2022-08-27 02:30:22
#Бугун_бомдод_ўқидингизми?
“Нима деб ўйлайсиз, Қадр кечасида қоим бўлиш афзалми ёки Рамазондан ташқари бошқа ойларда жамоат билан ўқилган бомдод намози афзалми?
Аллоҳнинг мезонида қайси бири оғирроқ? Қайси бирини ўтказиб юбориш иснонни кўпроқ маҳзун қилади? Қайси бирини ўтказиб юборганда Аллоҳ тарафидан кўпроқ маломатга учраймиз?
Эй биродарлар, ахир намозни Аллоҳ учун ўқимаймизми? Қадр кечасида соатлаб намозда тик туришимизнинг боиси Аллоҳ таолонинг розилигини топиш эмасми?
Фарз намозларини Аллоҳ бизлардан сўраган вақтда, У истаган маконда ва буюрган шаклда адо этиш билангина Унинг розилигига эришишимизни билсак, у ҳолда нима учун Аллоҳ таоло биринчи ўринга қўймаган нарсани биринчи ўринга чиқариб, У Зот биринчи ўринга қўйган нарсани ортга суриб қўйдик?
Бу билан асло Қадр кечасининг даражасини пасайтирмоқчи эмасмиз. Аллоҳ асрасин. Қадр кечаси йилнинг энг улуғ кечаси, минг ойдан кўра хайрлидир. Бироқ, нима бўлганда ҳам, у нафл ибодат ҳисобланади. Зинҳор фарз намоздан афзал бўла олмайди.
Қадр кечаси бўладиган куни шом ёки хуфтон намозини ўқимасдан кечани бедор ўтказсангиз, шу тўғри бўладими? Асло тўғри бўлмайди!
Пешин намози учун 20 ракат нафл намоз ўқиб, сўнгра пешин намозининг фарзини ўқимасангиз, тўғри бўладими?
Йил давомида душанба ва пайшанба кунлари рўза тутиб, Рамазон ойи келганда бирор узрсиз рўза тутмасангиз, бунинг бир фойдаси борми?
Агар мана шу саволларнинг барига “Йўқ” деб жавоб берилса, у ҳолда нима учун мусулмонлар бомдод намозини зое қилишга рози бўлишмоқда? Бомдод намози ҳам пешин ва аср намозлари, Рамазон рўзаси, закот каби фарз амал эмасми?
•┈•┈•┈•┈•❁✿❁•┈•┈•┈•┈•
@Shariatuz Ижтимоий тармоқларда бизни кузатинг:
Telegram | Facebook | Instagram | Youtube | TikTok
https://t.me/+Q0yKqSR1fmFjCyto
2.1K views23:30
S
