Ёпиқлик муҳитида валюта бозорида нима бўлаётганини ва эртага н | bakiroo

Ёпиқлик муҳитида валюта бозорида нима бўлаётганини ва эртага нима бўлишини баҳолаш имконсиз

Ёпиқликда прогноз бўлмайди.

Долларнинг сўмга нисоби янги марраларни эгаллаётгани бир қараганда ҳеч қандай ишора бермайди.

Бугун валюта биржасида 183,6 млн.долларлик савдолар ўтди. Бундан тижорат банкларининг хариди ва сотуви қанча эканини биламизми? Йўқ. Марказий банк ё Иқтисодиет ва Молия вазирлиги қанча валюта сотганини-чи? Йўқ.
Ҳаттоки бу бўйича ойлик бериб борилган маълумотлар ҳам чеканкалаб қўйилган.

Биз билмаймиз Трансчегаравий пул ўтказмалари кўраткичлари қандай ўзгараётганини, Жисмоний шахслар томонидан амалга ошириладиган хорижий валюталарни айирбошлаш кўрсаткичларини ҳам. Бу маълумотларни бериш тўхтатилган.

Биз билмаймиз олтин-валюта захиралари қолдиғи охирги 2 ойда қандай ўзгарганини. Янги даврда биринчи марта халқаро захиралар тўғрисидаги ҳисоботни бериш тўхтатилди. Ўзини очиқ деб атайдиган мамлакат учун кўз кўриб, қулоқ эшитмаган иш. Бундан нафақат оддий ўзбекистонликлар, Ўзбекистоннинг молиявий ҳамкорлари, кредиторлари ҳам жиддий хавотирга тушишлари керак.

Шу маънода регулятор, айтайлик, қайсидир иш куни соат 11да тўсатдан баёнот бериб, "мазкур тўғирланиш реал самарали алмашув курсининг узоқ муддатли трендига қайтишига олиб келади" деган кўпчиликка тушунарсиз жумлаларни ишлатса, асло ҳайрон бўлмаслик керак бўлади.

Яна такрорлайман: Ёпиқликда прогноз бўлмайди.