КЕЛИНЛАРГА МАСЛАҲАТ Оқ либосда оқ қушдек, Осмонларга учдингиз | To'y Tabriklari
КЕЛИНЛАРГА МАСЛАҲАТ
Оқ либосда оқ қушдек,
Осмонларга учдингиз,
Файзли бир хонадонга,
Келин бўлиб тушдингиз.
Ҳуснингизга ой келин,
Фаришталар ҳавасда,
Яхшилик тиланг доим,
Яхши сўз ҳар нафасда.
Сиздан меҳр кутганга,
Меҳр беринг бир қатим,
Энг аввало қилинг сиз,
Куёв бола ҳурматин.
Оқиб келган дарёлар,
У ҳали ҳам оқиндир,
Билсангиз эркакни эр,
Қиладиган хотиндир.
Ширин сўз гадоси кўп,
Кимлар бўлмас парвона,
Онажон денг,онажон,
Қайнона ҳам бир она.
Фурсат келса сўз айтинг,
Оқил доно сўз бўлинг,
Кайнона,қайнотага,
Келин эмас қиз бўлинг.
Сабрли бўлинг ҳар дам,
Ҳеч ҳам кўзни ёшламанг,
Ҳар бир уйнинг сири бор,
Асло сирни фошламанг......
Хуршид Карим
Адиба Абдирасулова
T.me/Marxabo_Karimova
