СЎЗ

2022-07-15 12:41:16 Яшанг, Сердар оға!

Машшинча одам сизни ва лаганбардорларни сўкяпти, хапа бўмайсиз))

Биз ҳам сизлардан кам эмасмиз, кўзбўямачиликда! Ochish/sharhlash

2022-07-08 10:21:20 #Ҳозирги_воқеа

Аёлнинг етти нафар фарзанди бор. Турмуш ўртоғи ва бир нафар фарзанди хаста. Баҳорги ёғингарчиликда уйи қулаб, боридан айрилган. Айни вақтда оғилда яшаб туришибди. Оила "Темир дафтар"га кирмаган.

Ҳоким ёрдамчиси дафтарга киритиш эвазига шу аёлдан пул сўраган.

Ҳоким маҳалладаги ёрдамчисини обориб-олиб келди. Ёрдамчини изоҳига эътибор қилинг: "Ҳазиллашиб пул сўрагандим".

- Йўқол ҳайвон, хотининг билан ҳазиллаш. Қорангни кўрмай, аризангни ёз, малъун, - деди ҳоким.

Ўз вақтида ва тўғри қилинган қарор, деб ҳисобладим. Қашшоқнинг ҳақидан ҳайиқмаган ҳайвондан ҳамма нарсани кутаман.

P/S: Бу аёлнинг болаларини кўзига қарадим. Жуда оғир. Илтимос, худодан қўрқинг, таъмагирлар!

P/SS: Ҳоким аёлнинг икки хонали уйини тиклаб берадиган бўлди. Бир ўғилчасини спорт тўгарагига йўналтирди, даволанаётган фарзандининг дори-дармонини назоратга олди, шифокор бириктирди, оилага ҳайитлик берди.

Яхши якун. Ochish/sharhlash

2022-06-24 15:58:08 ЙИРТҚИЧЛАР ОЖИЗЛАРНИ ЭЗМАСИН – ҲУКУМАТ КАТТАЛАРИГА МУРОЖААТ

Бир сафар фарзандимни тиббий кўрикка олиб бордим. Навбат кутиб турганимизда, яқин шифокор танишим келиб қолди. Биздан олдин навбатда камида 10 киши бор эди.

Танишим мен билан сўрашгач, “бир дақиқа” деб ичкарига кириб кетди. Хаёл ўтмай, ичкаридан мени бошқа шифокор чақириб, фарзандимни олиб киришимни сўради. Вазиятни англадим, танишим ҳурмат қилиб, мени навбатсиз ичкарига олиб кирмоқчи эди.

Ҳамма навбатдагилар менга қараб турарди.
Эшикка яқин бордимда ичкаридан танишимни чақирдим, “Укажон, навбатдагиларнинг аксарияти ёш оналар, аёллар. Келинг, мен ҳам номардни ишини қилмай, истаганча кутаман” дедим.

Бундай ҳолатларни деярли ҳар куни, ҳар соат кўрамиз. Кимнингдир навбати – бу унинг ҳаққи. Уни олиб қўйишга шоҳимиз бўлгандаям ҳақсизмиз.

Бугун Самарқанд вилоят кўп тармоқли болалар маркази ҳақида қўйган постимдан сўнг (текширув учун пул талаб қилингани ҳақида) кўплаб бегона рақамлардан қўнғироқ бўлди. Аксариятини кўтармадим.

Телефон қилиб, тавба қилишди. Тавба қилганларни бурнини қонатмоқчи бўлиб, исм-фамилия сўраганлар ҳам бўлди. Икки томонни ҳам тушунаман.

Мен фамилия бермадим. Чунки бундай тасодиф фақат мен билан бўлиши мумкин эмас. Ҳар куни бўлиб келган. Мен чиқиб кетганимдан кейин ҳам давом этганига катта эҳтимол билан ишонаман. Фарқи шундаки, бугун ушбу шифохонанинг минглаб мижозларидан фарқли ўлароқ мен тоқат қилмадим. Яъни, агар шифохона масъуллари ҳақиқатан ҳам АДОЛАТни тикламоқчи бўлса (рости ишонмайман ҳозирча), қўл остингдагилар ҳаромхўрлик қиляпти, деб ташқаридан кимдир айтиши шарт эмас.

Яна бир гап. Шукурки, кўп соҳада танишларим ва мени ҳурмат қиладиган инсонлар бор. Давлат шифохоналарида яхши шифокорлар билан бевосита танишман. Лекин кўп тармоқлида мен кимгадир телефон қилиб, навбатсиз қабул қилишларини сўрамадим. Таҳлиллар ва шифокор кўриги учун 30-50 дан ортиқ одамлардан кейинга, навбатга ёзилдим.

Постни эълон қилганимдан сўнг ўша танишларимнинг кўпи алоқага чиқди. Нега айтмайсан, ўзим қарардим болангга, яхши шифокор тавсия қилардим, деганлар кўп бўлди.

Нокамтарлик қиляпман, тўғри. Бироқ шундоғам адолатсизликка тоқат қилиб келган, таниши бўлмаган, кучи япалоққаям етмайдиган қайсидир ожиз юртдошимизнинг навбатини олиб қўйгим йўқ. Бу билан умумвазият ўзгариб қолмаслигиниям биламан. Лекин юрагим яхшироқ уради шунда, деб ўйлайман. Яхшироқ ором олишимга ишонаман. Ўғлимга ҳалоллик ҳақида мақтаниб гапира оламан.

Хулоса. Тизим ўзгаришини истаяпман. Биз ўрмонда яшамаяпмиз. Йиртқичлар, олғирлар, йириклар ожизларни янчмасин. Ҳукумат катталари, тадбиркорнинг клиникасида бўлган жиҳозлар билан таъминланг давлат шифохоналарини. Шифокорларга бировнинг чўнтагига қарамайдиган ойлик қилиб беринг. Бўлмаса, у ўша “ойликни” ожизлардан олади. Ўша ожизлар – ХАЛҚ! Сизни сайлаб ёки сийлаб қўйган
ХАЛҚдир!

Ҳозирча шу.

Исомиддин ПЎЛАТОВ Ochish/sharhlash

2022-06-24 07:59:00 Барака топинг, Янги Ўзбекистон қураётганлар!

Байрам ва фестивалларни тўхтатинг!

Давлат шифохоналарида йўқ аппаратлар нега хусусий клиникаларда бор?! Нега хусусий клиникадаги мутахассис давлат муассасаларида йўқ?!

Фестивалларга сарфланаётган, дабдабаю асъасаларга сочилаётган маблағ нега шифохоналарга замонавий аппарат олиш учун ажратилмаяпти?! Яхши мутахассисларга ойлик қилиб берилмаяпти?!

Янги Ўзбекистончилар! Сиз навбатдаги театр сценарийсини ёзаётганингизда оналар бемор боласини кўтариб, шифохоналарда умрини ўтказяпти. Болалар чирқиллаб йиғлаяпти!

Болалар чинқириғи қулоқларингизни йиртиб, юрагингизни ёриб юбормаётганига ҳайронман! Ochish/sharhlash

2022-06-18 06:05:56 Тарихда қолиш имконияти

Пенсияга чиққан, лекин ишлашда давом этаётган мансабдорлар, кераксиз кадрларга тавсия.

Ишдан кетинг ва ўлиб қолмаслик мумкинлигини исботланг. Ҳаёт давом этиши мумкинлигини танангизда ҳис этинг. Ёшларга жой бўшатинг, набираларга, оилага вақт сарфланг энди. Дунёни, мамлакат тараққиётини бутунлай олиб кетишнинг иложи йўқ барибир. Чарчаб кетди сиздан одамлар!

Хуллас, шундай қилсангиз, ҳимматингиз билан Ўзбекистон тарихида қоласиз. Ochish/sharhlash

2022-06-16 19:02:01 БОЛАСИНИ КАЛТАКЛАГАН АЁЛ ЖАЗОЛАНМАСЛИГИ КЕРАК

Самарқандда боласини калтаклаган аёлни оналик ҳуқуқидан маҳрум қилишга уринмай, аёл руҳияти билан ҳақиқий мутахассислар ишлаши керак. Акс ҳолда вазиятнинг ёмонлашгани қолади.

Аёл шундоғам етарлича бахтсиз ва эзилиб бўлган.

Болакай икки йилдан бери болалар церебрал фалажлиги билан оғрийди. 24 соат йиғлайди. Эр-хотин тонггача навбат билан унга қараб чиқади. Чарчоқ, чорасизлик, давосизлик, пулсизлик, умидсизлик аёлни синдириб бўлган. Кечаги ҳаракати шунинг ортидан.

Ундан болани олиб қўйиш ёки қандайдир таъсир чораси қўллаш доимгидек оқибат билан курашиш. Сабаб бироз ичкарироқда.

Камига жамиятда шу билан адолат тикланиб қолишига, қонунларимиз қатъий ишлаб кетишига ишонмайман.

P/S: Дарвоқе, мен ҳам дастлаб видеони кўрганимда миям тўхтаб қолди. Ochish/sharhlash

2022-06-15 22:33:38 Аёлни уриш мумкин...

Расулуллоҳ соллаллоҳи алайҳи васаллам бир ўринда Оиша онамиздан ранжийдилар ва мисвок билан урмоқчи бўладилар. Бироқ эртага жавобини беришни ўйлаб, тийиладилар.

Бошқа бир ҳолатда аёлни уриш мумкинлиги, ургандаям бармоқ билан туртиш ёки мисвок билан уриш айтилади.

Дарвоқе, аёлни мисвок билан ургунга қадар ҳам бошқа жараёнлар бор. Айтайлик, итоат қилмаса, исён қилса, тартибга чақириш, насиҳат қилиш лозим. Унгаям кўнмаса, тўшакни алоҳида қилиш керак. Охирги чора - уриш, лекин унинг қаеринидир синдириш, хўрлаш, юзига, бошига уриш эмас.

Эътибор қилинг, мисвок бир қарич атрофида бўлади. Ва у билан урилганда оғриқ сезилмаслиги мумкин. Пайғамбаримиз ўша оғриқсиз уришдан ҳам тийилганлар.

Бу ислом. Уни билмаслик бизни дунёга шарманда қилди, қиляпти. Динни чуқур билиш эмас, айрим суннатларга амал қилинганда ҳам аёлимизни хўрлашга ҳаққимиз йўқлигини англардик. Ochish/sharhlash

2022-06-10 07:02:53 УМАР ИБН ХАТТОБ "СНОС" ҚИЛДИРМОҚЧИ БЎЛГАНЛАРИДА...

Бир сафар Халифа Умар Масжидул Ҳаромни Аббос ибн Абдулмуталлибнинг ҳовлиларини сотиб олиш эвазига кенгайтирмоқчи бўладилар.

Бугунги тилда "снос". Мулкни давлат эҳтиёжи учун бузиш.

Аббос судлашишни лозим топадилар. Ўша жараёнга эътибор қилингда:

"Қозини сен танлашинг керак, токи мансабидан фойдаланиб, менга зулм кўрсатди, дея таъна-маломат қилмаслигинг учун сенинг танлаганинг маъқулроқ, - дедилар ҳазрат Умар.

Аббос ибн Абдулмутталиб Шурайҳ исмли қозини танлади. Унинг таклифига халифа ҳам рози бўлди.

- Унда Шурайҳга одам жўнатинг, ҳузурингизга етиб келсин, - деди Аббос.

- Йўқ, у келмайди, билъакс биз унинг ҳузурига борамиз, - деди Умар ибн Хаттоб розияллоҳу анҳу.

Шундан сўнг икковлон қозининг маҳкамасига йўл олишди. Ҳазрат Умар у ерда Аббос розияллоҳу анҳу билан ёнма-ён тик турдилар. Қози эса ўтирган ҳолатда воқеани батафсил диққат билан эшитди.

Ниҳоят, у ҳукм қилиш олдидан:
- Эй амирал муминин, - дея ҳазрат Умарга илтифот билан мурожаат қилди.

Ҳазрат Умар бундан нарозиландилар:
- Менга бундай мурожаат қилманг, зеро, қози ҳузурида ҳамма тенг ҳуқуқли бўлиши керак. Шундай экан, номимни атаб гапираверинг.

- Эй Умар, менга қулоқ солинг, - деди қози.

- Нима дейсиз, эй Шурайх?

- Шубҳасиз, Аллоҳнинг набийи бўлмиш Довуд алайҳиссалом ҳам Масжидул Ақсони ёнидаги ҳовли ҳисобига кенгайтирмоқчи бўлганларида Аллоҳ таолодан шундай ваҳий келганди: "Эй Довуд, менинг уйимга бошқанинг уйини қўшиб кенгайтирмагин. Ҳаромдан энг узоқ уй менинг Уйимдир".

Қози шундай дедию ҳазрат Умарнинг даъвосини рад этувчи ҳукм чиқариб берди".

P/S: Қизиқ, Умар ибн Хаттоб Аббосдан рухсат сўраб ўтиришлари шартмиди? Ўзлари учун эмас, масжид учун уйни буздирмоқчи эдиларку. Ёки Аббос ибн Абдулмутоллибнинг қандай ҳадди сиғди халифа билан қозилашишга?
Улар бировни норози қилиш эвазига масжид учун ҳам ўзга мулкини тортиб олиш мумкин эмаслигини билишган. Биз бугун арзимаган мансабдорнинг асъасаси билан ҳам "снос" қилишга ўрганиб қолдик. Ризолик ва адолатнику қўяверинг, қозини измимизга юрғизишга интиляпмиз.
Дарвоқе, иккковлари қози ҳузуридан чиққанларидан сўнг Аббос уйларини Масжидул Ҳаромни кенгайтириш эвазига ўзлари рози бўлиб қўшиб берадилар. Мақсадлари халифага ҳақлар тортиб олинмаслиги, зўравонлик қилинмаслигини кўрсатиш эди...

(Воқеа "Ашараи Мубашшара"дан). Ochish/sharhlash

2022-06-10 00:07:40 Кўникиш

Ҳаётимизни қийинлаштирувчи қоида-чекловларни баъзан танқид, баъзан кулги билан қабул қиламиз. Ва кўникамиз.

Қоида шундай, аввал мавзу муҳокамага ташланади. Халқ чайнайди, чайнайди, чарчайди. Кейин энг ёмони бўлади. Ўша бошга бало бўлгувчи навбатдаги "ислоҳот"ни жорий қилишади. Бу пайтга келиб аҳолининг ярми бу иллатга тайёр, қолгани аросатда, қарши турувчилар эса янаям камроқ қолган бўлади.

Афсуски, тепадагилар ҳам кўникишимизга кўникиб қолишди! Ochish/sharhlash

2022-06-04 22:21:17 Ақлли бўрилар...

Умар ибн Хаттоб "Дажла қирғоғида бир чўпоннинг қўзисини бўри олиб қочса, Аллоҳ халифа Умардан сўрайди" деб кўз ёш тўкарди.

P/S: Бутун халқнинг ғами, ташвиши, увол-савобини гарданга олиш - бу раҳбарлик.

Қизиқ, бир ақлсиз жонзотнинг чўпон қўрасига киришини ўзининг айби деб билган Умар (р.а). Ақлли бўриларга изн бериш, уларни тиймаслик, тиёлмасликнинг ажри қандай бўлиши мумкин, билмадим. Ochish/sharhlash