Но_227 Кун бўйи Биллура билан вақт қандай ўтганини сезм | ЎЗБЕГОЙИМ КАНАЛИ
Но_227
Кун бўйи Биллура билан вақт қандай ўтганини сезмасдим унинг ажойиб саволлари...кулгуси менга завқ бағишларди...кечга томон уни чиройли қилиб тайёрладим...ўзим ҳам иккилана иккилана кўзгуга боқарканман юрагим ҳаяжон ичра ловулларди... Кутилган лаҳзалар келиб эшик жиринглади...очганимда муллакамни юзи ғамгин кўринди... -Ассалому алейкум! Бош ирғиб қўйдилар...Биллура чопиб чиқиб дадасига ёпишди...муллакам чўккалаб ўтирганча уни маҳкам қучиб кўзларини юмиб сочларини тўйиб ҳидлади... -ягонам мени...жоним қизим мени... Юрагим ғалати бўлиб кетди...худди видолашаётгандек...Биллура дадасининг бағридан чиқиб муллакамни юзига боқди... -дада нега йиғлаябсиз? Эътибор берсам муллакамни кўзларида ёш мавжланибди... -йўқ қизим...сени соғиндимда... Биллура дўмбоқ қўлчалари билан дадасини юзини ушлаб ўпиб қўйди... -сизни яхши кўраман! -мен ҳам қизим...-деди қайта қайта Биллурани лўппи юзчаларидан ўпиб...-қара бу сенга... Биллура ўйинчоқни кўриб сакради... -ўғирланган маликами бу? -ҳа ақлли қизим..сенга ҳар кун айтиб берадиган эртагимдаги ўғирланган малика... -ёвуз қирол ўғирлаб кетадиган!-деди Биллура овозига қўрқинчли тус бериб.. -ҳа..у ёвуз бўлгани учун малика қизчани ўғирлаб кетади... -кейин малика ёвуз қиролни муз юрагини эритади!-деди Биллура қўғирчоқни қучиб... -эртакни якуни ҳам эсингдами қизим? -ҳа..ёвуз қирол маликани ўз онасига қайтариб беради! Уларни суҳбатини кўзда ёш билан кузатдим..бир ота бўлса шунчалик бўлар... -шундай қизим!-дея муллакам Биллурани кўтариб олди...-Румайса...отланинг бугун қизимни бир айлантириб келай!-дедилар менга қарамай... -хўп!-дедим унинг ғамгинлиги сабабини била олмай...
Йўл бўйи индамадилар...кўпроқ Биллура билан суҳбатлашар қизалоқнинг гапларига бор дили билан куларди... -Румайса у сизга анча ўрганиб қолдия?-дедилар паст овозда...
