ЮРАГИМДА ҚОЛГАНИМ ЎЗИНГ Илк бор кўнглим олганим ўзинг, Қалбим | SHERLAR
ЮРАГИМДА ҚОЛГАНИМ ЎЗИНГ
Илк бор кўнглим олганим ўзинг,
Қалбимга ишқ солганим ўзинг.
Сўнг бир умр армоним бўлиб
Юрагимда қолганим ўзинг.
Келиб кетди яхши ёмонлар,
Неча неча қоши камонлар.
Ўтса ҳамки қанча замонлар,
Юрагимда қолганим ўзинг.
Ҳаёлимда кулгиси шўхсан,
Ҳижронлари куйдирар чўқсан.
Тақдир экан ёнимда йўқсан,
Юрагимда қолганим ўзинг.
Жавонимда ҳар ёзган хатим,
Сенинг билан тушган суратим.
Ёшликдаги илк муҳаббатим,
Юрагимда қолганим ўзинг.
Туйғуларим дилда яширин,
Ўтмишларим сен билан ширин.
Мангу сақлаб севгимиз сирин,
Юрагимда қолганим ўзинг.
Сен қалбимнинг зорисан, фироқ,
Дардларимга дорисан, йироқ...
Бегонанинг ёрисан бироқ,
Юрагимда қолганим ўзинг.
Ҳали ҳамон ёдимда кўзинг,
Жаранглар гоҳ ҳаёлда сўзинг...
Унутилмас армоним бўлиб,
Юрагимда қолганим ўзинг.
Одилбек Қодиров
https://t.me/joinchat/AAAAADwROIl2Eg9zT1-n5Q
anba: @sherlar
#like_boss
