КУТИШ Мендан на хат бўлди, на бир қўнғироқ, Ёз ўтиб қишлоққа келди ҳорғин куз, Мендан ҳеч бир дарак бўлмади бироқ, Мени кутиб кутиб чарчади бир қиз. Умид дунёсида ёниб кўзлари, Соғинчдан нигоҳи букилиб кетди, Гулгун юзидаги табассумлари, Менинг йўлларимга тўкилиб кетди. Мендан на хат бўлди, на бир смс, Қиш ўтиб баҳор ҳам келди қишлоққа, Совчилар узилмас, бечора, уни, Ҳар кун солаверди савол, сўроққа. Юмушлар баҳона,тирикчилик деб, Нетай қишлоғимга қайтолмадим мен, Севаман деб айтиш осон эди-я, Сени севмайман деб айтолмадим мен. Мендан на хат,бўлди на бир оғиз сўз. Мени кутиб,кутиб чарчади бир қиз. Хуршид Карим @taqdir_izmidan_2022 20 viewsADMINKA @HAYOT GOZAL@, edited 13:44
