ТЎЙИМИЗГА! (Заказ учун ёзилди) Тўйимизга Султоним, Йигирма б | To'y Tabriklari
ТЎЙИМИЗГА!
(Заказ учун ёзилди)
Тўйимизга Султоним,
Йигирма беш йил бўлибди.
Вой ўзимни эржоним,
Ким мехрга тўйибди.
Таъзим қилиб тураман,
Бугун ишдан келсангиз.
Не десангиз кўнаман,
Ойлигингиз берсангиз.
Қўлингизни шу бугун,
Совуқ сувга урмайсиз.
Хизматда бўлай жоним
Ошҳонага кирмайсиз.
Дастурхонни безайман,
Ҳамма ишни қиламан.
Кўнглингизга эржоним,
Не ёқишин биламан.
Рўмолимни ўрайман,
Лакки қилиб бошимга.
Ўсмаларни қўяман,
Сиз учун деб қошимга.
Кенг кўйлакни ичида,
Билинмасди қоматим.
Хипча белли кўйлакда
Келиб қолар омадим.
Сиздан бошқа керакмас,
Суйсам сизни суяман.
Йигирма беш йилдан бери,
Ишқингизда куяман.
Хаётимиз гўзал қаранг,
Биз қанчалик бахтлимиз.
Пахлавондек икки ўғил,
Бордир гулдек қизимиз.
Хеч ёдимдан чиқмайди,
Соҳил бўйи, қайиқлар.
Сиз совға қилган ўша,
Паҳмоққина айиқлар.
Тўйимизга султоним,
Йигирма беш йил бўлибди.
Эй мени мехрибоним,
Ким мехрга тўйибди.
Келинг бугун дадаси,
Бошқатдан тўй қиламиз.
-Камронбек Исмоилов
@Toy_Tabriklari
