Sayyida Zayniddinova

2022-08-10 11:03:39 Tibbiyotga topshirgan abituryentlar diqqatiga

Tez orada talabalar safiga qo’shilsangiz, bu post ayan siz uchun.

Boshqa o'qishlardan farq qilib tibbiyot - yangi o’quv yiliga ham ruhiy, ham moddiy jihatdan tayyorgarlik talab qiladi:

Xalat - yengi uzun, yoqasi klassik. Yoqasi sal boshqacha bo’lsa ham, “sizlar oshpaz emassizlar”, deb o’qish ma’muriyati bir gapirib o’tmasa, ko’ngli joyiga tushmaydi).

Oq kalpachok.
3 yil sabr qilsangiz, keyin o’zingiz istagan rangdagi va naqshdagisini olasiz.

O’quv qurollari.
Daftarlardan tashqari, albom, rangli qalamlar, markerlar olishni unutmang. Axir oldinda anatomiya va gistalogiya sizni kutyapti. Rasm chizishni eplolmasangiz kopirovka' ham yordam beradi. (Shifokor bo’lishdan tashqari rassom yoki buyuk kopirovka'chi bo’lib chiqamiz )

Eng asosiysi vahimaga tushmang, nimaga domlalar tushuntirmayapti deb. Oliy ta’limning vazifasi bizni mustaqil ta’lim olishga o’rgatish, deb biz ham o’zimizni ovutganmiz.

Yigitlar uchun albatta galstuk, aks holda nb’lar muborak bo’lsin.

Xirurgik kiyim (tabiiy matodan tayyorlanganligiga e’tiborli bo’ling, chunki ustidan xalat kiyganda terga botishingiz aniq.

Klinikada kiyish uchun maxsus oyoq kiyim.

Notebook yoki planshet olishga uydagalarni sekin-sekin ko’ndirib boring. Hozirgi zamonaviy telefonlar ularning vazifasini uddalay olsa-da, xarid qilmaguningizgacha domlalar tinch qo’ymaydi (ikki yoki nb bilan).

Kutubxona o’tgan asrlaring sarg’ayib ketgan kitoblarini beradi, kundan kunga rivojlanib borayotgan tibbiyotni zamonaviy ma’lumotlar bilan boyitilgan kitoblardan o’rganing. @medisbook dan ayni sizga kerakli kitoblarni topa olasiz.

Ryukzak'
Ha, ha sumkacha emas, ryukzak'. Chunki og’irlik yelkalarga teng taqsimlanadi va barcha buyumlaringiz sig'adi.

Qiyin soha tanladingizmi, demak maqsadga erishishdagi yo’l ham qiyin bo’ladi, shu bilan birga qarshingizdagi 6 yilda sizni ajoyib sarguzashtlar, yangi do’stlar kutmoqda.

Tibbiyotga, jamoamizga xush kelibsiz!

‣‣‣‣‣‣‣‣‣‣‣‣‣‣‣‣‣‣‣‣‣‣‣‣

Maslahatlar ro'yxatiga qanday qo'shimcha kiritgan bo'lar edingiz?

@sayyidazaynidinova Ochish/sharhlash

2022-07-04 09:21:51 Ehtimol, ularning ijobati Qiyomat kuni uchun zahiraga qoldirilgandir.

@sayyidazayniddinova Ochish/sharhlash

2022-06-26 10:15:57 Quyida rasmiy treyler ssilkasini qoldiraman, bu esa manga yoqqan kadrlar

rasmiy treyleri


Ochish/sharhlash

2022-06-26 10:15:57 3 oy ichida 3 marta kinoga bordim, lekin eng mazza qilganim oxirgisi bo'ldi.

Avvalgi ikkitasi “Marvel” kinolari haqiqatda zoʻr ishlangan, ammo uchinchisi — milliy mahsulot boshqacha emotsiya berdi.

“101-reys” nomli film, 2001-yilda 11-sentyabrda AQShʼdagi terroristlar hujumi voqealari, “Inson boʻlib qol, yo yashab qol” gʻoyasi asosida suratga olingan ushbu film uchuvchilar sharafiga olingan boʻlsa-da, turli sferadagi insonlar qamrab olingan. Jasorat, insoniylik, hamkasblar orasidagi nizolar, shifokorlar hayotida boʻladigan qiyinchiliklar yoritib berilgan.

Adrenalinga boy kino. 9/10
Yaxshi film vaqtni bekorga sarflash emas, balki kreativ fikrlashni oshirishga, tashqi muhitdan biroz bo'lsa-da chalg'ishga yordam beradi deb hisoblayman.

Yakshanba kuningizni maroqli oʻtqazishni xohlasangiz, tavsiya qilaman, fikrimcha, sizlarga ham yoqadi.

P.S.S. Juma kuni oʻqishimiz tomonidan ixtiyoriy-majburiy tarzda borgan edik, lekin eng yaxshi hordiqlardan biri boʻldi :)

Telegram | Instagram | Facebook Ochish/sharhlash

2022-06-25 19:12:54 Ota-bobolaring bilan faxrlanishni kamaytir. Koproq ularni farxli qilgan ishlar haqida bosh qotir. Shoyad sen ham iftixorli nom qoldirsang.

Omar Xalil

@umarhalil Ochish/sharhlash

2022-06-25 13:16:41 Atrofdagi do’stlar qurshovi shodon kunlarda tatiydi, og’ir kunlarda ko’proq onaning duosiga ehtiyoj sezarkan kishi.

Onalarimiz baxtimizga sog’ bo’lishsin

Telegram | Instagram | Facebook Ochish/sharhlash

2022-06-22 21:18:34 Kecha instagramga joylagan edim.
Lekin tg blogimdagilarni ko’proq yaxshi ko’raman. Shunichun bu yerga ham joylagim keldi :)

Telegram | Instagram | Facebook Ochish/sharhlash

2022-06-14 15:29:18 IQ irsiyatga bogʻliqmi yoki hayot davomida shakllanadi?

Intellektning 60 %i irsiylanadi, qolgani hayot davomida bilim olish, tarbiya natijasida shakllanadi.

Uning irsiylanishi 52 ta genga bogʻliq boʻlib, aksariyati (fikrlash, xotira, nutq, idrok kabi kognitiv funksiyalar) onadan oʻtishi bir qancha tajribalarda isbotlangan.

Shu mavzuga aloqador boʻlgan real voqea bir paytlar eshitgan edim.

Nobel mukofoti laurenti Anatol Frans va Angliyalik sohibjamol ayol Aysedor Dunkan oʻrasidagi suhbatdan:

Dunkan xonim: “Sizda ulkan aql, menda esa goʻzallik bor, ajoyib farzand koʻrish bizning insoniyat oldidagi burchimizdir.”

Anatol Frans: “Dunkan xonim, sizning goʻzalligingizni-yu, oʻzimning aqlimni tan olaman, ammo bola mening tanam, sizning aqlingiz bilan tugʻilishi mumkin. Shu sababli taklifingizni rad qilaman.”

Keyinchalik asl qahramonlar nomi oʻzgarib A.Eynshteyn bilan baletdagi qiz, Artur Miller bilan Merilin Monro kabi versiyalari mashhur boʻlgan.

Bizning xalqimizda Ibn Sino, al-Buxoriy, al-Xorazmiylarning onalaridan o’tgan noyob genlar juda ko’p, faqat shakllantirish qoldi :)

@sayyidazayniddinova Ochish/sharhlash

2022-06-12 11:58:17 “Biror insonga foydang tegmasa, hech boʻlmasa zararing ham tegmasin”

Yuqoridagi fikr oʻtgan asr uchun toʻgʻri edi, lekin hozir kimgadir foydang tegmasa, demak, zarar keltirayotgan ekansan!

Kimdir manga aytgandi: “Bir-birimizga qila oladigan foydamiz — oʻzimizni rivojlantirishimiz.“

Jamiyatning har bir aʼzosi rivojlansagina jamiyatning oʻzi rivojlanadi, hammasi o'zimizdan boshlanadi.

@sayyidazayniddinova Ochish/sharhlash

2022-06-10 21:59:39 Bu emojini tashlaganimga sabab kichkinagina auditoriyam bilan samimiy bo’lgim keldi.

Ijtimoiy tarmoqda hamma hayotini go’zal ko’rsatadi. Obunachilarning ayrimlari esa “Vay bu mazza qilib yashayapti, nega mani hayotimda qiyinchiliklar bo’lishi kerak”-deb o’ylab qoladi. Lekin tushkun kayfiyat, muvaffaqiyatsizlik, oilaviy muammolar hammamizning boshimizda bor.

P.S. Lekin commentlardan ma’lum bo’ldiki, ko’pchilik hayron qoldi. Ularni tushunaman, chunki mani deyarli xafa holatda ko’rishmagan. Ochish/sharhlash