Suhrob Ziyo

2020-08-31 22:51:43 Янги манзилимиз: @suhrob_ziyo1 Ochish/sharhlash

2020-08-30 20:21:38 Техник муаммолар туфайли ўзанимиз бошқа манзилга кўчди. Кейин ўйлаб қолдим. Фақат кўнгил тусаган мавзуларда эмас, ақл тусаган мавзуларда ҳам ёзиб туриш, ҳам адабий, ҳам ижтимоий қарашларни баён этиб борадиган бир канал қилиш пайти келибди, шекилли.

Шундай қилиб, энди чиройли гаплар билан бирга аччиқ гапларни ҳам айтамиз. Таҳлиллар қиламиз.

Биз билан бўлсангиз, қуйидаги манзилга киринг, бошлаган сафаримизни шу ерда давом эттирамиз Ochish/sharhlash

2020-08-30 20:21:27 Техник муаммолар туфайли ўзанимиз бошқа манзилга кўчди. Кейин ўйлаб қолдим. Фақат кўнгил тусаган мавзуларда эмас, ақл тусаган мавзуларда ҳам ёзиб туриш, Телеграм тармоғида ҳам адабий, ҳам ижтимоий қарашларни баён этиб ораиган бир канал қилиш пайти келибди, шекилли.

Шундай қилиб, энди чиройли гаплар билан бирга аччиқ гапларни ҳам айтамиз. Таҳлиллар қиламиз.

Биз билан бўлсангиз, қуйидаги манзилга киринг, бошлаган сафаримизни шу ерда давом эттирамиз
https://t.me/joinchat/AAAAAFHmfjV_EQHVqR8Rcw Ochish/sharhlash

2020-08-21 01:04:30 Эй кўз ёш, оҳиста тўкилгинки ғам зиёдадир.
Эй шамъ, оҳиста ёнгинки кеча узундир.
Бугун ҳеч ким, ҳеч кимнинг маҳрами асрори эмас,
Биз тажриба қилдик, ҳеч ким ҳеч кимнинг ёри эмас...

Шамс Табризий Ochish/sharhlash

2020-08-18 11:10:34 Муҳаммад РАҲМОН
ҲАЗРАТИ БИШИР ҲИКМАТЛАРИ

*
Бу боғ хазон сипоҳи, куздан ҳам қолар бир кун,
Баҳор келса, қорлару муздан ҳам қолар бир кун.
Пешоб билан ўзига ер хатлаган қашқирлар,
Биздан қолганди бу боғ, сиздан ҳам қолар бир кун.

*
Пайғомдек чўп бўлиб чойимга келмиш,
Бир ҳикмат йиллару ойимга келмиш…
Фано даштининг мен тупроғи бўлдим,
Подшолар бош эгиб пойимга келмиш.

*
Чақув бозорида чопиб бердилар,
Ит бўлиб бағримни қопиб бердилар.
Бўлди назаркардам улуғлар охир,
Нокаслар менга дўст топиб бердилар.

*
Зулмат бошқа-бошқа, нур бошқа-бошқа,
Тош – бошқа, мис – бошқа, дур – бошқа-бошқа.
Мен тавба қиламан фосиқлар учун,
Гарчи сўроқ бошқа, гўр бошқа-бошқа.

*
Баайни кумуш зар, тиллага келди,
Йил моҳи рамазон паллага келди.
Худоё , етказган кунингга шукур,
Аждаҳо нафслар чиллага келди.

*
Келдиму кўп хотири малол бўлдим,
Дунё, ишларингдан гангу лол бўлдим.
Нега ўт эмасман, пода еб кетса,
Нега мен соҳиби илми ҳол бўлдим.

*
Нега бунча биғиллар пуккамас чикка бола,
Туғилибоқ кимга зор, кимга ичиккан бола?!
…Қиёмат кунигача йиғлармиш отасини –
Кўриб қолишга бир кун, б-и-р кун кечиккан бола!

*
Фитна, ғавғосидан дор ухламайди…
Неча тул, етимлар зор ухламайди.
Ҳаттоки илонлар ухлайди қишда,
Лекин қўш оёқ бу мор ухламайди.

*
Биби Малокатдан туғилган эрман,
Хом сут ҳам эммаган бандаман, ерман…
Сендан ком бўлмади қари онамдек,
Дунё, беширдирман, ҳам беширман.¹
¹ Сут эммай ўсганлигига ишора

*
Хуш агар нозу адоси қоши қаролар яхшидир,
Топса малҳам дил яроси савти наволар яхшидир.
Якка қол, ўртанма ҳаргиз маҳрами дил бўлмаса,
Мардуми ғайблар билан махфилоролар яхшидир.

*
Ҳимматинг ҳам, миннатинг ҳам тожи сарим, кулоҳимдир,
Фалак тоқига чирмашган тутун эрмас, ул оҳимдир.
Билганлари таъқиб ўлди, ҳама манга рақиб ўлди,
Сенга дўст-ёр тутинганим манинг бор-йўқ гуноҳимдир.

*
Тоғлар гўзал, боғларни сарафроз кўрадирман,
Юлдузлар порлоқ, баланд – хўб ва соз кўрадирман.
Суратим, сийратимдан дам урарға заъф йўқ –
Қачон ўзимни комил ҳам мумтоз кўрадирман?!

*
Югурик вақт дарвозада қабза урар,
Ухлама, деб, ҳар сония, лаҳза урар:
То бир силаб олгунингча соқолингни,
Неварангнинг мўйлови ҳам сабза урар…

*
Саркаш дарё бўлиб оқ, йўлинг бандлиғ бўлмағай,
Очилиб кул гул каби, заҳархандлиғ бўлмағай.
Унутма, бу дунёда етим ҳам бор, хор-зор бор,
То бу шодмонлиғ сенга гиёвандлиғ бўлмағай.

*
Қўш тақимда бир улоқ, учар оқ, қора тулпор,
Хирқирар чавандозлар: — Қўйвор-а, қўйвор, қўйвор!..
Тушгиси йўқ шаштидан на унинг ва на бунинг,
Олдда эса – алҳазар! – жаҳаннам бор, жарлик бор!

*
Кетма, дўст, тун қоронғу, дўнг, чуқур, пастлик ёмон,
Ҳар қадамда дайди ит – захму шикастлик ёмон,
Ҳазир ўл, дейман, нега титраб кетяпман ўзим? –
Қолмоқдаман кулбамда ёлғиз – бекаслик ёмон.

*
Ҳассасин дўқиллатиб келар эди бу гадо,
Ҳар уйдан хайр-эҳсон тилар эди бу гадо.
Тўхтаб ўтмасди фақат бойларнинг эшигида,
Чамамда, бир нарсани билар эди бу гадо.

*
Комилликка қалб йўл бўлғай – Саидаҳмат,
Сафар иста, мақбул бўлғай – Саидаҳмат.
Минг ранж ила ўз қалбингга етолсанг,
Зиёратинг қабул бўлғай, Саидаҳмат.

*
Сиз – шаҳри азимдансиз, мен – кўҳи баланддаман,
Лекин аҳли дил қайда бўлса мен ҳам андаман.
Султонманми гадоман, саидманми ё ғулом,
Куням, унвоним банда, бандадирман бандаман!

*
Қалъайи иймоннинг посбони эдим,
Ишқу муҳаббатнинг достони эдим.
Ваҳ, мардум билмади жон фидо қилсам,
Балки, мен ердан-мас, осмони эдим.

*
Янграгин ҳам ярагин дил кориға, рақси само,
Мен борай ўздин яна ҳар сориға, рақси само.
Қўл эмас қўллар – қанот, ёздим, мана, парвоз учун,
Восили эт холиқо дийдориға, рақси само.

*
Бандайи ғофил, кўзинг оч, мен дилингни дил қилай,
Ҳам тариқат, ҳам ҳақиқат шевасин тадбил қилай.
Сен учун дунёйи дун шароб тўла хумдир магар,
Мен ўшал дунёни тошға урибон чил-чил қилай.

*
Менда сўз йўқ дегали, очгали – сенда қучоқ,
Ўт эдик, оташ эдик, энди – кул босган ўчоқ.
Дўст, дўст, не сир-синоат, бу фаромушлик надир:
Олмадинг, кесгач анор, ўртада қолди пичоқ… Ochish/sharhlash

2020-08-14 14:12:16 Hazrat Navoiyning deyarli butun faoliyati davlat vazifasida kechgan. Eng yirik asarlari, xususan, “Xamsa” ham hazratning vazirlik yillarida yozilgan.

Bugunga qiyoslasak, birorta vazir videoselektordan chiqib Facebook'dagi profilida yangi she’rini e’lon qilishini hech tasavvur qilolmayman.

Suhrob ZIYO

@suhrob_ziyodov Ochish/sharhlash

2020-08-12 22:16:23 ​​Бугун бахтни кўрган шоирнинг дунёга келган куни! Ўзбек адабиётининг бахтига, миллатнинг бахтига омон бўлсин!

Усмон АЗИМ

БАХТ ҲАҚИДА БАЛЛАДА

Мен бахтни кўрганман. Кўрганман. Аниқ.
Ўрдада ногаҳон келган рўбарў.
Қиш куни. Палтога олган ўраниб,
Бесас бир ҳайратда қотганман: – Вой-бў!..

Йўлкалар четида баланд чинорлар,
Қатор тизилишган. Беҳаракат. Жим.
Донг қотган бекатлар, қорлар, шиорлар...
Аммо бахт эканин билмаган – ҳеч ким.

Бахт жуда чиройли эди! Чиройли!
Чиройли! – совуқда юзин яшнаши.
Ҳатто қор пойида ғирчиллар эди,
Танини эзса ҳам ўткир пошнаси.

Юзи теграсида рўмоли – туман.
Бир учи кифтига ташланган эди.
Лолликдан бошқа ҳол бўлган эди манъ –
Уни кўриб бу иш бошланган эди.

Мен бахтни кўрганман. Кўрганман. Аниқ.
Ҳатто кўзларимиз учрашган бир зум.
Ўртада бўлмаган салому алик,
Фақат лабларига қўнган табассум.

Шу тарз ўтиб кетган ёнимдан. Ташхис:
Жоним чиқмасликка у дам яраган.
Ўгрилиб қарасам, ортимга илкис,
Ишонинг-ишонманг, бахт ҳам қараган!

Шундан буён менга бу дунё бир пул!
Номард ғалвалари беролмас озор.
Юрагим эрта-кеч шеър билан машғул –
Бахтни учратганман! Нима ғамим бор!

Ёниб кириб келсам (юришим – сарбаст!) –
Фасод давраларга – ғийбат тинади,
Ахир, менга ҳеч ким келолмайди бас –
Бахтга дуч келганим барча билади.

Мардлигим билишар (дўсту ёв огоҳ!):
Нечун “юр” деб бахтни қистамаганман,
Бахтни этмаганман не учун ҳамроҳ?..
Бебахт бўлишини истамаганман.

@suhrob_ziyodov Ochish/sharhlash

2020-08-11 23:18:43
Ҳамма тахтга келаётганлар Умар(р.а.)га ҳавас қилишди.
Лекин бирортаси Умар(р.а.)дек адолатли бўлмади. Ochish/sharhlash

2020-08-10 21:57:32 G‘uncha guldan ko‘ra go‘zalroq, chunki uning bag‘rida ikki hayot - o‘z hayoti va yana gul hayoti bor.

Abdulla Qahhor

@suhrob_ziyodov Ochish/sharhlash

2020-08-10 11:36:54

Ochish/sharhlash