.

2022-10-05 04:29:10 Qalbni tozalash
_
80 000 ta istigʻfor. Ochish/sharhlash

2022-09-25 19:30:46 Расулуллоҳ соллаллоху алайҳи васаллам буюради:
Қалбларингизни очлик билан нурлантирингиз, нафсингиз билан курашиб, уни тарбиялаб олмоқ учун очликни ва ташналикни курол сифатида ишлатинг. Жаннат эшигига бош уришларини очлик билан давом эттиринг!Нафсни тарбиялаш учун унинг билан жанг килган кишининг мукофоти жанггоҳда душман билан урушганнинг мукофоти сингаридир. Нафс риёзатининг гарчанд тафсилоти узун бўлса ҳам қисқача таърифлаб ўтамиз: инсон шаҳват, яъни дунёвий орзу-истаги ўлчовида эмас, балки ҳожат доирасида ейиши, ичиши, кийиниши керак. Агар бир кеча-кундузда бир марта таом ейиш кифоя қилса, икки марта ейиши керак эмас. Агар бир марта озгина ейиш кифоя қилса, тўйиб емаслиги лозим. Модомики, очлик оғир бир машаққат экан, мурид ҳаётини очлик асосига қуриши керак эмас. У ҳолдан тойиши ва нобуд бўлиши мумкин. То нафс машаққатларга мослашмаса, шайтон ундан йироқлашмайди. Дунё хаёли кўз ўнгидан кетмаса ва шаҳвати ўлмаса, мақсадга(Ҳак ризосига) эришолмайди. То узоқ муддат очликни ўзига одат ва касб қилиб олмаса, албатта,бу асрор ва маънавий ҳоллар кўлга киритилмайди.Нафс тарбия топмаса инсон нажот топа олмайди. Такво лозим, тақво бўлмаса амаллар қабул бўлмайди. Ихлос лозим, ихлос бўлмаса инсоннинг хаж, закот каби ибодатлари қабул бўлмайди. Одам боласи кайфу сафони,завқни,ҳузур-ҳаловатни,сайру томошани яхши кўради. Чунки инсоннинг ичида "мен" и бор. Бу нафс вужудни, инсоннингмоддий борлигини, манфаатларини таъминлаш унинг вазифасидир.

@tasavvuf_haqiqati Ochish/sharhlash

2022-09-24 16:35:16  وَعَنِ ابْنِ عَبَّاسٍ رَضِيَ اللهُ عَنْهُمَا قَالَ: قَالَ رَسُولُ اللهِ صَلَّى اللهُ عَلَيهِ وَسَلَّمَ: «إنَّ الَّذِي لَيْسَ فِي جَوْفِهِ شَيْءٌ مِنَ القُرْآنِ كَالبَيْتِ الخَرِبِ». 
 
Ибн Аббос розияллоҳу анҳудан ривоят қилинади: «Расулуллоҳ соллаллоҳу алайҳи васаллам:«Ичида Қуръондан ҳеч нарса бўлмаган, (яъни ҳеч нарса ёдламаган киши) хароба уйга ўхшайди», дедилар.
 
Тирмизий, /2913. Ochish/sharhlash

2022-09-24 09:35:00 Husaynxon Abdulmajid — Duo qilsangiz Mashoyixlar nisbatidan so'rang!

Ilmni yoying!
┠ t.me/Husaynxon_Abdulmajid
┠ https://t.me/+FbvPB6u0aqM3M2Fi Ochish/sharhlash

2022-09-21 05:05:49 #nafsni_poklash
#ilm_manzilati

Agar, Alloh qalbingga nazar solishini istasang, Uning valiylaridan bo'lishni istasang.... Ochish/sharhlash

2022-09-20 16:59:49 Husaynxon Abdulmajid — Ishq ahllari!

Ilmni yoying!
@tasavvuf_haqiqati Ochish/sharhlash

2022-09-20 16:56:53 أخبرنا محمد بن الحسين القطان أنبأ دعلج بن أحمد ثنا محمد بن علي بن زيد الضائغ أن سعيد بن منصور حدثهم ثنا حديج يعني ابن معاوية عن أبي إسحاق قال: قال عمر بن الخطاب: «لا يغرركم من قرأ القرآن إنما هو كلام نتكلم به ولكن انظروا من يعمل به».

Умар ибн Хаттоб розияллоҳу анҳу айтадилар:

«Қуръонни ўқувчисига алданиб қолманг. Унинг ўқиши каломдан бошқа нарса эмас лекин унга кўра амал қилувчиларга қаранг».

Хатиб Бағдодий «Иқтидо ул-илмил-амал», 109. Ochish/sharhlash

2022-09-20 10:36:35 ХУШХАБАР

Азиз дўстим, иймон бизга Ҳақдан ато,
Қара, қандай хушхабар бор мўъминларга!
Икки жаҳон мўъмин топар бахту сафо,
Ана шундай хушхабар бор мўъминларга.

Мўъмин ўлса, ўлмаганлар мотам тутар,
Ҳолбуки, у озод бўлиб, байрам тутар,
Кўп сирларни Аллоҳ биздан мубҳам тутар,
Ана шундай хушхабар бор мўъминларга.

Ҳақ дўстлари ўлмас, дундан кечар фақат,
Битта уйдан бошқасига кўчар фақат,
Ер ҳам уни қувонч билан қучар фақат,
Ана шундай хушхабар бор мўъминларга.

Рабби танлаб, ким Қуръонга ворис эрур,
Қуръон неча неъматларга боис эрур,
Ҳақ дийдори мўъминларга жоиз эрур,
Ана шундай хушхабар бор мўъминларга.

Мўъмин қуллар яралмади фано учун,
Яралгандир абадият – бақо учун,
Тор ҳаётдан мангу диёр авло учун,
Ана шундай хушхабар бор мўъминларга.

Мўъмин учун қабрлар ҳам топур зийнат,
Мункар-Накир овозида раҳму шафқат,
Ер онадек меҳрибонлик қилур, албат,
Ана шундай хушхабар бор мўъминларга.

Гўр кенгаяр, яшилланар, шодлик – таъмин,
Аҳлига шод хабар бермоқ бўлар мўъмин,
Лекин «Тинчлан!» дея унга етар таскин,
Ана шундай хушхабар бор мўъминларга.

Мўъмин банда ерга киргач, бор омонлик,
Буюк Аллоҳ қилур буюк меҳрибонлик,
Ям-яшил боғ ичра яшнар тўлин ойдек,
Ана шундай хушхабар бор мўъминларга.

Олим бир зот вафот этса, илтифотдан –
Илмин Аллоҳ бир шаклга солур, зотан,
Муҳофаза этар гўрда махлуқотдан,
Ана шундай хушхабар бор мўъминларга.

Кимки озор бермоқдан гар ўзин тиймиш,
Аллоҳ қабр қийноғидан сақлаб қўймиш,
Мозорда Ҳақ раҳматидан либос киймиш –
Ана шундай хушхабар бор мўъминларга.

Бир қабрда азон айтур муаззин соз,
Бир қабрда жавоб берур унга овоз,
Ҳақ дўстлари қабрида ҳам ўқир намоз,
Ана шундай хушхабар бор мўъминларга.

Ер остида неча-неча сирлар пинҳон,
Тиловатлар эшитилур унда ҳар он,
Мўъмин қуллар ўз қабрида ўқир Қуръон,
Ана шундай хушхабар бор мўъминларга.

Ким Қуръонни ёдлайман деб топмиш вафот,
Фаришталар унга Қуръон айлатур ёд,
Қорий бўлиб Раббисига боргай у зот,
Ана шундай хушхабар бор мўъминларга.

Ҳар муждага Ҳақ раҳмати бўлгай асос,
Кафаним деб қайғурма, эй аҳли қиёс,
Мўъмин зотлар гўрда кияр гўзал либос,
Ана шундай хушхабар бор мўъминларга.

Ҳақ меҳрибон, бул муждалар бешак бўлур,
Мўъминларга қабри юмшоқ тўшак бўлур,
Масрур ётиб, қиёматга илҳақ бўлур,
Ана шундай хушхабар бор мўъминларга.

Ер остида бордир гўзал кароматлар,
Мўъмин қуллар топур лутфу ҳимоятлар,
Бир-бирини этар гўрда зиёратлар,
Ана шундай хушхабар бор мўъминларга.

Ким маййитни зиёратлаб, берур салом,
Маййит уни таниб, алик олгай тамом,
Бу мулоқат сирри ниҳон, пинҳон калом,
Ана шундай хушхабар бор мўъминларга.

Шаҳидларнинг руҳи – яшил қуш ичинда,
Яшил гумбаз, жаннат ичра дарё унда,
Олтин қандил, соя солган Арш тагинда,
Ана шундай хушхабар бор мўъминларга.

Мўъминларни ҳибс айлаган дунёсидир,
Унда жаннат: сут ва асал дарёсидир,
Ҳақ жамоли неъматларнинг аълосидир,
Ана шундай хушхабар бор мўъминларга!

Раббим Аллоҳ, муждаларга биз ишондик,
Сендан бошқа кимимиз бор, Сенга ёндик,
Сенга йиғлаб, Сендан фақат биз қувондик,
Яна қандай хушхабар бор мўъминларга?..

Раббим Аллоҳ, раҳм айлагил қул зорига,
Етказ бизни Ҳабибингнинг дийдорига,
Жаннат, жамол бирла сийлаб, асрорига,
Дегил: шундай хушхабар бор мўъминларга.

Мирзо, дунё ишларидан ғамгиндирсан,
Ғамгин бўлма, агар аҳли тамкиндирсан,
Нурга талпин, қара, нечоғ зангиндирсан,
Қара, қандай хушхабар бор мўъминларга!..

2005 й.

•┈❁✿❁┈•
@tasavvuf_haqiqati
•┈❁✿❁┈• Ochish/sharhlash