Бугун "Инсон" киностудияси директори Насрулла Сагдуллаев 65 ёшида бу ёруғ оламни тарк этди.
Маълумот учун, Насрулла Сагдуллаев 1974 йилда Бутуниттифок Давлат кинематография институтини битириб, "Ўзбекфильм" киностудиясида ўз меҳнат фаолиятини бошлаган. Иш фаолияти даврида у киноташкилотчи, иқтисод бўлими бошлиғи, картина директори ўринбосари, картина директори лавозимларида ишлади.
1990 йилдан - 2004 йилгача Насрулла Сагдуллаев "Инсон" киностудиясида директор муовини ва 2004 йилдан буён шу студиянинг директори лавозимида ишлаб келаётганди. Ундаги билим ва тажриба тўлиқ метражли фильмларга директор сифатида тайинланишига имкон берди.
Фильм ишлаб чиқариш, ташкилотчилик борасида Насрулла Сагдуллаев ўз касбининг етук мутахассиси бўлиб, кинода фидокорона фаолият кўрсатган. Шунингдек, Насрулла Сагдуллаев "Бомба", "Осмондаги болалар-1,2" сингари кўплаб фильмларнинг картина директори бўлган.
Марҳумнинг охирати обод бўлсин!
@Shaxlo_Temirova
