СЎЗ

2022-05-29 23:39:35 #Бир дақиқа вақт ажратишингизга арзийди

ХАЛИФАНИНГ ДАРОМАДИ ҚАНЧА ЭДИ?

Абу Бакрнинг хотинлари бир куни шундай деб қолди:

- Бирор мазали таом егим келяпти, анчадан бери қозонимизда гўшт қайнамайди.

- Бундай овқатнинг масаллиғига етадиган пулимиз йўқ, - дедилар Абу Бакр розияллоҳу анҳу.

- Сиз қандай халифасизки, рўзғорингизни ҳам қисасиз? Агар рухсат берсангиз, мен ҳар куни харажатдан оз-оздан тежайман. Кейин ана шу тежалганнинг ҳисобига гоҳ-гоҳида мазали овқат тайёрлашга қурбимиз етадиган бўлади.

Абу Бакр розияллоҳу анҳу рози бўлдилар. Бир неча кундан кейин анча-мунча пул жамғарилди. Хотинлари мазали овқат учун масаллиқ сотиб олишга жамғарилган пулни у кишига берди. Абу Бакр Сиддиқ пулни қўлга олар эканлар:

- Бундан чиқди, шунча пулни Байтул молдан ортиқча олиб юрган эканмизда, - дедилар ва тежалган пулнинг ҳаммасини хазинага топширтириб юбордилар. Бунинг устига хазинабонга келгусида кундалик тирикчиликка берилаётган нафақадан хотинлари тежаб қолган миқдордаги пулни қисқартириб ташлашни қаттиқ тайинладилар.

“Ашараи Мубашшара”дан.

P/S: Улар қандай одамлар бўлишгана! Ўз ҳолатингдан дод деворгинг келади. Давлатнинг, халқнинг ҳақидан шунчалик қўрқиш мумкинми?

Аллоҳим, барчамизни қўрқадиганлардан қил! Ochish/sharhlash

2022-05-23 10:43:45 Савол

Қайси тизимнинг каттасига сўз берилса, фалон йиллар давомида соҳага пул тикмадик, эътибор бўлмади, дейди. Ёши каттаси ҳам, кичиги ҳам кечани қоралайди.

Худди сизнинг кимингиздир вазир бўлгану, сиз айбдордек.

Тушунмайман, биз нега камбағал бўлдик унда? Нега зўр яшамаяпмиз? Ochish/sharhlash

2022-05-18 15:56:25 Мубашшир Аҳмадни қийнаманг!

Мубашшир Аҳмад домлани бироз аввал уйларидан ички ишлар ходимлари (республика терроризм ва экстремизмга қарши курашиш бошқармаси) олиб кетишганини шогирдлари маълум қилмоқда.

Домла масъулларга жума намози хусусида қилган мурожаатлари сабаб олиб кетилган бўлиши мумкинлиги айтилган.

Устоз Мубашшир Аҳмад кабилар – холис ва диний илм билан гапирадиганлар бугун бу мамлакатда бармоқ билан санарли. Домланинг шахси, жисми, шаънига зарар етказишга уриниш энг катта аҳмоқликдан бошқа нарса эмас.

Домлани қийнаманг. Бу инсонни бирор марта кўрмасдан туриб, ҳурмат қилганлар, ихлос қилганлар Ўзбекистонда юз минглаб, миллионлаб топилади. Инсонларнинг туйғу ва эътиқоди билан ўйнашманг! Аллоҳдан қўрқинг!

Исомиддин Пўлатов Ochish/sharhlash

2022-05-07 10:32:35 Бу ижодий, шахсий каналим. Одам йиғиш ҳам мақсад қилинмаган, биласиз. Ўзи кам пост қўяман, чиқиб кетмаганларингизни ўзи ҳам катта гап.

Хуллас, баъзан истасангиз ҳам яхшилик қилолмайсиз. Қурбингиз етмайди. Мана бу қизалоқнинг кўзи хаста экан. Яқинлари ва савоб истаган кишилар менга алоқага чиқишди. Ишончли одамлар. Машҳурмасман, аудиториям унча каттамас, деб ёрдам беролмаслигимни билдирдим.

Аммо виждоним қийналяпти. Қизалоқ - Ясминахон Олимжонованинг кўз операцияси учун 80 млн сўм кетаркан. Онасида бироз маблағ бор, аммо бу етмайди. Операция Санкт-Петербург шаҳрида ўтказилади. Вақт оз.

Менга ишонганларни қизалоқнинг шифо топиши учун ёрдамга чақираман. Ўзингиз билган гуруҳларда ушбу постни улашсангиз ҳам майли.

Барчамиздан Аллоҳ рози бўлсин.

Онасининг пластик картаси: 8600 1402 2482 6124 (Akramova Sitora) Ochish/sharhlash

2022-05-01 15:53:21 Менимча, вақтингиз зое кетмайди. Охирги ишларимиздан бири... Ochish/sharhlash

2022-05-01 15:52:52 “Темир аёл”: у бахтни шаҳарлардан изламайди

Бу оиланинг қозонига ойлаб гўшт солинмаган кунлар бўлган. Ҳаёт қайта ва қайта синовли кунларини жўнатсада, куч топиб яшашда давом этишмоқда. Кам нолишади, ҳаммаси яхши бўлиб кетишига ишонишади.

ТЎЛИҚ ВИДЕОНИ КЎРИШ Ochish/sharhlash