2022-09-15 22:07:04
Гюстав Флобер афоризмлари, ****
Ёзувчининг бутун истеъдоди охир-оқибат сўз танлаши билан ўлчанади.
---
Драматик санъат мусиқага ўтган геометриядир.
---
Аёллар эркакларни буюк ишларга илҳомлантирадилар, бироқ уларни амалга оширгани вақт қолдирмайдилар.
---
Китоб – тирик жон. Бегона қўл билан қилинган ҳар қандай жарроҳлик амалиёти, ҳар қандай ўзгариш уни майибга айлантиради. Балки у яхшиланар, лекин барибир илгариги китоб бўлмайди!
---
Агар режа жуда узоқ вақт ва синчиклаб тузиладиган бўлса, у охир-оқибат йўқ бўлади.
---
Умидсизланганингда ҳамиша умид қилишинг, умидланганингда эса шубҳаланишинг керак.
---
Виждонни тоза сақлаш учун уни бошқаларнинг виждонидан баланд тутиш керак.
---
Агар истеъдодингни қадрласанг, оммани мафтун этадиган воситалар кетидан чопмайсан.
---
Англаш иштиёқи – ёруғ қалблар учун буюк қувончлар манбаидир.
---
Статистика – ноаниқ фанларнинг энг аниғидир.
---
Хотиржам бўлиш – ҳазилакам гап эмас, бу – деярли бахтли бўлиш демакдир.
---
Баҳслашиш тушунишдан кўра осонроқ.
---
Омадсизликка учраган ерингда бир аҳмоқнинг муваффақият қозонаётганини кўришдан кўра оғирроқ камситиш йўқ.
---
Ёлғизликни хотиралар билан тўлдириб бўлмайди, улар танҳоликни чуқурлаштиради, холос.
---
Яхши ёзилган асар ҳеч қачон зериктирмайди. Услуб – ҳаётнинг ўзи, у фикрларнинг югурик қонидир.
---
Ёзувчи салоҳиятининг бош белгиси – нимани ёзмасликни билишидир.
---
Муҳаббат бахт бериши керак. Бахт йўқми, демак, адашибсан.
---
Фикрнинг аниқлиги ифоданинг аниқлигига замин яратади.
---
Мавзу танланмайди. Шоҳ асарнинг сири шунда: мавзу – ёзувчининг мижози ифодасидир.
Рус тилидан Ориф Толиб таржимаси
«Ёшлик» журнали, 2017 йил, 12-сон
Ziyouz. com
@Subnazar
9 views19:07
S
