​Ўзбек бизнеси валютада кредит олишни афзал кўришда давом этмо | bakiroo

​Ўзбек бизнеси валютада кредит олишни афзал кўришда давом этмоқда

Хорижий валютада ажратилган узоқ муддатли кредитларнинг ўртача тортилган ставкаси тўртинчи ой кетма-кет ўсиб, 10,8%га етган (валютадаги жами кредитлар бўйича ўртача ставка 10,3%). Бу маълумотлар очиқлиги мавжуд барча даврлар учун мутлақо янги рекорд.

Миллий валютада тижорий кредитларнинг қимматлиги шароитида валюта курси билан боғлиқ хатарларга қарамай, мавжуд реалликлар бизнес учун валютада кредит олишни афзалроқ кўрсатаётган бўлиши мумкин.

Амалиётда энг қиммат 15-16%лик валютадаги кредитлар 27-28%лик сўмдаги кредитлардан маъқулроқ кўрилаётгани сабабларидан бири банкларда валютадаги кредитларнинг имконлироқ экани билан ҳам боғлиқ бўлиши мумкин.

Хорижий валютадаги муддатли депозитларнинг ўртача ставкаси ўзгаришсиз, 5,1% даражасида қолган. Бунда чакана депозитлар 5,6%гача қимматлаган бўлса (+0,2%), корпоратив депозитлар ставкалари 4,1% даражасида сақланиб қолган.

Эслатиб ўтамиз, ушбу кечиктириб берилган маълумотлар апрель ойига таалуқли.