«Профессор Доуэлнинг боши» номли китобда бир жумла бор: «Билма | Soliyev

«Профессор Доуэлнинг боши» номли китобда бир жумла бор: «Билмайин босилган тиканнинг заҳри ёмон, бироқ билиб туриб босилганда озори ундан ортиқроқ бўлади».

Шу жумлани ўқиганимда жуда чуқур ўйга ботдим. Бу тикан мисолида бошқа амалларни ҳам тушунса бўлар экан. Яъни, бир ишнинг гуноҳ эканини билмай туриб қилсак ҳам у гуноҳ. Жавоб бериш керак бўлади. Эҳтимол, бироз енгиллиги бордир, лекин мен бунинг гуноҳлигини билмаган эдим, деб жазодан қоча олмаймиз. Шунингдек, ўша ишнинг гуноҳ эканини билиб туриб, уни қилиш мумкин эмаслигини, жазоси оғир эканини ҳис қилиб туриб давом этсак, ўша ишни такрор қилсак, унга бериладиган жазо ҳам оғир.

Баъзида шу иш зараримизга ишлашини билиб туриб ҳам қиламиз ва бунинг бадали оғир бўлади. Ҳисобли дунёнинг ҳисоби оғир дейишади. Мутлақо оппоқ, бегуноҳ инсон йўқ. Лекин билиб турган гуноҳлардан тийилсак, балки билмай босилган тикан сингари камроқ оғриқ ҳис қилишимиз мумкин бўларди...

@soliyev