Тўртликлар ва рубоийлар

2021-02-14 07:20:18 (14 февраль — Заҳриддин Муҳаммад Бобур таваллуд топган кун.)

Ҳар кимки вафо қилса, вафо топқусидур,
Ҳар кимки жафо қилса, жафо топқусидур.
Яхши киши кўрмагай ёмонлик ҳаргиз,
Ҳар кимки ёмон бўлса, жазо топқусидур.

Заҳриддин Муҳаммад Бобур
@turtliklar Ochish/sharhlash

2021-02-12 10:47:07 Шундоқ эди бу дунё, шундоқ бўлур ҳамиша,
Кўҳна бир ҳақиқатнинг дўкони ёпилмайди:
Доно одам жуда кам, гарчи кўп илм пеша,
Бисёрдир таниш-билиш лекин дўст топилмайди.

А.С.Пушкин (А.Орипов таржимаси) Ochish/sharhlash

2021-02-09 09:40:00 ​Тайёрада давлатлар аро,
Шоир аҳли ёзар турли шеър.
Мозийдан то ҳали ҳануз,
Қалам билан кезар Алишер.

Н.Тиллахонова
@turtliklar Ochish/sharhlash

2021-02-09 05:40:16 (9 февраль — Алишер Навоий таваллуд топган кун)

Кўз бирла қошинг яхши, қабоғинг яхши,
Юз бирла сўзинг яхши, дудоғинг яхши.
Энг бирла менгинг яхши, сақоғинг яхши,
Бир-бир не дейин, бошдин аёғинг яхши.

Алишер Навоий
@turtliklar Ochish/sharhlash

2021-02-08 15:12:31 Беруний китобин варақлаб Колумб,
Океан ортига йўл олган, дейсан.
Бас, унда нимага Беруний қолиб,
Колумбнинг шаънига қўшиқ тўқийсан?


Сен, дўстим, чўғ бўлма катта ўчоқда,
Яхшиси осмонда битта юлдуз бўл.
Ҳар одам кўради сени у чоқда,
Гўдаклар талпиниб узатишар қўл!

Шуҳрат | @turtliklar Ochish/sharhlash

2021-02-06 17:38:29 Нодонлар гердаяр хода ютгандек,
Донолар юришар доим бош эгик.
Кифтига бир хил юк қўйса-ку даврон
Нодон синиб кетар, доно қолар тик.

Шафоат Раҳматуллаев
@turtliklar Ochish/sharhlash

2021-02-01 12:59:46 Ул Аллоҳким тану жонни яратди,
Ҳар аъзони бир хизматга қаратди.
Тилда иллат кўрди-ю этди тутқун,
Оғиз-зиндон, тилни анда қаматди.

Хожа Али Ромитаний
@turtliklar Ochish/sharhlash

2021-01-31 14:13:54 Қаро қошинг, қалам қошинг, қийиқ қайрилма қошинг, қиз.
Қилур қатлима қасд қайраб — қилич қотил қарошинг, қиз.
Қафасда қалб қушин қийнаб, қанот қоқмоққа қўймайсан.
Қараб қўйгил қиё, қалбимни қиздирсин қуёшинг, қиз.

Эркин Воҳидов
@turtliklar Ochish/sharhlash

2021-01-28 15:34:22 Яхшимисан сўрайди ҳамма,
Шу саволдан ҳар кун тамомман,
Нолимайман аҳволим яхши,
Лекин ўзим жуда ёмонман.

Хонзодабегим
@turtliklar Ochish/sharhlash

2021-01-25 16:28:55 Ўзимга

Танангнинг соғлиги солиб турар хавф,
Бўлса агар сени иймонинг майиб.
Миллион йил умр кўришдан не наф?
Гуноҳинг кўпайса савоб камайиб.

Aкмал Aжиб
@turtliklar Ochish/sharhlash