Турк лираси Эрдоган ютса ҳам, ютқазса ҳам қулашда давом этади | bakiroo

Турк лираси Эрдоган ютса ҳам, ютқазса ҳам қулашда давом этади

Охирги 6 ойда яширин интервенциялар ҳисобига нисбатан барқарор қолаётган турк лираси 2023 йилнинг энг асосий сайлови бўлган Туркия Президенти сайловларидан кейин яна қулашда давом этади. Бу сайловда Эрдоган ютиш ютмаслигидан қатъий назар юз беради.

Турк лираси бўйича опционлар лиранинг долларга нисбатан қиймати яна 25%га тушишини ва 1 доллар учун 25 лирага етиши эҳтимолини 60%га баҳоламоқда.

Айни пайтда Эрдоганнинг ҳокимиятда қолиш эҳтимоли ошиб бормоқда. Eurasia Group сиёсий рисклар ҳисоботида мухолифат блоки юқори ишончга эга бўлган муносиб номзод танлашдаги қийинчиликларни инобатга олиб, Эрдоган ғалабаси эҳтимолини 55%дан 60%гача оширган.

Эрдоганнинг рақиблари ҳалигача ягона номзод бўйича тўхтамга кела олишмаган. Олти партиядан иборат блок 13 февраль куни ягона номзодни эълон қилиши керак. Мухолифат вакиллари ҳокимиятга келган тақдирда Марказий банк мустақиллигини тиклашни ва тийиқсиз инфляцияга қарши курашишни ваъда қилишмоқда.