Бироз нопрофессионал лексика учун олдиндан узр сўрайман. Пути | Ташқарида
Бироз нопрофессионал лексика учун олдиндан узр сўрайман.
Путиннинг томи кетиб Украинага ҳужум бошлашга қарор қилишига асосий сабаблардан бири сифатида унинг куми (чўқинтирган қизининг отаси) - Украина фуқароси, «Оппозиционная платформа — За жизнь» партияси етакчиси ва Олий Рада депутати Виктор Медведчукнинг давлатга хиёнатда айбланиб, уй қамоғига маҳкум қилингани кўрсатилаётганди. Бу ҳазил эмас, жиддий версия.
Путиннинг Украинадаги "қўли" бўлган Медведчук билан боғлиқ вазиятнинг ушбу эскалациядаги ўрни ҳақида февраль ойи бошида Time яхши мақола чиқарганди. Бугун шу Медведчук уй қамоғидан қочгани хабар қилинди. Қизиғи, шу хабар чиқиши билан Путин ядро қуролини бошқарадиган кучларни оперативлаштиришга топшириқ бергани айтилмоқда.
Наҳотки Путин Европанинг Россияни ҳисобламаганда энг йирик давлатига бостириб кириб, ҳукуматни ағдариб, ўз кумини кўғирчоқ қилиб қўйиб кетиш шунчалик осон деб ўйлаган?
