*** Сенга ҳеч отмайман таъна тошларим, Кескин иддаолар қилиб | SHERLAR

***

Сенга ҳеч отмайман таъна тошларим,
Кескин иддаолар қилиб нетаман.
Сира кўрмагайсан кўзда ёшларим,
Дардим ичга ютиб кулиб ўтаман.

Шаънингга айтмайман ёмон сўзларим,
Қўрқма, қарғамайман Худога солиб.
Беркитиб кетаман ортда изларим,
Ҳаловат топмадим ёнингда қолиб.

Битта сўз, бир жумла, бир оғиз калом,
Айтарим қолмаган, қолгани видо.
Ҳар тонг йўлламайман оташин салом,
Бўғзимда тош қотди, аламли нидо.

Емирилиб битди сабр, ҳам тоқат,
Қолишдан маъно йўқ, маъқул кетишим.
Кечиргин, мен сенга тилайман фақат,
Бир умр афсусда ёниб ўтишинг.

Кечиргин..
Тилагим оғирроқ бўлса,
Афсус ортиғига эмассан лойиқ.
Агар кетсам юзинг қувончдан кулса,
Бу менга берганинг энг яхши тортиқ.

Дилобар Уролова



https://t.me/joinchat/AAAAADwROIl2Eg9zT1-n5Q

anba: @sherlar

#like_boss