2022-11-01 06:59:47
Ўқинг- баҳраманд бўлинг
Талабалардан бири устозидан охиратдаги ҳисоб-китоб ҳақида сўради. Шунда устоз ўрнидан турди ва талабаларга пул тақсимлаб берди. Биринчисига юз дирҳам, иккинчисига етмиш беш дирҳам, учинчисига олтмиш дирҳам, тўртинчисига эллик дирҳам, бешинчисига йигирма беш, олтинчисига ўн ва еттинчисига беш дирҳам пул берибди. Савол сўраган талабага эса, бир дирҳам берибди. Бу ишдан талаба ўзини камситилгандек ҳис қилибди. Чунки, устози бошқаларни ундан кўпроқ пул билан сийлаган эди. Буни сезган устози андек табассум қилибдида, талабаларга қараб: шанба кунгача берган пулларимни сарф қиласизлар ва шанба куни нимага сарфлаганингизни ҳисоботини берасизлар, деди.
Шанба куни талабалар эрта тонгда келиб устозни кутиб турдилар. Устоз келиб ҳар бир талабадан берилган пулларни нималарга сарф қилганларини бирма бир айтиб беришларини сўради. Жавоб бераётганларида хонани иситиш учун ёқиб қўйилган печкани устига чиқиб туришлари шарт эканлиги, токи ҳисоботни тугатмагунларича печканинг устидан тушмасликларини айтди.
Шундан кейин юз дирҳам олган биринчи талаба ҳисобот бериш учун печканинг устига чиқди. У ҳисобот берар экан, бир оёғини кўтариб, иккинчисини қўйиб печканинг иссиқлигидан оёқларини куйишдан сақлашга ҳаракат қилар эди: беш дирҳамга шакар олдим, ўн дирҳамга чой олдим, йигирма дирҳамга узум олдим, ўн беш дирҳамга нон олдим ва ҳоказо олган нарсаларини санаб берар экан, оёқларининг остидаги иссиқ бутун баданини қиздириб азобланарди. Ҳисобот тугагунча, оёқларининг ости куйиб кетди. Гапирар экан оғзи қуриб, нафас олишга қийналар эди.
Кейин навбатдаги талаба печканинг устига чиқиб ҳисобот топшира бошлади. У ҳам аввалги талабанинг ҳолига тушди. Сўнгра учинчи, кейин тўртинчи ва ҳоказо, энг охирги бир дирҳам олган талабага навбат келди. У печканинг устига чиқиб: бир дирҳамга бир боғ кўкат олдим, дедида сакраб ерга тушди. Устознинг олдига илдам келди. Қолганлар эса, ерда ўтириб куйган оёқларини ишқалаб ўтиришар эди. Шунда устоз ёнида турган шогирдига: мана бу қиёмат кунидаги ҳисоб-китобнинг кўринишидан бир лавҳа. Ҳудди шундай, ҳар ким Аллоҳ таоло унга берган нарсаларининг ҳаммасидан сўралади, деди.
Шундагина бир дирҳам олган талаба устози уни бошқалардан камситган эмас, аксинча эҳтиром қилганини англади.
Ҳа, қиёмат куни бойлар фақирлардан кейин беш юз йилдан кейин жаннатга кирадилар, уларнинг ҳисоб-китоблари анча вақтгача чўзилади, дейилган ҳадис бежиз эмас экан.
Бошқалар учун ҳам тавсия этиш орқали ажрга эга бўласиз!
1.0K viewsК.Р.А, 03:59
M
