#Сўраган_эдингиз ОҒИЗ ҚУРИШИНИНГ ДАВОСИ БОРМИ? – Кунлар и | Халқ табобати

#Сўраган_эдингиз

ОҒИЗ ҚУРИШИНИНГ ДАВОСИ БОРМИ?

– Кунлар исиб қолди. Шундай пайтда мени оғзим қуриши безовта қилади. Бунинг олдини олиш мумкинми?
Бобур ЎТБОСАРОВ, Тошкент шаҳри

Мирзамир МИРЗАШАРИПОВ,
«Шифо-инфо» газетасинин г махсус доришуноси:

Оғиз қуриши тиббиётда ксеростомия деб аталади. Бу кўпинча катта ёшли кишиларда учрайди. Бунга айрим кишилар ўйлаганидек қандли диабет хасталигигина эмас, балки қон босими юқори бўлиши – гипертония, ревматоидли артрит, темир етишмовчилиги (анемия) ҳам сабаб бўлиши мумкин.

Оғиз қуриб қолишини даф қилиш учун биринчи навбатда кўпроқ суюқлик ичиш тавсия қилинади. Кун давомида газланмаган илиқ маъданли сувни бўлиб-бўлиб ичиш буюрилади.

Халқ тобабатидан тавсиялар Гиёҳлар асосида тайёрланган дамламалар ҳам ижобий самара беради.
Хусусан, мойчечак гуллари, зубтурум, ялпиз, наъматак, тирноқгул, кабилар шифо бўлади. Улар тенг миқдорда олиниб, обдан аралаштирилади. Сўнг чой сингари дамланиб, 30 мл.дан кунига 3-4 маҳал ичилади.
Картошканинг янги сиқиб олинган суви, олма, карам, апельсин кабиларнинг шираси қайнатилган сувда тенг миқдорда суюлтириб ичилса, наф беради.

@sharq_tabobati