11. Президент академияси раҳбар кадрлар етиштирса, республикан | Uch zamon

11. Президент академияси раҳбар кадрлар етиштирса, республиканинг бошқа олийгоҳларида ушбу соҳа бўйича оддий ходимларни етиштирадиган факультетлар очилиши керак. Чунки бу иш учун минг минглаб мутахассислар керак бўлади.

12. Ва ниҳоят мактаблар ва ОТМларда аёллар ҳуқуқлари, гендер тенглиги дарслари жорий қилиниши ва мажбурий ўргатилиши керак. Мавзу дарсликларга киритилиши ва махсус дарсликлар яратилиши керак.

13. ОАВлар, блогерлар, жамоат фаоллари инсонларнинг дунёқарашларини ривожлантириш борасида олиб бораётган ишларини давом эттиришлари керак.

14. Радикал диний блогерлар эгаллаб олган диний маконни республиканинг расмий диний масъуллари қайта эгаллаб олишлари керак ва одамларга аёлларнинг ҳуқуқларининг аҳамиятини диний томонлама тушунтириб беришлари керак.

15. Аёлларга нисбатан зўравонликни оқлаганлик, тарғиб қилганлик, аёлларнинг тенг ҳуқуқли эканлигини инкор этганлик учун жавобгарликнинг қонуний асослари зудлик билан яратилиши ва амалга тадбиқ этилиши керак.

16. Амалдаги қонунчиликда ҳам аллақачон аёлларнинг ҳуқуқлари борасида етарлича база мавжуд. Фақат уларда иккита муаммо бор. Биринчиси, улар амалда қўлланилмайди ва шу сабабдан улардан ҳеч ким қўрқмайди. Иккинчиси, улар етарлича қатъий эмас ва улардан ҳеч ким қўрқмайди. Шу сабабдан, биринчидан мавжуд қонун ва моддаларни амалда қўллаш керак ва иккинчидан, жазо чораларини оғирлаштириб, зўравонлар 7 марта ўйлаб кўрадиган ҳолатга келтириш керак.

...

Бу "Керак керак керак..." ишларни қилишнинг ҳеч қийин жойи йўқ. Фақатгина хоҳиш, сиёсий ирода бор бўлса бўлди. Чунки уларни амалга оширишга пул топилади. Давлат бюджет пулллари бор, халқаро ташкилотлар, ривожланган давлатларнинг грантлари бор. Умуман олганда бу ишларнинг барчаси ўзимиз, ўз жамиятимиз, ўз аёлларимиз ва келажагимиз учун сарфланади. Шунинг учун уларнинг қанчалигининг аҳамияти йўқ.

"Уч замон" каналига обуна бўлиш учун ҳавола https://t.me/uchzamon