UMAR HAYYOM

2022-06-21 17:53:24 https://t.me/Umar_Hayyom_Rubai Ochish/sharhlash

2022-06-19 10:05:33 ​​​​ЯҚИНЛАРИНГ ЙИҒЛАТСА.

Яқинларинг йиғлатса,
Кўз ёшингни яширгин.
Битта яхшилик қилса,
Ўнта қўшиб оширгин.

Яқинларинг йиғлатса,
Ётдан ёруғлик кутма.
Сўнги йўлга кузатувчинг
Шу йиғлатган, унутма.

Яқинларинг йиғлатса,
Қилма элга овоза.
Кабутар кўк қучса ҳам,
Қайтар жойи ховоза.

Яқинларинг йиғлатса,
Қўлларин қўй кўзингга.
Ҳа десалар, дегин толди,
Кўзим қараб юлдузга.

Яқинларинг йиғлатса,
Дема мени билмади.
Сен ким бўпсан, Абу Лаҳаб
Пайғамбарни билмади.

Яқинларинг йиғлатса,
Бу ўткинчи бир хисдир.
Қурон ўқи, қалбингга,
Қурон таскин, мунисдир.

Бироқ шундай яшагин-ки,
Салом ўрнинг билинсин.
Ортингдан дуо қилиб,
Жаннатларни илинсин.

ОПА-СИНГИЛЛАРНИ ЙУҚЛАБ ТУРИНГ, АЗИЗЛАР...



https://t.me/Umar_Hayyom_Rubai Ochish/sharhlash

2022-06-07 08:29:31 Дарахт хайрон эди бир холга хаста,
Уни турфа йўлда ишлатди уста,
Бир учи бешикка аталган бўлса,
Бир учи тобутга бўлганди даста.

https://t.me/Umar_Hayyom_Rubai Ochish/sharhlash

2022-06-02 11:02:53 НОН НАРХИ ТУШИБ КЕТСИН!



Кеча шўрлик чолимнинг.
Қон босимлари ошди.
Бир юз элликка чиқди.
Кўриб сал ақлим шошди.

Дори дармонлар бердим.
Пойладим тез тушишин.
Билмагандим бугундан.
Икки икки юзга чиқишин.

Мен аҳмоқ кампиргина.
"Буханка" егим келди.
Чолга эркалик қилдим.
" Иккитагина обкелинг".

Оҳ, агар билганимда.
Ҳеч қачон ҳам айтмасдим.
"Буханка" нон ўрнига.
Заҳар есам бўлмасми?

Кўчадан келди чолим.
Ранги қизил, жаҳлдор.
"Тинчликми чол?"- сўрадим.
"Ма, ушла, нонингни ол!"

"Нон ошибди бугундан.
Сал кам икки баробар.
Нақ икки минг саккиз юз!
Халқинг холи не кечар?

Сабабимиш кулгили.
Тошкентнинг арзон нонин.
Вилоятда молларга.
Берар экан ахоли.

Ахир ойликка қарам.
Уч- тўрт фарзанди борлар.
Бир кунда тўртта, бешта.
"Буханка" нондан олар.

Сарёғ қиммат, қанд чойга.
Нон ботириб ейишар.
Нон ҳам осмонга чиқди.
Энди нима қилишар?

Болаларнинг байрами.
Энди эсда қолади.
"Шу куни нон ошган"- деб.
Тарихга ҳам киради.

"Икки юз минг" ғалваси.
Ҳали тугамаганди
Бирдан ноннинг ошишин.
Ҳеч ким ўйламаганди.

Нонни молига берган.
Ҳой, вилоятлик чўпон!
Ўша нон еган сигир.
Сутини сотинг арзон!

Молингиз есин хашак.
Ейишсин пўчоқ- мўчоқ.
Биз ер эдик "буханка".
Бизда йўқ тандир, ўчоқ.

Тошкент бу- нон шаҳридир.
Нони тотли ҳамма пайт.
Лекин моллар нон еса.
Тошкенликда нима айб?

Чолимни тинчлантирдим.
"Майли чол, хуноб бўлманг.
Юртга келган тўйдир бу.
Дуо қилишни қўйманг!"

Юрт, элимиз тинч бўлсин.
Оби равон мўл бўлсин.
Буғдой ҳосили ошсин.
Нон нархи тушиб кетсин!

https://t.me/Umar_Hayyom_Rubai Ochish/sharhlash

2022-05-01 10:34:08 https://t.me/Umar_Hayyom_Rubai Ochish/sharhlash

2022-05-01 10:31:06 Ассалому алайкум! Арафа муборак, азизлар!
Сизу-бизга неъматларини беминнат, бенуқсон адо этаётган, бажарадиган арзимас яхшилигимизга Жаннат ваъда қилган меҳрибон Аллоҳимга беадад, беҳисоб шукурлар бўлсин!

Эртага мусулмонлар учун энг қадрли кун - Ҳайит байрами!
Ўйлаган барча эзгу ниятларингиз амалга ошсин!

Ҳар бир хонадонда қорилар туғилсин, қориларни дунёга келтирадиган солиҳалар дунёга келсин. Уйланмаганларга Фотима онамиздек қизлар, турмуш қурмаган қизларга Али карамуллоху важҳахудек куёвлар учрасин. Оналар дини исломга хизмат қиладиган фарзандлар улғайтирсин.
Фарзандларимизнинг энг улкан совғаси ~ Ҳаж йўлланмаси бўлсин.

Яхшиликлар ҳамроҳингиз бўлсин!

https://t.me/Umar_Hayyom_Rubai Ochish/sharhlash

2022-04-19 02:57:11 Бир нарса истамоқчи бўлсанг, инсондан истама!
Зеро берса миннатдир, бермаса зиллат (хорлик)дир!
Аллоҳдан истагинки, берса неъматдир, бермаса ҳикматдир...

Мавлоно Жалолиддин Румий

https://t.me/Umar_Hayyom_Rubai Ochish/sharhlash

2022-04-18 11:35:48 Рўзадормисиз?

Бир неча йигит Рамазон ойида бир мўйсафид отахоннинг одамлар кўзидан пана жойда таом еяётганини кўриб қолишибди:
- Ие, Отахон! Сиз рўзадормасмидингиз?

Отахон:
- Нега? Албатта рўзадорман. Фақат сув ичиб, таом еяпман, холос.

Йигитлар қаҳ-қаҳ кулиб юборишибди:
- Ростданми Отахон?

Отахон деди:
• Кимсага ёмон назар ташламайман,
• Бировни мазах қилмайман,
• Инсонларни ғийбат қилмайман,
• Ҳеч кимнинг кўнглига озор етказмайман,
• Одамлар билан қўпол муомала қилмайман,
• Бировнинг молига кўз олайтирмайман.
• Лекин... минг афсуски касалим бор... Ошқозоним касал. Шунга меъдамни рўзадор қилолмаяпман.

Сўнгра отахон йигитлардан сўради:
- Сизлар ҳам рўзадормисизлар, болаларим?

Йигитлардан бири ҳижолатдан бошини эгиб оҳиста овозда жавоб қайтарди:
- Йўқ! Биз фақат овқат емаяпмиз, холос...

Сиз Рўзадормисиз?

https://t.me/Umar_Hayyom_Rubai Ochish/sharhlash

2022-04-12 15:20:18 Aллоҳ сенга ниманидир раво кўрмаслиги мумкин. Aгар ўзингга тўғри ва холис бўлсанг, билки, бунинг ортида ажиб бир ҳикмат ётгусидир.

Балки, у сени нимадандир асраётгандир. Зеро, фақатгина Яратган сенга нима энг яхши эканини билгучидир.

Тақдирнинг ҳар бир ишига шукрона қилишни ўрган, хоҳ яхши бўлсин, хоҳ ёмон!

https://t.me/Umar_Hayyom_Rubai Ochish/sharhlash

2022-04-12 02:56:44 САБР БЕРСИН!

Бир тишлам луқма ютмай,
Куни бўйи сув ичмай,
Қиёмат кунни кутмай,
Рўза тутган одамларга,
Аллоҳим сабр берсин.

Сахарликларга турган,
Савоб ишларни қилган,
Эҳсонлар қилиб юрган,
Сахий, бой хотамларга,
Аллоҳим ажир берсин.

Тишни қўйган тишларга,
Оғир мехнат, ишларга,
Чидаб совуқ, қишларга,
Мусофирдаги дўстларга,
Аллоҳим сабр берсин.

Рўза ойи бўлакча,
Жаннатга у йўлакча,
Кийиб узун кўйлакча,
Рўза тутган қизчаларга,
Аллоҳим жаннат берсин.

Оқ яктаклар ярашган,
Ҳавас билан қарашган,
Бобосига эргашган,
Оқ дўппили болаларга,
Аллоҳим умр берсин.

Адоғсиз саволларга,
Ботган ўй-ҳаёлларга,
Бефарзанд аёлларга,
Қучоғларин тўлдириб,
Аллоҳим фарзанд берсин.

Умидин тикиб дорга,
Кўнгли тўлиб, оҳ-зорга,
Дардлар чеккан бедорга,
Хар бир ёткан беморга,
Аллоҳим шифо берсин.

Нарх-навони кўтарган,
Фақат фойда кўзлаган,
Худо деб ёлғон сўзлаган,
Амалдору-савдогарга,
Аллоҳим инсоф берсин.

АЛЛОҲИМ ИНСОФ БЕРСИН!

Камронбек Исмоилов



https://t.me/Umar_Hayyom_Rubai Ochish/sharhlash