2022-08-30 19:22:20
#репортаж
#шукуҳ
Финал. Саҳнада санъаткорларимиз Тошкент вилоятини мадҳ этувчи янги тарона билан.
Дарҳақиқат, Тошкент вилояти шарафимиз. шонимиз. Унинг гўзал шаҳар ва қишлоқларида, мард ва олийжаноб инсонлари даврасида бўлган одам бутун диёримизнинг ҳақиқий файзи ва тароватини юрак-юракдан тўла ҳис эта олади. Она табиат юртимизга ўз неъматларини улашаётганида Тошкент воҳасига алоҳида сахийлик қилган бўлса керак, деган шоирона бир ҳаёлга ҳам борасиз.
Негаки, Яратган мана шу фусункор ва муқаддас юртимизга нимаики ато қилган бўлса, қандай бойликлар, қандай неъматлар билан сийлаган бўлса, уларнинг ҳамма-ҳаммасини айнан бизнинг Тошкент вилоятида кўриш мумкин.
Назаримизда, серқуёш она диёримизда ҳар тонг саховатли бобоқуёш айнан кўҳна ва азим Угом-Чотқол тоғлари ортидан бош кўтариб, бутун заминимизга шуъла сочадигандек. Айнан шунинг учун ҳам бу муқаддас заминга хос танти ва меҳнаткаш, юксак маърифатли одамларнинг эзгу ташаббус ва интилишлари, бой ҳаётий тажриба ва юксак тафаккури бутун мамлакатимизнинг барча нуқталари узра таралиб, акс-садо бериб туради.
Бугун Тошкент вилояти аҳли ҳар қанча байрам қилишга ҳақли. Шундай бўлаяпти ҳам...
Дастур якунида катта байрам салюти берилди.
Каналга уланиш: https://t.me/toshvilpressa
Facebook
| Instagram
| YouTube
| Twitter |
TikTok
5.2K viewsedited 16:22
T
