2022-08-30 22:24:25
***
Bizni allaqachon unutdi taqdir,
Endi hordiq olgin. Tinim ber gʻamga.
Oʻrtada xech narsa qolmadi axir,
Sen endi hech kimim. Hech kimim, angla.
Derazaga boqqin, bir boqsang boʻldi!
Koʻrasan - quyosh yoʻq, kunduz oʻtdi - tun.
Bu yoʻlda qancha jon, qancha dil oʻldi-
Men senga hech kimman, hech kimman, tushun.
Xoling chizay desam, yetmadi tasvir.
Darding koʻtarolmay sheʼr sindi, qara..
Azizim, ne qilay? Qaytsinmi taqdir?
Qaytsinmi? Qaytsinmi azoblar yana?
Voh! Koʻzni chirt yumib qismatni ichdim.
Mast-alast turibman sheʼr ichra tikka.
Yolgʻizim! Hech kimim! Aziz hech kimim!
Men seni sevaman taqdirsizlikda.
Usmon Azim
2 views19:24