2023-06-13 20:25:37
Har ne o'tti ichimga yuttim,
Yutaverdim va to'ldim lim-lim.
Endi toshib boryapman qara,
Axir, Ayyub emasman Tangrim!
Ko'zlarimga sanchilar kunlar,
Kechalarning azobi taxir.
Men Yunusdek ketolmam bunda,
Qutqaruvchi baliq yo'q axir.
Har ne bor ki Uning amrida,
Shamollar ham tinglar edi jim.
U Sulaymon edi mening-chi?!
O'zimga ham yetmaydi kuchim.
Ko'zlarimga solmoqda qutqu,
Bu fanoning yolg'on jilvasi.
Men dunyoga cho'kib boryapman,
Kelmaydimi Nuhning kemasi?!
@uch1nch1_dunyo
34 viewsSarvinoz, 17:25