Sizga Manfaatli

2023-05-10 19:00:02 Мен ундан ёшини сўраган эдим, у айтди:
– 95-да, онам эса 105-ёшда вафот этганлар.
– Соғлиғингизни бу қадар яхшилигининг сири нимада? – сўрадим ундан.
– Касал бўлмасликда, – жавоб қайтарди у.
– Лекин бу бизнинг ихтиёримизда эмас-ку?! – дедим ҳайратимни яшира олмай.
У эса кулиб:
– Ҳа, шундай, – деди.
– Унда менга бунинг сирини айтинг, мен ҳам амал қилай, – дедим.
– Бирор нарсани «Бисмиллаҳ»сиз оғзингга ола кўрма, ҳатто у бир томчи сув ёки таомнинг жуда кичик бўлагини ҳам, – деди у.
Жим бўлиб қолдим.
У эса сўзида давом этди:
– Аллоҳ таоло ҳеч нарсани сабабсиз яратмади.
Ҳар нарсанинг ҳикмати борки, унда фойда ва зарарлари яширинган.
Биз «Бисмиллаҳ» деганимизда Аллоҳ таоло таомдан барча зарарни олиб ташлайди.
Овқатланишдан аввал доим «Бисмиллаҳ»ни айт ва Яратувчингга шукрда бўл.
Таомланиб бўлганингдан кейин «Алҳамдулиллаҳ» деб шукрона келтир. Шунда ҳеч қачон дард чекмайсан.
Унинг бу гапларидан кўзларим ёшга тўлди.
Уни улуғ олим деб ўйладим.
Эндигина кетмоқчи бўлиб турган эдим, қўлларимдан тутиб гап бошлади:
– Эшит, таом ҳақидаги охирги нарса.
Қайтадан жойимга ўтирдим.
– Бирон киши билан таомланаётганингда, гарчи қанчалар очиққан бўлсанг, ҳам асло биринчи бошлама.
Таомга аввал у қўл узатсин ёки унга "олинг" дея манзират қил.
Кейин эса ўзинг ҳам еявер.
Ундан бунинг сабабини сўрашга хижолат бўлиб турган эдим, ўзи айтиб қолди:
– Бу таомингнинг садақасидир.
Қолаверса, бандаларига қайғурганинг учун Аллоҳ сендан хурсанд бўлади.
Доим ёдингда тут!
Таом сенинг тананг, жисминг учун, «Бисмиллаҳ» эса қалбинг учун.
Энди менга айт-чи, қандай қилиб сен касал бўлишинг мумкин?!
У ердан ўйга толганча кетдим.
Биз динимиз буюрган бу каби арзимас нарсаларга на эътибор қиламиз ва на фарзандларимизга ўргатамиз.

Умар ибн Абу Салама розияллоҳу анҳудан ривоят қилинади:
«Расулуллоҳ соллаллоҳу алайҳи васалламнинг қарамоғларидаги бола эдим. Қўлим товоқда изғиётган эди.
Шунда Расулуллоҳ соллаллоҳу алайҳи васаллам менга:
«Эй бола! «Бисмиллаҳ», дегин, ўнг қўлинг билан егин ва олдингдан егин!» дедилар.
Шундан буён ана шундай таомланаман»
(Бухорий, Муслим, Абу Довуд, Термизий ривояти).

Аллоҳ таоло барчамизни ҳар қандай касалликлардан ҳифзу ҳимоясида асрасин ва Ўзига итоаткор бандаларидан қилсин!

Инглиз тилидан Малика Назарова таржимаси.

t.me/SizgaManfaatli || Бўлиши мумкин! Ochish/sharhlash

2023-05-09 12:40:02 Бахтли яшаш қоидалари

1. Ҳеч қачон бировларнинг сиз ҳақингиздаги фикрларига эътибор берманг!
2. Ҳеч қачон ўзингизни бировсиз яшолмайдигандек тасаввур қилманг!
3. Ҳеч қачон ҳаммани рози қилиш учун яшаманг!
4. Ҳеч қачон ўзингизни борингиздан яхши кўрсатишга уринманг!
5. Ҳеч қачон ўзингизни бошқалардан устун деб тасаввур қилманг!
6. Ҳеч қачон бировларнинг хоҳишлари билан яшаманг!
7. Ҳеч қачон ўзингизни одамларнинг диққат марказида деб тасаввур қилманг!
8. Баъзида кимгадир жавоб қайтармаслик жавоб қайтаришдан кучли жавоб бўлади!
9. Кундалик тартибингизда китоб ўқиш, спорт билан шуғулланиш, биродарларни йўқлаш, албатта, бўлсин!
10. Энг асосийси, ўзингизни девонага солиб олинг)))

Девона Карнеги

t.me/SizgaManfaatli || Бўлиши мумкин! Ochish/sharhlash

2023-05-09 07:00:23 ҚАБРИСТОНГА БОРИБ ЗИЁРАТ ҚИЛИШ

– Ўлган кишининг қабри олдига бориб зиёрат қилиш дуруст бўладими?
– Дуруст бўлади.
Ибратланмоқ учун қабристонга бориб ўтириш ғоятда маъноли мустаҳаблардан ҳисобланади.

– Қайси кунлари қабристонга зиёрат учун бориш авлороқ?
– Пайшанба, жума кунлари бориш авлороқдир, демишлар.

– Қабрлар олдига қай тариқа борилади?
– Таҳорат қилиб, одоб ва тавозеъ ила борилади.

– Қабрлар олдига бориб етгандан сўнг нима қилинади?
– Тик туриб ушбу айтилади: «Aссалому алайкум я аҳлал қубури вад-дияри роҳималлоҳул мустақдийна минна вал мутаахирина минкум. Aнтум лана салафун ва наҳну лакум халафун ва инна иншааллоҳу бикум ла ҳиқун насъалу Aллоҳу таоло лана ва лакум офияҳ».
Маъноси: «Эй қабристон аҳли, сизларга Aллоҳ таолонинг саломи бўлсин, Aллоҳ таоло дунёдан аввал кетган сизларга, кейинда қолган бизларга раҳмат қилгай. Сизлар бизлардан илгариги кишиларсиз, бизлар сўнгра қолган кишилармиз, албатта тезлик бирла бизлар ҳам сизларга етурмиз. Aллоҳ таолодан ўзларимиз ва ҳам сизлар учун саломатлик ва офият тилаб қоламиз».

Сўнг ўзи хоҳлаган қабрнинг олдига бориб оёқ кийимини ечиб, маййитнинг юзи ва кўкраги тўғрисига келиб, қиблага орқа ўгириб, қабрга рўпара бўлиб ўтириб, хоҳлаганича Қуръон ўқиб, савобини ўзи хоҳлаган маййитларнинг арвоҳига ва қабристондаги ҳамма маййитларнинг арвоҳига ҳадя қилади.

– Қабристонда қай тариқа юрилади?
– Гўё тирик кишилар орасида юргандек тавозеъ ва одоб билан, ҳеч бир қабрни босмасдан, ўзининг ҳам бир замонда улардек қабристонга келиб дафн қилинишини ва у ерда бўладиган савол ва ҳисобларни, қиёмат кунларини, жаннат ва жаҳаннамни хотирига келтириб, ғоятда тафаккур ва андиша қилади. «Ё Рабб, ушбу маййитларнинг арвоҳини раҳмат қилгил ва гуноҳларини мағфират қилгил, мен заиф бандага тавфиқ ва ҳидоят бериб, яхши амаллар қилмоқни насиб этгил. Ҳамма бор гуноҳларимни кечиргил», деб гуноҳларини юмшатиб, йиғлаб, кўп дуолар қилишга ғоятда жидду жаҳд қилади. Маййитларнинг руҳларига қабр олдига келган киши маълум бўлар эмиш. Улар учун ўқилган Қуръоннинг ва берилган садақанинг савоби уларга етар, дуо қилган кишини улар ҳам дуои хайр қилар эмишлар.

– Қабристонга бормасдан уйда ё масжидда ўқиб ҳадя қилган Қуръоннинг савоби уларга етадими?
– Aлбатта, етса керак.

– Aрвоҳга Қуръон ўқиб бағишланганда нима деб дуо қилинади?
– Бундай дуо қилинади: «Aллоҳумма баллиғ саваба ма қуриъа фи ҳазиҳис-соатиш шарифати мин китабикал карима ила арваҳи жамиъил муслимина каффатан ва омматан хусусан минҳум ила арваҳи ақрибаи ва асдиқаи аллазина азкурҳум би лисани».

Маъноси: «Ё Рабб, қадрли китобингдан ушбу шариф соатда ўқиганимнинг савобини мусулмон маййитларнинг руҳларига етказгин. Хусусан, ҳозир зикр қилинган ўзимга яқин қариндош ва дўстларимнинг руҳларига етказгин».

Бу дуонинг ўқигандан сўнг ўзи хуш ва дўст тутган маййитларнинг исмлари ва оталарининг исмларини бир-бир зикр қилади. Масалан, ушбу тариқа: «Ё Рабб, ушбу ўқилмиш Қуръоннинг савобини отам фалончи фалон ўғлининг ва дўстим фалончи фалон ўғлининг руҳи шарифларига етказгин».

t.me/SizgaManfaatli || Бўлиши мумкин! Ochish/sharhlash

2023-05-08 19:30:02 Финишга ҳали бор

Синфдошим баҳолари билан мақтанаверар эди. Баҳо пойгасида ютиш завқ берар эди.

Лицейда курсдошларим қизил диплом учун роса талашишган эди. Олганлар олмаганлардан ўзларини устун кўришганди.

Институт биринчи курсидан баъзиларда машина бор эди. Курсдагилар омадли деб билишарди уларни.

Синфдошимга баҳолари ёрдам бермади. Ишини топа олмаяпти. Курсдошларимга дипломлари ёрдам бермади, соҳалари ўзгариб кетди. Институтдошларимга машиналари ёрдам бермади, ишга олувчига бу умуман муҳим эмас.

Бирга катта бўлганларингиз орасидан, кимдур биринчи турмуш қуради. Машина олади. Катта пул топишни бошлайди. Атрофдагилар солиштиради. Сиздан ҳам кута бошлашади.

Сиз ўқиётган бўласиз. Тажриба орттираётган бўласиз. Ўтиб кетаяпти деб чалғиш бошланади. Ўзингизни ёмон ҳис қиласиз.

Агар вақтингизни бекор ўтказмаётган бўлсангиз - эътибор берманг. Ўз устингизда ишлайверинг. 30 ёшга тўлмагунча мевалар терилмайди.

Ҳолатингизни бошқаларга солиштирмоқчи бўлганларга эса мени гапимни етказинг: финишга ҳали бор.

Аzizrakhimov Blog

t.me/SizgaManfaatli || Бўлиши мумкин! Ochish/sharhlash

2023-05-08 05:30:34 Ота-она билан муомала қилишдаги ўттиз беш одоб:

1) Ҳузурларида қўл телефонларини ўчириб қўйиш.

2) Гапираётганларида жим туриш.

3) Раъйларини қайтармаслик.

4) Гапларини маъқуллаб туриш.

5) Уларга ўзини ҳокисор тутиб қараш.

6) Уларга доим мақтов,мадҳ айтиб туриш.

7)Уларга ҳурсандчилик хабарларини улашиш.

8) Ёмон хабарларни олдиларида гапирмаслик.

9)Улар яхши кўрган кишиларни ва дўстларини мақташ.

10) Эришган ютуқларини доим эслатиб туриш.

11) Агар қайта-қайта гапирсалар ҳам гапларини тасдиқлаб кўнгилларини кўтариб туриш.

12) Ўтмишдаги аламли
ўринларни зикр қилмаслик.

13) Ортиқча гаплардан
четланиш.

14) Олдиларида ҳурмат
сақлаб ўтириш.

15) Фикрларини паст ва ноқис санамаслик.

16) Гапларини
тугатмасларидан олдин
эшитмасдан туриб кетмаслик.

17) Ёшларини ҳурмат қилиш
ва набиралари билан уларни
безовта қилмаслик.

18) Олдиларида набираларини
жазоламаслик.

19) Ҳамма насиҳату-
фикрларини қабул қилиш.

20) Ҳузурларида уларга
эҳтиром кўрсатиш.

21) Уларга овозни кўтармаслик.

22) Улардан олдин ёки
олдиларидан юрмаслик.

23) Таомга улардан олдин қўл узатмаслик.

24) Уларга тикилиб
қарамаслик.

25) Улар билан
фахрланишлик,агар улар
шунга лойиқ иш қилишмаган
бўлса ҳам.

26) Олдиларида оёқ
узатмаслик ёки уларга орқа
қилмаслик.

27) Сўкилишларига сабаб
бўлмаслик.

28) Ҳар доим уларни
ҳақларига дуо хайр қилиш.

29) Олдиларида чарчоқ ва
хафаликни зоҳир қилмаслик.

30) Улардан содир бўлган
хатоларга кулмаслик.

31) Ўзлари талаб қилишларидан олдин
хизматларини бажариш.

32) Доимий равишда уларни
зиёрат қилиб туриш ва уларга
ғазаб қилмаслик.

33) Улар билан гаплашганда
чиройли сўзларни танлаб
ишлатиш.

34) Ўзларига ёқадиган исмлар билан мурожаат қилиш.

35) Уларни ҳамма нарсадан ва ҳамма одамлардан устун қўйиш.

Ота ва она - ер остига кўмилиш арафасида бўлган ер юзидаги ҳазинадир.

Бу юқорида ўтган бандларнинг ҳар бири аҳамият жиҳатидан иккинчисидан кам эмас. Шундай экан, эътибор билан ўқишни ва ота-онага муомала қилишликда нафсни бир ҳисоб қилиб қўйишни насиҳат қилган бўлардим. Албатта, жаннатга кириш, дунёдаги муваффақият, хотиржамлик, мўл ризқ келиши ва балоларни даф қилиниши - ота-онага яхшилик қилиш миқдорига боғлиқдир.

Mehrob.uz

t.me/SizgaManfaatli || Бўлиши мумкин! Ochish/sharhlash

2023-05-07 12:30:05 Бир мухаббат қиссаси..)

Араб тилида, ўзбекча субтитирлар билан)

t.me/SizgaManfaatli || Бўлиши мумкин! Ochish/sharhlash

2023-05-07 06:30:02 Эркак аёлни бахтли қилиши учун нималарга эътибор бериши керак?

Аёлингиздан завқ олинг, ундан ҳузурланишингизни беркитманг, ўзини кераксиз ҳис қилиши мумкин бўлган сабабларни йўқотинг.
Тозаликка эътибор беринг, турли хил хушбўйликлардан фойдаланинг, чиройли кийим кийинг, сиз аёлингизни ғўзал суратда кўришни истаганингиз каби, ҳам сизни шундай кўргиси келади.
Аёлингизга вақт ажратинг. Сиз учун арзимас туюлсада, қилган хизматлари учун уни мақтаб туринг. Хатоликларига сабр қилинг, билан мулойим оҳангда гаплашинг.
Аёлингизга нисбатан энг гўзал эрклаш сўзларини ишлатинг.
Росулуллоҳ соллалоҳу алайҳи васаллам ўз аёлларини уларга ёқадиган энг гўзал исмлар билан чақирганлар.
Уни ўзига ёқадиган сўзлар билан чорланг, уни хафа қиладиган ёки ҳиссий озор берадиган сўзлардан йироқ бўлинг.
Аёлингизга унинг ҳаққини беринг, миннатдор бўлинг, шунда ўз меҳнатингиз самарасини кўрасиз.
Аёлингиз билан ҳазиллашинг, ўйнашинг, қувончни ҳам, кўнгилхушликни ҳам сизда топсин.
Аёлларда вақти вақти билан кайфиятсизлик, ҳиссий чарчоқ бўлиб туради, шундай пайтларда уни ўз ҳаёллари билан ёлғиз қолдирманг.
Уни тинчлантиринг, ҳотиржам қилинг, кўнглини кўтаринг.
Аёлингиз шаънини ҳимоя қилинг, қариндош уруғлар ёки таниш билишлардан бирортаси уни камситишига йўл қўйманг.
Шуни билинг-ки, аёлингизни камситган инсон–сизни ҳам ерга ураётган бўлади.
Аёлингиз билан ўртангизда ҳар не бўлса ҳам, ташқарига чиқарманг. На волидангиз, на дўстингиз ҳеч ким сизнинг ўзаро муносабатингиз гувоҳи бўлиши шарт эмас.

Шу қоидаларга амал қилинг, аёлингиз кундан кунга очилиб, ёшариб, тили-ю сўзи гўзаллшиб боради иншааАллоҳ.

Фораҳун

t.me/SizgaManfaatli || Бўлиши мумкин! Ochish/sharhlash

2023-05-06 18:20:14 Бахиллар оиласи, нима воқеа бўлганини кўринг!

Бир шингил ҳазил, видео араб тилида)

t.me/SizgaManfaatli || Бўлиши мумкин! Ochish/sharhlash

2023-05-06 08:10:11 • "Фотиҳа" сураси - Aллоҳнинг қаҳридан сақлайди.
• "Ясин" сураси - Охиратда чанқоғингизни қондиради.
• "Воқеа" сураси - Камбағалликдан, очликдан сақлайди.
• "Мулк" сураси - Қабр азобидан сақлайди.
• "Ихлос" сураси - Иккиюзламачи, ёмонлардан сақлайди.
• "Фалақ" сураси - Кулфатдан сақлайди.
• "Нас" сураси - Ёмон ҳаёллардан сақлайди.
• "Юсуф" сураси - Юрак сиқилиши, мазлумлик, ғам қайғуда фойда.

t.me/SizgaManfaatli || Бўлиши мумкин! Ochish/sharhlash

2023-05-04 16:31:00 Аёлингизнинг айбу нуқсонларини юзига солманг!

Аёлингизга керагича эҳтиром кўрсатишни унутманг. “Аёл киши ҳеч нарсани тушунмайди”, деган такаббурона фикрни қўйинг. Аёлингизнинг айбу нуқсонларини юзига солманг. Йўқса қалби жароҳатланиб, ўзига бўлган ишончи йўқолади. Шунингдек, бошқалар олдида ҳам уни танқид қилманг. Бинобарин, бу билан унинг ҳурматини ҳам, ўз ҳурматингизни ҳам бир пул қилган бўласиз. Унинг ишларини олқишлашда қизғанчиқ бўлманг. Аёлингиз нима яхши иш қилса мақтанг. Яна шуни унутмангки, бир-бирингиз билан тортишганингизда доим ўзингизни ҳақ деб ўйламанг. Сиз ҳам хато қилишдан маъсум эмассиз.  

· Шайх Юсуф Хаттор Муҳаммад.
«Оила — саодат маскани».

t.me/SizgaManfaatli || Бўлиши мумкин! Ochish/sharhlash