#ПРЕМЬЕРА Сенсиз ярашмайди менга кулгулар... Юракка қаердан | SHERLAR
#ПРЕМЬЕРА
Сенсиз ярашмайди менга кулгулар...
Юракка қаердан келиб қолди ғам,
Кўнглим кўчасида сарсон туйғулар...
Атрофим шодликлар ўраб олса ҳам,
Сенсиз ярашмайди менга кулгулар...
Ахир қуёш сабаб порлайдику ой,
Ирмоқлар бўлмаса тўлмас эди сой,
Кетдинг қувончни ҳам бериб қўйдим бой,
Сенсиз ярашмайди менга кулгулар...
Ҳаловат керакдир бечора жонга,
Озорлар, армонлар қўшилди қонга,
Яна кўрсам эди сени бир онга,
Сенсиз ярашмайди менга кулгулар...
Чин қувонч нелигин билмас суратим,
Бирор сўз айтмоққа ожиз журатим,
Юзимда табассум, дод дер сийратим,
Сенсиз ярашмайди менга кулгулар...
Биз юрган жойларга ҳар кун бораман,
Соғинчга қалбимни қўшиб қораман,
Айтгин дардларимни кимга ёраман,
Сенсиз ярашмайди менга кулгулар...
Кетишлар ярашди сенга севгилим,
Бахтли бўл демоқдан ўтмади тилим,
Босган изларинга кўмилди дилим,
Сенсиз ярашмайди менга кулгулар...
Сенсиз ярашмайди менга кулгулар...
Муаллиф: Зоҳид Зиё...
https://t.me/joinchat/AAAAADwROIl2Eg9zT1-n5Q
anba: @sherlar
#like_boss
