Yangi oʻquv yili boshlanishi munosabati bilan
ijaraga uy qidirib yurgan talabalar bisyor. Ularning muammolarini oʻrganish va yaqindan yordam berish uchun
Vazirlik huzuridagi Talaba va oʻquvchilarning maʼnaviy yuksalishiga koʻmaklashish markazi xodimlari Toshkent shahar, Chilonzor tumanida joylashgan, xalq tili bilan aytganda
"uy bozor”da boʻldilar.
Tashrif davomida talabalarning turar joy bilan nega taʼminlanmaganligi sabablari oʻrganildi. Natijada OʻzMU, TDSHU, TMI, TTA, OʻzDSMI, TDTU, OʻzDJTU, TDTrU, TDPU va yana bir qancha OTM talabalarining
50 ga yaqini ijaraga joylashtirildi. Bu kabi amaliy ishlar bugundan eʼtiboran davomli tarzda olib boriladi.
Shu oʻrinda barcha ijaraga turar joy izlab yurgan talabalarga oʻz tyutorlariga murojaat qilishlarini va ular bu masala boʻyicha sizlarga amaliy yordam berishlari kerakligini eslatib oʻtmoqchimiz. Oʻz ishiga masʼuliyatsizlik bilan yondashish holatlari kuzatilsa @manaviyatedubot orqali murojaat qiling.
Rasmiy sahifalarimiz: Telegram | YouTube