Ўрта махсус маълумотли ўқитувчилар бўйича айрим тушунтиришлар | Talim Yangiliklari | OLIY TA'LIM VAZIRLIGI
Ўрта махсус маълумотли ўқитувчилар бўйича айрим тушунтиришлар
Аввал хабар берганимиздек, Халқ таълими тизимидаги мактабларда ўқитувчи лавозимида ишлаётган ўрта-махсус маълумотга эга ҳамда жорий йилги тест синовларида етарли балл тўплай олмаган 1012 нафар абитуриентлар педагогика таълим соҳасида сиртқи шаклга талабаликка тавсия этилди.
Аммо кўпчилик “нега мен рўйхатда йўқман?”, деб ҳайрон бўлишяпти. Шу сабабли махсус пост қолдириб, юздан ортиқ номзодларнинг маълумотини текшириб кўрдим. Рўйхатда йўқларнинг аксари қоидаларни унчалик яхши тушунмаган. Улар:
Ўтиш балини тўплай олишмаган
Ҳар бир йўналишда ўтиш бали бор эди. Камроқ балл тўплаган ўқитувчилар ҳам нега мен рўйхатдан йўқман деб ҳайрон бўлмоқда. Мана бу ерда ўтиш баллари келтирилган. Ўшандан кўриб олинг.
Ўқитувчилар учун қўшимча квотада супер-контракт йўқ.
Квота бериладиган йўналишга топширмаган
Квоталар аниқ йўналишлар учун берилганди ва бу эълон қилинган. Аммо айримлар буни билмасдан, бошқа жойларга топширган. Масалан, Фарғона давлат университети ёки Денов тадбиркорлик ва педагогика институтига квота берилмаган. Мана бу ердаги рўйхатда келтирилмаган ОТМ ёки йўналишга топширганлар рўйхатда йўқ.
Ўқитувчи лавозимида ишламайди
Бу квота фақат ЎҚИТУВЧИ лавозимида ишлаётганлар учун. Тарбиячи, кутубхоначи, кадрлар мутахассиси, мураббий, лаборант, котиба ва ҳк лавозимдагилар қабул қилинмаган.
Халқ таълими тизимида ишламайди
Бу квота фақат ХТВ тизимидагилар учун мўлжалланган. Масалан, мусиқа мактаблари Маданият вазирлигига қарайди, шу сабабли уларга тааллуқли эмас. Ёки боғчаларда, спорт мактабларида, Президент мактабларида, коллеж ва техникумларда ишлаётганларга ҳам қўлланмайди.
Стаж етарли эмас
ХТВ тизимида 5 йиллик стаж ҳам талаб этилади. Кўпчилик ёки камроқ стажга эга, ёки бошқа жойларда, масалан коллежда ўқитувчи бўлган, шу сабабли қабул қилинмаган.
Хотин-қизлар учун квотага кирганлар ҳам бор
Айрим ўқитувчилар 5 йил стажга эга хотин-қизлар учун тавсияномага ҳам эга эди. Шу сабабли улар алоҳида квотада ўқишга қабул қилинган, ўқитувчилар рўйхатида йўқ. Талабаликка қабул қилинган хотин-қизлар рўйхатини мана бу ерда кўриш мумкин.
Хуллас, савол бераётганларнинг аксарияти мана шунақа сабаблари борлиги учун рўйхатда бўлмаслиги мумкин.
БУ МУҲИМ: гарчи барча талабларга тушса-да, лекин айрим ўқитувчилар ҳақиқатдан рўйхатдан тушиб қолган. Бунақалар сони жуда кам. Ҳозирда аниқланган ушбу кам сонли ҳолатлар кўриб чиқилмоқда. Уларнинг масаласини тегишли тартибда ижобий ҳал қилишга ҳаракат қиламиз.
@Talim_Vazirligi
