Бисмиллахир рохманир рохийм. ТАФАККУР КИЛИНГ!!! Бир ку | 🌸СОЛИХА АЁЛ🌸
Бисмиллахир рохманир рохийм.
ТАФАККУР КИЛИНГ!!!
Бир куни жаноза маросимига бордим. Фарзандларининг дод- фарёди кучадан эшитилар эди. Фарзандларига сабр тилаб, бундай каттик Аллохнинг кахрини келтирувчи сузларни айтиб йиглаш маййитга азоб бериши, хозир тахлил айтиб утириш, мархуманинг хаккига хайрли дуолар килиш лозимлиги хакида гапириб уларни сабрга чакирдим.
Анча тинчланишди.
Факатгина бир кизлари хеч кимнинг гапини кулогига олмас, каттик додлаб йигларди.....
Эртаси куни борганимда хам шу холат такрорланди. Мархуманинг уша кизларини тинчлантиришни иложиси булмади. Каттик гапиришга мажбур булдим.
Шунда халиги аёл:
Кизжоним мен йигламай ким йигласин. Онамни мен улдирдим. Сиз хали ёш экансиз. Менинг хатоларимни такрорламанг.
Сизга ибрат булсин. Деб калбларидагини айтдилар. "Оилада тукчиликда катта булдик. Отам ёшлигимизда утиб кетдилар. Саккизта фарзандни бировдан кам килмай онажоним улгайтирдилар. Турмушга чикдим.
Мен тушган хонадон хам куп болалик эди. Мен биринчи келин эдим. Оиламиздаги арзимас гап- сузларни онамга тошишни бошладим.
Онагинам:"
Болам мен онангман сени хатоларингни кечираман.
Лекин борган хонадонингда тилингни тиймасанг, бешигидаги гудакни хам сизлаб мехр бермасанг у уйда хурмат топмайсан, кадрланмайсан. Бу хаёт сабрни бил.
Уйингдагиларни бировга ёмонлашни урганма " десалар. Онам мени тушунмайди.
Деб хафа булдим. Кайнонамни кушниларга ёмонлай бошладим. Гапимга гап кушиб, кушнилар кайнонамга етказишларини билмасдим.
Бу орада тунгич фарзандим углим тугилди. Афсус умри киска экан. Ёшига етмай вафот этди.
Шомоллаш упкасига утиб кетипти. Бунда уйимдагиларни айбдор килиб, онамга уларни ёмонладим. Кушнилар оркали кайнонамга етиб келаётган гап сузлар туфайли бу орада кайнонам хам, мени ёмон куриб улгурган эдилар. Муомалалари узгариб колди. Бирин кетин яна уч фарзандли булдим. Улардан бирини бахтсиз ходиса сабаб тупрокка куйдик.
Турмуш уртогим хам узгариб колган эдилар. Улар билан муносабатларимизни яхшилаш урнига, атайин уришар эдим. Шундай килиб, узим билмаган холда оиламизни жар ёкасига келтириб куйдим. Турмуш уртогимни хиёнат устида ушлаганимдан кейин эса, ажрашишга карор килиб, икки болам билан ота уйимга келдим. Онам оиламни саклаб колишга хар канча уринмасинлар, уларнинг сузлари менга кор килмасди.
Кайнона- кайнотам, турмуш уртогим хам куп бор мени олиб кетишга келишди. Мен рози булмадим. Аста секин укаларим билан хам чикишолмай колдим.
"Чиккан киз чигирикдан нари"— деб бекорга айтишмаган экан.
Онагинам:
" Жооон кизим келинларни олдида уканг билан жанжаллашиб мени шарманда килманглар. Ахир узларингни хурматсиз килиб куясизлар. Уйимиздаги гап-сузлар кучага чикмасин". Деб менга ялинар эдилар. Мен олдимда ким булишидан катьий назар жанжаллашаверадиган булиб колдим.
Факат мени айтганим булиши керак, хамма менга итоат килиши керак деган уй мени тинч куймас эди. Укам билан жанжаллашиб колсам аразлаб овкатга чикмас эдим.
Онагинам таом тайёрлаб болажоним чииик бирга овкатланайлик десалар. Онажонимни жеркиб берардим. Бечора онажоним мунгайибгина хонадан чикиб кетар эдилар.......