Кўпгина қизлар бор: фазилатли ота-онадан туғилган ва ахлоқли х | Tunchiroq

Кўпгина қизлар бор: фазилатли ота-онадан туғилган ва ахлоқли хонадонда тарбия топган, лекин замоннинг фитналари, телевизорда кўрган ва эшитганлари таъсирида фақат гап-сўзлари орқалигина танийдиган йигит билан гаплашиш учун телефон гўшагини кўтаради ёки интернетда ўтириб, исмини ҳам, у ҳақида бирор маълумот ҳам билмайдиган йигитга алжирайди.

У ички кураш гирдобида яшайди: гоҳида итоатсиз бир овоз уни маъсиятга шўнғиш ёки иффат тушунчаларидан воз кечишга чақирганини эшитса, яна баъзида кучли бир овоз уни ич-ичидан қаттиқ титратиб: «Тўхта, бу гуноҳ ва ҳалокат йўли!», деганини эшитади. Қулоқлари олдида ва миясида мазкур овозлар бир-бири билан курашади.

Албатта, у Аллоҳга ва охират кунига иймон келтирган, жаннат ва дўзахни билади, ҳалол ва ҳаромга аниқ ишонади, лекин шаҳватларга қарши курашиш жуда қийин.

Унинг отаси бор, лекин у ўз тижорати ва дўстлари ила муносабатлари билан овора, улар билан ярим кечагача бирга бўлади. Онаси ҳам бор, лекин у қизидан жуда узоқ, ўз ташвишлари ёки дугоналари ила суҳбат қуриш билан банд.

У ўзини тинглайдиган, ҳис-туйғулари ва шикоятларини эшитадиган инсонни ота-онасидан тополмаган, лекин улардан топмаганини дугонаси – мактабдаги ёмон дўстидан ёки ширин сўзлар ва ёлғон ваъдалар билан унинг бошини айлантирадиган дайди йигитдан топган...

Ҳассон Шамсий Пошонинг «Қизларимизга насиҳат» китобидан.

@Iysoxon