Эпилепсия хуружи нима? Бош мия потологик ўчоқларнинг биоэле | 🚨Tez tibbiy yordam_103🚨

Эпилепсия хуружи нима?

Бош мия потологик ўчоқларнинг биоэлектрик фаоллашиши натижасида ўзини идора қилолмаслик ва хушдан кетиш билан намоён бўладиган мураккаб потологик ҳолатдир.
Эпилепсия касаллиги катта ва мураккаб мавзу бўлганлиги сабабли фақат тез ёрдам дуч келадиган қисми ёритилди!!!

Эпилепсия касаллигининг полиэтиологик бўлиб: келиб чиқиш генетик, идиопатик, бош мия жароҳатларидан кейин, туғма аномалиялар, инфекцион касалликлар, метаболик бузилишлар, интоксикацияларда ва цереброваскуляр касалликларда кузатилади.
Ушбу касалликда бемор анамнезига катта эътибор бериш керак. Анамнезида хуруж домий бўлиши ёки биринча марта бўлаётган эътибор қаратиш керак.
Аура – бу эпилепсия хуружининг хабарчиси бўлиб, хуружлар бошланишига бир неча дақиқа ёки соат қолганда, баъзан эса бир-икки кун олдин беморнинг уйқуси қочади, бошда оғриқ, хавотир, жаҳлдорлик, юз ёки тана мушакларида тортишиш, лаб бурчаклари титрай бошлайди. Бемор хуруж бўлишини билиб хавфсиз ва текист жойга ётиб олади.
Хуруж аурасиз кечганда беморда травмалар кўп бўлиб, ёрдамга мухтож бўлади.

Клиникаси.
Эпилепсия хуружи тўсатдан бошланади. Хуруж бошланганда мушакларнинг тоник ва клоник қисқаришлари кузатилади яъни орқа ва оёқлар мушаклари 10-20 секин давомида қисқариб кейинчалик эса қисқариб бўшашиши натижасида бемор қалтираб титроқ бошланади. Нафас олиш қисқа вақтга тўхташи ва беморнинг ранги кўкариб кетиши мумкин. Бу пайтда бемор хушида бўлиши ёки бўлмаслиги мумкин. Кўз олмаси юқори ва ён томонга қараб оғади. Шу ҳолатда титрашлар давом этиб туради. Титроқлар 2-3 дақиқа давом этиши, бу пайтда бемор ихтиёрсиз сийиши ёки дефекация кузатилиши мумкин. Умумий хуруж даври 30 секунддан 5 минут ва баъзан ундан ҳам кўп бўлиши мумкин. Қанчалик давом этиши касаллик этиологиясига боғлиқ.
Эпилептик хуружга ёрдам кўрсатиш.
Тез ёрдам ходимлари келгунча бемор қариндошлари томонидан нималар қилиниши керак!
Ваҳима қилмасдан даставвал беморни йиқилиб травма олмаслик учун хавфсиз жойга ётқизиш.
Беморда хуружлар кузатилаётган бўлса, бемор очки ва тиш протезларини олиб уни ён томонга ётқизиб оҳиста ушлаши зарур, ҳаракатдан мақсад бемор бош орқага қайрилиб, тил ҳалқумга тиқилиб ҳаво йўлини ёпишини олдини олиш ва сўлакнинг нафас йўлларига кетиб қолиши ва бошнинг ерга урилиб жароҳат олишдан сақлашдан иборат.
Диққат!!!
Ушбу ҳолатда беморга дорилар бериш ва ҳушига келиш учун аммиак ҳидлатиш ва бемор оғзини очиш учун турли хил предметлар тиқиш мумкин эмас. Хуружни охригача кузатиб, бемор тинчланишини кутиб туриш керак.

Эпилептик хуружда тез тиббий ёрдам тактикаси!
Беморда хуружлар кузатилаётган бўлса, уни ён томонга ётқизиб, асфикцияни олдини олиш учун оғзи сўлак ва қондан (тилни тишлаганда) тозаланади ва тинчлантириш мақсадида Диазепам (Сибазон)0,5 % - 2-4 мл в/в.
Хуруждан кейин бош мия шишини олиш мақсадида Магнезий Сульфат 25%-5.0 мл в/в, фурацемид 1%-2-4 мл в/в.
Агар травмалар бўлса оғриқни қолдириш учун Анальгин 50%-2мл + демидрол 1%-1 мл + папаверин 2%-2 мл в/м қилиш мумкин ва бемор умумий ахволига (асосан юрак-қон томир системаси кўрсатгичлари) қараб бошқа муолажалар қилиш мумкин.
Баъзи ҳолларда бир кунда хуруж маълум муддат ичида қайта-қайта кузатилиши мумкин, бундай ҳолларда беморда хуруждан кейинги асоратлар (травмалар, БМ қон қуйилиш ёки ишемияси, БМ шиши натижасида кома ва.ҳо.ка) бўлмаслиги учун гаспитализация қилиш керак.
о.к.к

@Tez_tibbiyyordam_103