Вазир Маҳкамов автобусда Газета мухбири Шуҳрат Латипов Автомо | bakiroo

Вазир Маҳкамов автобусда

Газета мухбири Шуҳрат Латипов Автомобилсиз кун баҳонасида Транспорт вазири ва йўловчи Илҳом Маҳкамов билан суҳбатлашган.

Суҳбат жонли ва самимий чиққан. Интервью жуда қизиқ бошланган, 151-автобус бекатдан ўтиброқ тўхтаганини ва икковлон автобусга қараб чопишганини кўришингиз мумкин.

Вазир суҳбат давомида йўл ҳақи масаласига ҳам тўхталган. 1 апрелдан ёқилғи нархлари ошаётганига қарамай, йўл ҳақи карта ё илова орқали тўланганида 1700 сўм миқдорида ўзгармай қоладиган кўринади. Лекин нақд тўланган тақдирда 3000 сўм этиб белгиланиши мумкин (бу йўловчиларни нақдсиз тизимга ўтишга кўпроқ ундайди, коррупциогенликликни камайтириб, йўл ҳақи йиғиш маъмурчилигини яхшилайди).

Маҳкамов яна трамвайнинг тикланиши, пул ўзлаштирувчилар ўйлаб топган канат йўли ва шаҳар ичида йўл ўтказгич/кўприк қуриш ташаббусларига ҳам ўз муносабатини билдирган.

Кейинги сафар Маҳкамов билан пиёда гурунгни ҳам кутиб қоламиз.