2022-04-24 14:50:06
#Шеърият
Она бор дунёда яшаш бошқача,
Онани таърифи-ю меҳри бошқача.
Тўлса ҳамки хатто тўқсон ёшгача,
Она бор ҳаётда яшаш бошқача.
Яшайди онамиз бизларни ўйлаб,
Туну-кун Аллоҳдан бахтимиз сўраб.
Онасиз қолганлар тўймайди йиғлаб,
Она бор дунёда яшаш бошқача.
Одамда мартаба обрў бўлса ҳам,
Қўлида миллионлаб пули бўлса ҳам.
Ёнида Отаси ҳаёт бўлса ҳам,
Она бор ҳаётда яшаш бошқача.
Оналар доимо ҳурматда бўлсин,
Фарзандин бахтини албатта кўрсин.
Етимлик дардини азоби қурсин,
Она бор ҳаётда яшаш бошқача.
Етимлик дардини етим билади,
Унинг бу дунёси бир кам бўлади.
Ўзидан ўтканин ўзи билади,
Она бор дунёда яшаш бошқача.
Онангиз умрига умр тилайман,
Бир умр тугалмас бахтни тилайман.
Онаси йўқлардан узр сўрайман,
Она бор ҳаётда яшаш бошқача.
P.S.: Ота-онамиз ҳолидан хабар олиб қўйишни унутмайлик!
@TegibKetdimi
10.8K viewsedited 11:50