2022-08-20 18:03:02
Ассалому алайкум, дўстлар!
Яқинда бир нечта лойиҳа бошлаётганимиз ва жамоага одам излаётганимиз ҳақида ёзгандим.
Мен Sinaps деб номланган биринчи лойиҳамиз ҳақида айтиб бермоқчиман.
Шунингдек, платформамизни фойдаланиш учун қулай, сифатли ва қизиқарли бўлишини таъминлашда илк фойдаланувчиларнинг фикр-мулоҳазалари биз учун ЖУДА МУҲИМ ва биз тест гуруҳига маҳсулотимизни яхшилашга ёрдам берадиган инсонларни қидирмоқдамиз!
https://forms.gle/NZ8qpiWFBnHvv1vh7
———
Sinaps — бу замонавий илм-фан портали.
Лойиҳа «Beeline» компанияси ташаббуси билан «Akademiya» жамоаси билан ҳамкорликда ташкил этилган бўлиб, Ўзбекистонда илм-фанни ривожлантиришга қаратилган.
Биз нима қиламиз?
Sinaps лойиҳаси доирасида (1) жаҳон сифатига эга мақолаларини ўзбек тилига таржима қиламиз ва маҳаллийлаштирамиз; (2) илмий-оммабоп видеоларни ўзбек тилига ўгирамиз; ва (3) мактаб фанлари бўйича интерактив сайтлар яратамиз.
Ҳозирги босқичда лойиҳа тўлиқ ижтимоий бўлиб, унинг доирасида яратилган контент очиқ ва бепул бўлиши мўлжалланган. Биз энг қизиқарлисини қидирамиз ва уни ўқувчиларимизга аниқ, тушунарли ва жозибали тарзда етказиб берамиз.
Лойиҳа мақсади нима?
• Одамларнинг билим савиясини ошириш, дунёқарашини кенгайтириш ва ҳаётини онгли қилиш;
• Илм-фанни оммалаштириш ва ривожлантириш — ақлли бўлиш янги тренд бўлишини хоҳлаймиз;
• Ўзбекистонда юксак интеллектуал касбларга бўлган қизиқишни янги даражага олиб чиқиш.
Биз кўпроқ одам илм-фанга қизиқишини, танқидий фикрлашини ва стереотиплардан ҳоли бўлишини хоҳлаймиз. Бу лойиҳа давомида атрофимиздаги нарсалар қандай ишлаши, уларнинг қонун-қоидалари, дунёда нималар рўй бераётгани ва шунга ўхшаш кўплаб мавзуларга бирга шўнғиймиз.
Атрофда нима бўлаётганини билиш — ажойиб!
https://sinaps.uz/ Элбек Бахромов фейсбук сахифасидан
4.6K views15:03