Тўртликлар ва рубоийлар

2022-07-30 16:38:38 Гўдаклик чоғимга қайтсайдим бир он,
Ухласам бош қўйиб қайноқ бағрингга.
Aлмашган бўлардим ишон онажон,
Шу ўтган бир онни қолган умримга.

Aкмал Aжиб
@turtliklar Ochish/sharhlash

2022-07-29 18:22:28 "Онажон гапимни тушунмаяпсиз..."
Фарзанд хитоб қилди онага бир дам.
Онаизор айтди: "Тушунганманку,
Ҳатто гапирмаган пайтларингда ҳам..."

Хайрулла Ҳамидов
@turtliklar Ochish/sharhlash

2022-07-27 13:01:44 Дўстим, беролмайман қаср шоҳона,
Асло бўлолмайман тилло остона.
Интилсанг, покиза орзулар сари,
Бахтлиман, бўлолсам битта поғона.

Латофат Ражабова
@turtliklar Ochish/sharhlash

2022-07-25 10:11:01 Иш. Чой. Суҳбат. Овқат. Яна иш.
Ҳамма нарса ўйланган. Пухта.
Сўнг сен келдинг. Бошланди ёниш.
Мувозанат йўқолди. Нуқта.

Усмон Азим | @turtliklar Ochish/sharhlash

2022-07-23 17:16:42 Тўртликлар

Майлига бўлсангда чиндан ҳам зўрлар,
Бормикан, демагин, мендан ҳам зўрлар,
Бу пайтда яхшиси мозорга боргил,
У ерда ётибди сендан ҳам зўрлар!

* * *
Мол-дунё устида бошланди пойга,
Ҳамманинг истаги – айланмоқ бойга.
Бироқ, барисини чархи кажрафтор
Нархини тенглади бир уюм лойга.

Хайрулла Ҳамидов | @turtliklar Ochish/sharhlash

2022-07-15 09:01:13 Фуқаронинг боғчасидан султон узса бир олма,
Навкарлари қўпоради дарахтларнинг илдизин.
Зўрлик билан бешта тухум ола қолса подишоҳ,
Аскарлари сихга тортур товуқлардан беш юзин.

Саъдий | @turtliklar Ochish/sharhlash

2022-07-12 10:22:46 Ишқий шеърлар ёзиб-ёзиб
Шоир кирди етмишга.
Қиз-жувонлар қушдек тўзиб
Учди-кетди ўтмишга...

Анвар Обиджон
@turtliklar Ochish/sharhlash

2022-07-08 20:10:53 Хушвақт бўл келмоқда Ҳайит айёми,
Шай бўлғуси бутун қувонч анжоми.
Сустликдан ой сариқ, озғин ва синиқ,
Вақтида бу дардлар битар тамоми.

Умар Хайём
@turtliklar Ochish/sharhlash

2022-07-07 10:09:41 Фироқ битди — минг пора бўлди
Қалб заҳмига қалб чора бўлди.
Иккимизнинг бахтимиз аро
Лекин кимдир бечора бўлди.

Мирзо Кенжабек
@turtliklar Ochish/sharhlash

2022-07-05 10:25:13 Яна кўз очмоқда кўҳна армоним,
Бу дардга дош бермоқ бунчалар оғир.
Кўнглимга раҳм қилма, энди осмоним,
Юракни аямай савала ёмғир.

Комила Носирова | @turtliklar Ochish/sharhlash