Suvtushar radiosidan gapiramiz

2022-11-16 07:31:09 ЧИДАМСИЗЛИК

Чидолмас ғурурли Озарбайжонлар
Боласи душманга агар тиз чўкса
Хам олади жонлар, хам тўкур қонлар
Арманларни кимдир онадан сўкса

Араблар бенамоз зотни хушламас
Руслар лафзсизлардан тезда узоқлар
Гуржилар номарднинг қўлин ушламас
Элдан ажралганни суймас қозоқлар

Гарчи ихтирога устадир япон
Гарчи мода бирла хамнафас фаранг
Чидолмас ўз миллат вакили нодон
Ўз халқига қарши ишлатса найранг

Чидолмай хорликка бирор бир туркман
Даъюс саломинга олмайди алик
Кўмагин бермайди ўғли бўлса хам
Юрт сирин сотганга америкалик

Шеърни дилдан ёздим, ёзмадим тўқиб
Биларманку ёлғон халолмаслигин
Балки айт деюрсиз, шеъримни ўқиб
Ўзбеклар нимага чидолмаслигин

Ўзбеклар чидамли, чидамли жуда
Бошларига селдек ёғганда хам ғам
Чидарлар дод демай худа бехуда
Қўли калталиг-у йўқчиликка хам

Чидар барча миллат вакили янглиғ
Волидаси кетса жаннат боғига
Ғаним урганда хам қоқ кўксига тиғ
Дош берур хаттоки фарзанд доғига

Ўзбеклар чидайди керак бўлса гар
Уч ўғлининг бевақт ўлганлигига
Фақат чидолмайди чимилдиқ кўрмай
Ўз қизининг жувон бўлганлигига

Тилдан қолар она бу хол юз берса
Падарининг айлар юраги хуруж
Эртасига тонгда бу уйдан чиққан
Иккита тобутга улус бўлар дуч

Шу боис номусни асранг сингиллар
Она қалбин дардга тўлдирмангизлар
Чин ўзбек бўлсангиз номуссиз бўлиб
Отангизни бевақт ўлдирмангизлар!
Abdurahmon Meshayan

@Shoniyozov_blogi Ochish/sharhlash

2022-11-16 06:12:18 In play list.
@Shoniyozov_blogi Ochish/sharhlash

2022-11-15 20:02:01 НАҲОТКИ МЕН ҚАРОҚЧИМАН!

Суданлик дўстларимдан бири ажойиб бир мақола ёзди. Сарлавҳаси "Наҳотки мен қароқчиман".
Мақолада у ўзи билан содир бўлган иккита воқеани келтиради.
Биринчиси:
Ирландияда тиббиётдан имтиҳонларим бор эди. Имтиҳоннинг тўлови 309 фунт эди. Менда майда пул йўқ эди. Шу сабаб 310 фунт бердим. Муҳими имтиҳонни топширдим. Имтиҳонлар тугагач Суданга қайтдим. Сал ўтиб Ирландиядан хат келди. Унда шундай ёзилган эди:
"Сиз имтиҳон тўловини тўлашда хато қилибсиз. Тўлов 309 фунт эди. Сиз 310 фунт тўлабсиз. Сизга бир фунтлик чек юбордик. Биз ўз ҳақимиздан ортиғини олмаймиз".
Қизиғи, мактуб билан марканинг нархи бир фунтдан қимматроқ эди.

Иккинчиси:
Мен факультетга қатнар эдим. Уйим билан факультет орасида бир аёл у-бу нарса сотар эди. Мен ундан 18 пенсга какао сотиб олар эдим.
Бир куни у ердан ўтаётсам дўконнинг бошқа токчасида айнан ўшандай какаонинг нархи 20 пенс ёзилган ҳолда турибди.
Мен таажжубланиб сўрадим:
- Нега биринчи токчада какаонинг нархи 18 пенс, иккинчи токчада эса 20 пенс?
У деди:
- Яқинда бизга какаони экспорт қиладиган давлат Нигерияда мушкулотлар юзага келиб нархлар кўтарилибди. Бу токчадаги кейин келган юкдан. Шунинг учун қиммат. Мана буниси эса олдингидан. Шунинг учун у арзон.
Мен:
- Ундай бўлса кишилар олдин арзонини олишади. У тугаса кейин қимматини олишади. Токи арзони тугамас экан қимматни ҳеч ким олмайди-ку, дедим.
У:
- Ҳа, буни биламан, деди.
Мен:
- Шундай экан, уларни аралаштириб арзонларини ҳам 20 пенсдан сотсангиз бўлмайдими? Буни ҳеч ким билмайди-ку!-дедим.
Шунда у қулоғимга:
- Сен қароқчимисан?-деди.

Унинг гапи ҳалигача қулоғим остида жаранглайди. Бу қанақа ахлоқ?! Биз қачон бунақа даражага кўтариламиз?!
@jahon_adabiyoti_kitoblari
#Arxivdan. 22.08.2020

@Shoniyozov_blogi Ochish/sharhlash

2022-11-15 19:53:25 АГАР АЛЛОҲГА БОШҚА ЭҲТИЁЖИНГИЗ БЎЛМАСА

Маҳмуд Ғазнавий Исломни ёйиш учун Ҳиндистонга 18 марта сафар қилган. Шу сафарларнинг бирида қўшин шиддатли қаршиликка дуч келди. Бу оғир ҳолдан қутулиш учун султон Аллоҳга шундай ниёз этди: “Эй роббим, сен ёрдам берувчисан, бизларга ёрдам бер. Агар ушбу жангда ғолиб чиқсам, қўлга киритган ўлжамнинг ҳаммасини фақирларга тарқатаман“.

Маҳмуд Ғазнавий бу жангда ғалаба қозониб, қўлга киритилган хазиналарни ғариб-мискинларга тарқата бошлабди. Лекин, султоннинг ёнидаги вазирлар бу ҳолдан хурсанд бўлмай, султонга:

— Султоним, нималар қиляпсиз? Шунча бойликни фақир-фуқарога тарқатиладими? Улар бунинг қийматини билармиди? Давлатнинг эса бу хазиналарга эҳтиёжи бор, — деб фикр билдирибдилар.

Султон Маҳмуд бу сўзларни тинглагач, иккиланиб қолиб, замона олимига бу ҳолни англатибди. Олим Маҳмуд Ғазнавийга бундай маслаҳат берибди:

— Султоним! Бу ерда иккиланадиган нарсанинг ўзи йўқ. Жуда оддий танлов олдида турибсиз. Агар Аллоҳга бошқа ишингиз тушмайдиган бўлса, марҳамат вазирларингиз айтганини қилиб, ўлжаларни хазинага жойланг. Агар Аллоҳга яна ишингиз тушадиган бўлса, сўзингиз устидан чиқиб, ўлжани фақирларга улашинг.

Ҳикмат: Қийинчилик дамларда берилган ваъдалар енгиллик дамларда унутилмаслиги лозим. Яна қийинчилик кунлар келмайди деб ҳеч ким кафолат бера олмайди.

«Ибратли ҳикоялар» китобидан.
@abd_061 Ochish/sharhlash

2022-11-15 17:36:01 In play list.
@Shoniyozov_blogi Ochish/sharhlash

2022-11-15 15:17:02 Sog'inch
Hech narsani o'ylamasdan ertalab bitta kitobni o'qishni boshlab, kechqurun tugatadigan davrlarimni sog'indim. O'sha paytda tuygan hissiyotlarimni hayotimdagi o'rni beqiyos... Qaniydi, yana jur'at topsaydim shunga...
@odam_jonining_dorixonasi Ochish/sharhlash

2022-11-15 10:18:40 "O'zbekchilik"
Adashmasam 3- yoki 4-sinfda o'qidirdik. (balki 5-6). Rus tili darsidan diktant yozyapmiz. O'qituvchimiz so'zlarni aytish asnosida "запятая" dedi. Bitta jo'ram xuddi shunaqa yozib qo'yibdi. O'qituvchi esa "запятая vergul degani" deb sal turib qo'shimcha qildi. Kimdir haligi bolani vergul belgisini emas, aynan запятая deb yozib qo'yganini ko'rib eshitilarli ovozda "anavi so'zni o'zini yozib qo'yibdi" dedi va biz bir sinf bo'lib adashgan bolani ustidan kuldik. Vaholanki aslida hech qaysimiz tarjimasini bilmasdik...
#sindirilishi_kerak_bolgan_steriotiplar turkumidan

@Shoniyozov_blogi Ochish/sharhlash

2022-11-14 19:58:01 #mulohaza

​​Она фарзандига деди:
- Таомингни еб тугатсанг, сени айлантириб келаман
Еб тугатгач онасига деди:
- Ойи, еб бўлдим. Энди борамизми айлангани?
Она:
- Кеч бўлиб қолди. Кўчада қўрқинчли одамлар болаларни еб қўяётган экан. Ҳозир чиқа олмаймиз.
Кўчадаги болаларнинг овозини эшитиб, маҳзун бўлганича термулиб қолди. Болалар эса ўйнашяпти ва уларни ҳеч ким еб қўймаяпти.
Ҳикоя давом этади..
Каттароқ бўлгач, мактабга борди.
Устоз:
- "Ким ўзини яхши тутса, ҳафта сўнгида уни ўзим билан экскурсияга олиб бораман" деб айтди.
Экскурсияга бориш учун биринчилардан бўлишга интилган болакай, ҳафта сўнгида устозидан сўрайди:
- Устоз, қачон экскурсияга борамиз?
Устоз жавоб берди:
- Қандай экскурсия ҳақида гапиряпсан?
Ҳикоя давом этади..
Уйда ота дарс қилиб ўтирган фарзандига деди:
- Агар имтиҳонларни яхши баҳоларга топширсанг, сенга ўзим зўр велосипед олиб бераман.
Ўқув йили ҳам тугади. Имтиҳонларни аъло баҳоларга топширган болакай отасидан:
- "Дада, қани менинг велосипедим?" деб беғубор кўзлари билан қараб сўрайди.
Ота деди:
- Қўй шу велосипедни, ҳалокатга учрагинг келаяптими?
Ҳикоя давом этди..
Болакай ёлғончи бўлиб вояга етди.
Яқинлари унинг ҳатти- ҳаракатларига қараб ҳайрон эмишлар:
- Бундай ҳунук ахлоқни кимдан ўрганди экан?

P/s: Afsuski jamiyatimizda yosh avlodni tarbiyalashda keskin xatolarga yo'l qo'yilgan holatlar ham bor, Ishonch bu eng buyuk his-tuyg'udir, zero unga qarshi illat bo'lgan ishonchsizlik tuyg'usini hech qachon o'zingizda namoyon bo'lishiga yo'l qo'ymang!

@jeffbezos_1
#Arxivdan. 02.06.2020

@Shoniyozov_blogi Ochish/sharhlash

2022-11-14 08:44:57 ​Ньютоннинг бошига ҳеч қандай олма тушмаган, уни француз ёзувчиси Вольтер шу тарзда оммалаштирган.

Телевизорда кўрган ёки оммавий пропаганда қилинаётган ҳар нарсага ишонаверманг, қаердадир Вольтер ижод қилмоқда.

@bektoshkhatamov

———

Ньютону не падало яблоко на голову, эту историю популяризировал французский писатель Вольтер.

Не доверяйте ко всему, что показывают по телевизору или любому материалу пропаганды, где-то Вольтер сидит и креативит.

@bektoshkhatamov Ochish/sharhlash

2022-11-13 23:01:14 Bugungi xulosa
Aniq fanlarni o'qigan yoki o'qiyotganlarning kamchiliklaridan biri istalgan fikrni fact checking qilishidir.
P.s. Lekin buni foydasi bilan zararini solishtirib ko'rganda albatta foydasi bir necha baravar ko'p. Lekin, menimcha me'yorni topgan ma'qulroq.

@Shoniyozov_blogi Ochish/sharhlash