SHERLAR

2023-04-12 16:54:55 Кел бугун рақсга тушайлик,

Сочлари жингалак малагим,
Бахтимиз келганда ушлайлик
Сен ногоҳ қалбимни ўғриси.
Кел бугун рақсга тушайлик.

Энг гўзал навони янгратиб,
Қийнамай юракни ингратиб,
Муҳаббат сўзини сайратиб,
Кел бугун рақсга тушайлик.

Соғинчим ортар ҳар онимда,
Бир боқсанг қувонар жоним-да
Ўтинчим доим бўл ёнимда,
Кел бугун рақсга тушайлик.

Бир умр кўлларинг қўймасдан.
Ҳуморим биз баҳтли яшайлик,
Бегона дилларни суймасдан,
Кел доим рақсга тушайлик

Вафонинг боғида кел бугун,
Севгимизга гуллар тўшайлик,
Жингалак сочларинг учириб,
Кел бугун рақсга тушайлик.

муаллиф: Дилфуза Саттарова


https://t.me/joinchat/AAAAADwROIl2Eg9zT1-n5Q



anba: @sherlar


        #like_boss Ochish/sharhlash

2023-04-11 14:33:14 «ЎЗИНГ КЕЧИР МЕНИ Ё ПАРВАРДИГОР»

Бир кун омонатим топширмоғим бор,
Бир кун тобутимни кутади мозор,
Менга ҳамрох, савоб, гунохлар бисёр,
Лек, сўроқ, саволга эмасман тайёр.
Ўзинг кечир мени, Ё Парвардигор!

                   Абдумуталиб Эргашалиев

Бу ёлғон дунёда кун-туним бедор,
Баъзан хақсизликдан бу кўнглим бемор,
Ноҳақлик йўлида топсам ҳам озор,
Нафасим бўғзимга бўлган вақти дор.
Ўзинг кечир мени, Ё Парвардигор!

                             Гулноза Жўраева

Сал йўлимдан толсам амалим қучиб,
Зардан ўз ўзимга манманлик бичиб,
Пул топиб дарров хой хавасга учиб,
Нафсимнинг қулига айлансам бе ор.
Ўзинг кечир мени Ё Парвардигор!

                   Абдумуталиб Эргашалиев

Саховат йўлидан юрмай қолсам гох,
Қабр сўроғидан бўлмасам огох,
Кибр кўнглим узра бўлганда гувох,
Йўлимдан адашсам ёрдамга тайёр,
Ўзинг кечир мени, Ё Парвардигор!

                            Гулноза Жўраева

Шукримдан устунроқ келса ношукрим,
Ибодат маҳали чалғиса фикрим,
Сен учун тилимда, камайса зикрим,
Бу қалбим кирланиб тўлганда ғубор.
Ўзинг кечир мени, Ё Парвардигор!

                  Абдумуталиб Эргашалиев

Дилим оқибатни унутиб қўйса,
Умрим нодонликни ҳазилга йўйса,
Нафсимнинг палласи оғирроқ келса,
Ризқингга қаноат қилмасам такрор.
Ўзинг кечир мени, Ё Парвардигор

                              Гулноза Жўраева

Бандаман олдингда фарзларим бисёр,
Узиб бўлмас қанча қарзларим бисёр,
Қиёматга қадар тортмасам хушёр,
Қошингга борсам гар, бўлиб гунохкор,
Ўзинг кечир мени, Ё Парвардигор!

                        Абдумуталиб Эргашалиев

Бир сиқим тупроқман, бир сиқим тупроқ,
Ёдимни банд айла, номингла кўпроқ,
Иймоним мен билан хамиша уйғоқ,
Жойнамоз устида бўлайин бедор.
Ўзинг кечир мени, Ё Парвардигор!

                                           Гулноза Жўраева



https://t.me/joinchat/AAAAADwROIl2Eg9zT1-n5Q



anba: @sherlar


        #like_boss Ochish/sharhlash

2023-04-11 10:26:12 Dunyo rivojlanmoqda

Zamon tezlashmoqda

Chet tillarga talab oshmoqda

Siz haliyam qozon tovog'-u bitmas tuganmas uy ishlari bn bandmisiz

Balki yetar, balki komfort zonadan chiqib, rivojlanadigan payt kelgandir

Unday bolsa bu taklif SIZ uchun

oliy toifali o'qituvchi ERGASHOVA ODINA bilan SIZ

PATTERN metodi orqali 4 oyda tezda  suhbat  qurish yo'llarini va grammatik qoidalarni o'rganasiz... 

Kurs narxi hamyonbop 150 ming so'm
Zoom platformasida haftada 3 marta bo'lib o'tadi.

UNUTMANG

Harajatsiz harakat ga teng

Murojat uchun : @Sho_Ya2122 Ochish/sharhlash

2023-04-10 18:47:17 Майли кетинг.
Майли кетинг,бу йўллардан олисга,
Майли кўнгил, биздан бўлсин ҳолисда.
Майли, ҳаёт сизни қилсин ораста.
Биздек ғариб юраклардан дил ҳаста.

Майли кетинг қўзимиздан нарига,
Ишқ боғида қўлни силтаб барига, Ҳасратимни кўмдим юрак қарига,
Улоқтирдим ёлғизликни жарига.

Майли бугун афсус бўлсин сўз бошим,
Майли бугун тугаб битсин бардошим.
Майли бир кун қайтиб келарсиз аммо,
Лек кечирмам гувоҳ қўзимда ёшим.

Майли кетинг ўзингиздан ҳақ ясаб,
Юраверинг содда кўнгилни алдаб.
Жим қоламан, ҳаттоки қилмам ғазаб,
Лек кечирмам,қўйсангиз ҳам тиғ қадаб.

Майли кетинг, ишқимизга ҳикоя,
Ёзиб қўйдим ман шундай ниҳоя.
Ўртамизда пайдо бўлди бир қоя,
Ундан ўтмоқ умр кетади зоя.

Сиз кетсангиз ҳувуллаган кўнгилга,
Бир умрга зулфин осиб қўяман.
Ҳеч бир кўзни назари тушмасин деб,
Бир чоғ қазиб, тупроқ босиб қуяман.

Сиз кетсангиз ғариб дилни ўкситиб,
Бир саҳифа ёлғон номалар битиб
Менчи ўша ғуруримни қучганча,
Кечирмайман ҳаттоки куним битиб.

Дилфуза Саттарова шеъри




        #like_boss Ochish/sharhlash

2023-04-10 14:33:33 "TAQDIR QO'LIDAGI YOLG'IZOYOQ YO'l"

SURAYYO XATAMOVA KANALIGA
HUSH KELIBSIZ Ochish/sharhlash

2023-04-09 16:35:44 .........

Бепарволигимда номалар битиб,
Ўз ҳолимга қўймадинг сира,
Энди ҳижрон дардини ютиб
Фақат сен деб қолганман қара.

Ўтар эди кунларим шодон,
Бедорликка йўлиқдим, қўйдим.
Мен телбадек, суратинг чизиб,
Кечалари ухламай қўйдим.

Тонгга қадар битиб номалар,
Сен хақингда шеърлар ёзяпман.
Ва ўзимча, ҳаёлларимда,
Яноғингга лабим босяпман.

Сенчи олов солиб юракка,
Ўзинг кетдинг ҳайр ҳўш демай.
Энди эса ошиқ юракка,
Давоси йўқ минг дори емай,.

Айт не қилай, нимлар қилай,
Унутмоқни иложиси йўқ.
Сени эса парвойинг фалак,
Юрагинг тешиб кетса ўқ.

Дилфуза Саттарова шеъри

https://t.me/joinchat/AAAAADwROIl2Eg9zT1-n5Q



anba: @sherlar


        #like_boss Ochish/sharhlash

2023-04-08 15:56:21 Shunchaki bir o’zga sayyoralikning shaxsiy blog-kanali

https://t.me/+LbyDlhLineMwY2Uy Ochish/sharhlash

2023-04-08 10:38:55 ...
Бу дунё аслида омонат,
Оҳири, тугаши, қиёмат.
Гар шундай экану биродар,
Ўйлайлик токий жон саломат.
Кўнгилга келганин қилмайлик,
Раҳмоннинг йўлига юрайлик.

Бир куни борар ер қабрда,
Нўноқмиз савобу, сабрда.
Вақтимиз ўтганга мастмизу,
Эртага оҳират жабрда.
Кўнгилга келганин қилмайлик,
Чин дунё сўровин ўйлайлик.

Унутиб жаҳаннам оловин,
Ўша тор қабрни сўровин.
Вақтимиз ўтганга маст бўлиб,
Олмайин нафсимиз жиловин.
Кўнгилга келганин қилмайлик,
Оҳират азобин ўйлайлик.

Кунлар ҳам ўтади елдайин,
Келганмиз, кетамиз селдайин.
Шайтонни макрига биз елиб,
Жаннатни ғамини емайин,
Кўнгилга кеганин қилмайлик,
Жаҳаннам азобин ўйлайлиқ.

Жасадинга жонинг ҳам омонат,
Яратган кун битиб оларкан.
Шукур қил ҳар неки Худодан,
Бу дунё ҳаммадан қоларкан.
Кўнгилга келганин қилмайлик,
Жаҳаннам азобин ўйлайлик.

Давлатим кўп дебон керилма,
Бу дунё молига берилма.
Ҳар ишни ажрини беради,
Савоблар қилишдан эринма.
Кўнгилга келганин қилмайлик,
Яхшилар дуосин олайлик.

Дилфуза Саттарова шеъри


        #like_boss Ochish/sharhlash

2023-04-07 15:58:48 Суюнбек Қўчқаров - Оввора бу жонимиз (Арвих)



https://t.me/joinchat/AAAAADwROIl2Eg9zT1-n5Q



anba: @sherlar


        #like_boss Ochish/sharhlash

2023-04-06 18:21:30 ОСМОН ҚАДАР КЎНГЛИ КЕНГ ИНСОН

(Дадам Абдиназаров. Э
хотирасига бағишланди)

Қаранг!  Елкасига ташлаб кетмонни,
Кўчадан бир инсон ўтиб боради.
Айбламай  ҳаётни ва бу замонни,
Дардини ичига ютиб боради .

     

Тонг саҳардан  ишлар қош қорайгунча,
Меҳнатин қадрини кутиб боради.
"Бир куни ҳосилин ейман" деб албат,
Сабрдан бир қадам ўтиб боради.

      

У ёғига тортса,  бу ёққа етмай,
Бу ёғига тортса,  у ёққа етмай,
Аламдан шайтоннинг йўлини тутмай.
Иймоннинг қўлидан тутиб боради.

     

Пешона тиришмас, фақат тер оқар,
Балки, қора меҳнат ўзига ёқар,
Оиласини ва ҳалқини боқар,
Оғир оғир юкни тортиб боради.

     

"Юртим тинч  бўлсин" деб дуолар қилиб,
Гоҳида ўксиниб, гоҳида кулиб,
Кўкси армонга,  гоҳ ғурурга тўлиб,
Ҳалол ош-овқатин тотиб боради.

     

Эй бутун дунёнинг бойлиги, бойи,
Битта шу инсонга тенглашолмайсиз,
Осмоннинг қуёши, нур сочган ойи,
Шу инсон кўксига ботиб боради.

     

Қаранг!  Елкасига ташлаб кетмонни,
Кўчадан бир инсон ўтиб боради ......

ДИЛДОРА АБДИНАЗАРОВА

 https://t.me/joinchat/AAAAADwROIl2Eg9zT1-n5Q



anba: @sherlar


        #like_boss Ochish/sharhlash