Жиғилдон қайнашига ечимЖиғилдон қайнаши — ошқозондаги кислотани қизилўнгачга ўтиши ва шиллиқ қаватини таъсирлантиришидан пайдо бўлади. Ушбу касалликни келиб чиқишида сабаблар кўп, лекин асосий механизм кислотани таъсирлантиришида.
Қизилўнгачга кислотани тушиши сабаблари:— ортиқча овқатланиш, йўл-йўлакай овқатланиш, яхши чайнамасдан ютиш;
— шоколад, ёғли, ширин, зираворлар, цитруслар, помидорни суистеъмол қилиш;
— ортиқча тана вазни;
— чекиш;
— овқатда пиёзни кўплиги;
— алкогол, газли сувлар, кофе ичиш;
— стресс;
— баъзи дори воситалари: аспирин, ибупрофен, напроксен;
— қоринни сиқиб турувчи тор кийимлар.
Юқоридаги сабабларни бартараф қилиш билан жиғилдон қайнашини олдини олиш мумкин.
