Ҳаёт ташвиши эҳ, эгиб қўйдими Каддингни толдайин букиб тўйдими | SevgiM YuragiMda❤️(rasmiy✔️)
Ҳаёт ташвиши эҳ, эгиб қўйдими
Каддингни толдайин букиб тўйдими
Нозик шу елкангни рўзғор ўйдими,
Бир кунлик ғамингни менга сот АЁЛ.
Билганим, энг гўзал фаришта эдинг,
Ҳар ишда саранжом, саришта эдинг,
Аёл бўлиб бироз, ташвишга етдинг,
Бир кунлик ғамингни, менга сот Аёл
Кел ўзим эслатай, ёшлик дамларни,
Пойингга тиз чўккан марду алпларни,
Ҳануз, унутмаган ўша қалбларни,
Бир кунлик ғамингни, менга сот АЁЛ.
Қалдирғоч қошингда ўсма тўқ эди,
Тиниқ гул юзингда ажин йўқ эди,
Эски суратлар оҳ, қўлингда энди,
Бир кунлик ғамингни, менга сот АЁЛ.
Ўша гўзал кунни ортда қолдириб,
Хаётга тик қараб, қадамлар босиб,
Кетаяпсан барин меҳрга олиб
Бир кунлик ғамингни менга сот АЁЛ.
Қайғули бир кунинг ўзимга олай
Гар қиммат бўлса ҳам майли сотволай,
Тортишма, шуни ҳам қўй, савдолашмай,
Кел шу бир кунингни менга сот АЁЛ
Ниҳол бўйинг асли, ҳарир ярашар,
Ажинли юз қош-чи, ўсма талашар,
Ойнага қара сен , кел бугун ёшар,
Бир кунлик ғамингни менга сот АЁЛ.
Ўзимни ғамларим бошимдан ортиқ,
Шунда хам қилай чин жонимни тортиқ,
Ахир сен аёлсан, ҳурлардан ортиқ,
Бир кунлик ғамингни менга сот АЁЛ!!!
Кел шу бир кунингни менга сот АЁЛ
Шалола
Kimga yuborishni bilasiz
Kanalga kiring
https://t.me/sevgim_yuragimda_kartinkalar
