобга мухаббатли бўлишини хохлайсизми? Ечими оддий болани олдида китоб ўқинг ва унга ўқиб беринг. Ростгўй бўлишини хохлайсизми? Унда болани алдаманг....

Болалар биз ўйлаганимиз ва билганимиздан ҳам кўпроқ нарсага қодир. Уларни ривожлантириш ва тарбиялаш биз оналарнинг вазифамиз ва мажбуриятимиздир.

https://t.me/umm_asma_sahifasi Ochish/sharhlash

2023-03-05 16:12:38 Бизни болаларимизга ҳозир медиа, ютуб, гугл оналик қиляпти, қилгандаям жудаям ёмон оналик қиляпти. Катта инсон интернет, ютуб фитнасидан ўзини қутқариши қийин бўлган бир пайтда, ҳали нафсини тарбиялаб олмаган бола қандай ўзини химояласин. Шундоғам мусулмонларга, уларни болаларига турли фитналар қилинаётган бир замондамиз, шунга ҳам қарамай, хаттоки уйимиздан чиқармай, осонгина фарзандимизни шу фитналарга тушишига йўл очиб беряпмиз. Жим ўтирса ва бизга халақит бермаса бўлди, ишимизни қилиб олсак ёки дам олиб олсак бўлди, нима кўрса ҳам фарқи йўқ, бола - ку эртага эсидан чиқаради бизнингча. Биз ўзимиз таъсирли бирор нима кўрсак қанча вақт ўшани таъсирида юрамиз, нимага энди онги ҳамма нарсани ўзига шимдирадиган боламиз бирданига эсидан чиқариши мумкин. СубханАллоҳ ҳар хил гаплар билан ўзимизни алдаймиз. Бола миясини олимлар 0-3 ёшгача бўлган даврда "шимиб олувчи (онг) ақл - идрок" деб аташади. Бу ёшда бола онгсиз равишда ҳамма нарсани ўзига шимиб олади. Биз боламизни онгини керакли ва фойдали маълумотлар билан тўлдириш ўрнига, енгил елпи видеолар, фахшга тўла мультиклар билан тўлдирамиз. Яна таажубланамиз болам қаердан бундай бемаъни қилиқни ўргандикин деб.
Оддий нихолни ҳам дарахт бўлиши учун қанча парваришлаб эътибор бериш керак, нега энди фарзанд масаласига келганда бунчалар лоқайдмиз. Ахир булар бизни омонатларимиз, омонатни риоясини қилишимиз керак.

Ей муслима она, огоҳ бўлиш вақти келмадимикин? Қиёмат аломатлари бирма - бир содир бўляпти. Балки кейинги жума қиёмат бўлиши мумкин, балки ундан кейингиси. Бир ўзимизни қўлга олиб, амалларимизни тафтиш қилиш вақти келмадимикин?
Қўлимиздаги ушбу севимли телефонимиз қиёмат куни фойдамизга хужжат бўладими ёки зараримизга? Ўзимиз вақтимизни исроф қилганимиз етмагандек, соф фитратда бўлган фарзандимизни ҳам фитратини бузаётганимиз учун қандай жавоб бера оламиз?

https://t.me/umm_asma_sahifasi Ochish/sharhlash

2023-03-05 16:12:38 Ochish/sharhlash

2023-03-05 09:09:36 Рўзага оид аҳкомларни ўрганиш

Инсон рамазон ойидек улуғ фурсатни қўлидан бой бермаслиги ва ундаги ибодатларни тўла тўкис адо этиб, Аллоҳ таолонинг розилигига эришиши учун бу муборак ой кириб келишидан олдин унга тегишли аҳкомларни ўрганиб қўйиши мақсадга мувофиқ бўлади. Гоҳида инсон рамазон аҳкомларини тўлиқ билмагани учун тутган рўзаси шариатга мувофиқ бўлмай қолади. Бу эса жуда ҳам катта хатар. Чунки биз юқорида айтиб ўтганимиздек, амал қабул бўлиши учун аввало холис ният, кейин эса шу амал шариатга мувофиқ бўлиши лозим.

https://t.me/umm_asma_sahifasi Ochish/sharhlash

2023-03-05 09:09:36 Кам овқат ейиш

Рўзадан кўзланган мақсадлардан бири – инсонни кам овқат ейишга ўргатиш. Зеро, кам овқат ейиш ибодат қилишга фурсат беради, ошқозонга роҳат бахш этади. Кўп овқат ейиш эса қалб қотиши ва дангасаликка олиб боради. Муҳаммад ибн Восеъ шундай дейди: “Ким кам овқат еса тушунчаси ошади, бошқаларга ҳам тушунтира олади, қалби соф ва юмшоқлашади. Кўп овқат еган киши эса аксар мақсадларига эриша олмайди”. Бир киши Расулуллоҳ соллаллоҳу алайҳи ва салламнинг ҳузурларида кекирганида унга: “Кекиришни бас қил! Зеро, дунёда кўп еган киши охиратда кўп оч қолади” – деганлар (Термизий (2478) ривояти, ҳадис даражаси ҳасан).

https://t.me/umm_asma_sahifasi Ochish/sharhlash

2023-03-05 09:09:36 Вақтнинг қадрига етиш

Вақт бу ҳаёт демакдир. Вақт бу мусулмон киши охирати учун йиғаётган жамғарма – сармоядир. Ибн Жавзий роҳимаҳуллоҳ шундай дейди: “Инсон вақтининг қийматини билиши, тоат-ибодатдан бошқа нарсага бир лаҳза ҳам сарфламаслиги даркор”.
Зеро, рамазон ойи бир йилда бир марта келадиган саноқли кунлардан иборат.

https://t.me/umm_asma_sahifasi Ochish/sharhlash

2023-03-04 06:20:28 Ҳақиқий тавба

Аслини олганда тавба доимий вазифамиз, лекин айнан шу дамда тавба қилиш янада вожиброқ. Чунки биз тоат мавсумига кириб бормоқдамиз. Гуноҳлардан тийилмаган кишига Аллоҳ таоло тавфиқ бермайди, бу ойда тоат-ибодат қилиш бахтидан уни маҳрум қилиб қўяди. Зеро, инсоннинг қилган гуноҳлари унинг солиҳ амаллар савобидан бебаҳра қолишига сабаб бўлади. Гуноҳдан тавба қилмаган ҳолда сиз билан бирга рўза тутиб, ёнингизда таровеҳ намозларини ўқишига алданманг. У зоҳирда бу ишларни қилаётган бўлса-да, бу қалбида амалларнинг ҳаловатини топа олмайди. Бир киши Ҳасан Басрий роҳимаҳуллоҳга: “Нега биз кечалари қойим тура олмаймиз?” – деб сўраганида у киши: “Сизларни қилган гуноҳларингиз кишанлаб қўйган” – деб жавоб берган экан. Зеро, Аллоҳ таоло бизга: “Эй иймон келтирганлар, Аллоҳга чин дилдан тавба қилинглар” – деб бежиз айтмаган.

https://t.me/umm_asma_sahifasi Ochish/sharhlash