2023-01-15 16:43:01
Онажонларнинг охирги сўзиБолам, эшит сенга айтар сўзимни,
Бу дунёдан юмар бўлсам кўзимни.
Ажал поймонаси олса ўзимни,
Излай-излай тополмассан изимни.
Онам кетди деб, кўзингни ёшлама,
Қаддинг букиб юрагингни ғашлама.
Қўйлар сўйиб қозонга ош дамлама,
Тирикликда ҳурмат қилгин ўзимни.
Сўнгра излаб тополмассан изимни.
Қандоқ қилай бирор ишни қилмасман,
Отанг солган иморатга сиғмасман.
Кеча-кундуз дуо қилиб йиғласам,
Миннат қилма, болам берган тузингни,
Сўнгра излаб тополмассан изимни.
Баҳор келса, бодом қайта гуллайди,
Ишон болам, онанг қайтиб келмайди.
Ҳаётликда қадрим ҳеч ким билмайди,
Ёшлатмагин беҳудага кўзимни.
Сўнгра излаб тополмассан изимни.
Иложим йўқ, вақтим етиб ўламан,
Ажал келса, бир лаҳза ҳам қолмайман.
Соғинсанг ҳам, яна қайтиб келмайман.
Сўнгра излаб тополмассан изимни.
Ўғил боқдим бир кунимга ярар деб,
Қиз ўстирдим хизматимни қилар деб,
Тун, кечалар ухламадим, болам деб.
Ғафлат босмай ҳушёр тутгин ўзингни,
Сўнгра излаб тополмассан изимни.
Етти, қирқлар қилиб, пулинг сарфлама,
Савоб қилдим онамга, деб ўйлама,
Қуръон ўқиб дуо қилгин ҳаққимга,
Руҳим келиб тунда йўқлар ўзингни.
Ғафлат уйқусидан очгил кўзингни,
Энди сира тополмассан ўзимни,
Совға қилдим, сенга ширин сўзимни.
@Islomiy
12.0K viewsUmidjon, 13:43
Y
