ZIKR AHLIDAN SO'RANG... NORASMIY!

2021-04-12 07:46:33 Ramazon keldi!
Muallif @AbrorMuxtorAliy

T.me/savollar_islom_uz Ochish/sharhlash

2020-12-22 20:45:19 Бошингга ҳар бало келса,
Ҳато босган изингдан кўр.

Агар ўғлинг ёмон бўлса,
Ҳаром берган тузингдан кўр.

Аҳлингга ким назар солса,
Қиё боққан кўзингдан кўр.

Кўп мусибатлар ёзилганда,
Бошқаданмас ўзингдан кўр.

https://t.me/savollar.islom.uz Ochish/sharhlash

2020-10-13 15:40:07 Таомни пуфлаш

Ассаламу алайкум! Таомни пуфлаб ичишни макруҳ деб эшитган эдим. Шу гап тўғрими? Шу ҳақда тўлиқрок маьлумот берсангиз? Росулуллоҳ соллаллоҳу алайҳи васалламдан ҳадис ворид бўлганми? Саволим ўринсиз бўлган бўлса олдинда узр сўрайман! Жавоб учун олдиндан раҳмат!

«Зикр аҳлидан сўранг» ҳайъати:

Ва алайкум ассалом!

http://savollar.islom.uz/savol-12941/

عَنْ أَبِي سَعِيدٍ رَضِي اللهُ عَنْهُ: أَنَّ النَّبِيَّ صَلَي الله عَلَيْهِ وَسَلَّم نَهَى عَنِ النَّفْخِ فِي الشَّرَابِ، فَقَالَ رَجُلٌ: الْقَذَاةُ أَرَاهَا فِي الْإِنَاءِ، قَالَ: أَهْرِقْهَا، قَالَ: فَإِنِّي لَا أَرْوَى مِنْ نَفَسٍ وَاحِدٍ؟ قَالَ: فَأَبِنِ الْقَدَحَ إِذَنْ عَنْ فِيكَ. رَوَاهُ التِّرْمِذِيُّ وَأَبُو دَاوُدَ.


Абу Саъийд розияллоҳу анҳудан ривоят қилинади:
«Набий соллаллоҳу алайҳи васаллам ичимликка пуфлашдан қайтардилар. Бас, бир киши:
«Идишга тушиб қолган нарсани кўрсам-чи?» деди.
«Олиб ташла», дедилар у зот.
«Мен бир нафасда ича олмайман», деди.
«Ундай бўлса, қадаҳни оғзингдан узоқлаштир», дедилар».
Термизий ва Абу Довуд ривоят қилганлар.
Шарҳ: Ушбу ҳадиси шарифдан Пайғамбар соллаллоҳу алайҳи васалламнинг таомланиш маданиятини қанчалик меҳнат билан жорий қилганларининг ёрқин намунасини кўриб турибмиз. Ҳар бир нарсани айтиб, тушунтириш, турли саволларга чидам билан жавоб бериш лозим бўлган экан. Аввал у зот саҳобаларга ичиш одобларидан бирини баён қилмоқдалар:
«Набий соллаллоҳу алайҳи васаллам ичимликка пуфлашдан қайтардилар».
Аммо ҳамма ҳам бу қайтаришни эшитиши билан «Бундай қилмаслигимиз керак экан», деб кетавермади.
Бас, бир киши:
«Идишга тушиб қолган нарсани кўрсам-чи?» деди».
Яъни, **«Сиз идиш ичига пуфламанглар деяпсиз. Аммо бир ичимликни ичмоқчи бўлиб, оғзимга олиб борсам, идишда – ичимлик устида бир нарса турган бўлса, пуфлаб юбориш керак бўлади-ку?»**
Бу саволга жавобан:
«Олиб ташла», дедилар у зот».
Яъни «Ўша нарсани ҳам пуфлама, балки олиб ташла». Сўровчида яна бошқа савол пайдо бўлди ва у ўша саволни ҳам берди:
«Мен бир нафасда ича олмайман», деди.
Яъни, **«Мен идишдаги ичимликни бир нафас билан охиригача ичиб, битира олмайман. Орада нафас олишим керак бўлади. Орада нафас олсам, идиш ичига пуфлашим керак бўлади. Бунга нима дейсиз?»**
Пайғамбар соллаллоҳу алайҳи васаллам бу масалани ҳам сабр билан ҳал қилдилар:
«Ундай бўлса, қадаҳни оғзингдан узоқлаштир», дедилар».
Яъни, **«Нафасинг етмай қолганда идишни оғзингдан узоқлаштириб, нафасингни ростлаб олиб, кейин ичишда давом этсанг, идиш ичига пуфлаш содир бўлмайди».**
Одамнинг оғзидан чиқадиган нафасда турли кўзга кўринмас зарарли нарсалар, қўланса ҳид ва бошқалар бўлиши ҳозирги пайтда ҳаммага маълум бўлиб қолди.

عَنْ أَبِي قَتَادَةَ رَضِي اللهُ عَنْهُ، عَنِ النَّبِيِّ صَلَي الله عَلَيْهِ وَسَلَّم قَالَ: إِذَا شَرِبَ أَحَدُكُمْ فَلَا يَتَنَفَّسْ فِي الْإِنَاءِ


Абу Қатода розияллоҳу анҳудан ривоят қилинади:
«Набий соллаллоҳу алайҳи васаллам:
«Қачон бирортангиз ичса, идиш ичига нафас олмасин», дедилар».
Шарҳ: Ичимлик ичаётган одам нафас олмоқчи бўлса, ичишдан тўхтаб, идишни оғзидан узоқлаштириб туриб, нафас олади. Сўнгра яна ичишни давом эттиради. ("Ҳадис ва Ҳаёт" китобидан). Валлоҳу аълам.

http://T.me/savollar_islom_uz Ochish/sharhlash

2020-10-13 06:13:23 Социал тармоқларда рухсатсиз гуруҳга қўшиш



Ассалому алайкум! Устозлар, Социал тармоқларда эгасини рухсатсиз гуруҳларга қўшиш кўпайиб бормоқда. Бунинг ҳукми қандай?

«Зикр аҳлидан сўранг» ҳайъати:

- Ва алайкум ассалом! Рухсатсиз бўлса шаръан жоиз эмас. Валлоҳу аълам!

http://T.me/savollar_islom_uz Ochish/sharhlash

2020-10-09 09:28:00 Бораман

Чорлаганда Яратган Эгам,
Омонатни олиб бораман.
Нима ёзган бўлса ҳам қалам,
Рози бўлиб, ўқиб бораман.

Ҳафа бўлманг боғим баҳорим,
Кўнглимга нур берган чироғим.
Меҳри қайнаб турган булоғим,
Сиздан узоқ кетиб бораман.

Тиз чўкканча тақдир пойига,
Қисмат кутиб турган жойига,
Шошилганча онам ёнига,
Қанот қоқиб, учиб бораман.

Нажот кутиб, ёлғиз зиёдан,
Безор бўлдим, кайфу сафодан,
Бу бевафо ёлғон дунёдан,
Маҳшар томон, кечиб бораман.

Тушларимда товланар мармар
Атрофимда ганжу, зебу-зар,
Ёқутми ё, сочилган гавҳар,
Билмай, маржон териб бораман.

Аъмолимни ўйлайман, ҳамон,
Ўнг томонми ёки чап томон?
Қандай ҳукм қилар, деб, Ҳоқон?
Гоҳ йиғлаб, гоҳ, кулиб бораман.

Тоҳир Бек
http://T.me/savollar_islom_uz Ochish/sharhlash

2020-06-08 18:56:23 Ризқни кенгроқ қилиш хақида



Ассалому алайкум! Оиламизда пул масаласида муаммолар бўлиб туради, яъни етишмовчилик. Ризқимиз кенгроқ ва барака бўлиши учун қайси оятларни ва дуоларни ўқиб юришимиз керак? 


– Ва алайкум ассалом! Кунида имкон қилсангиз беш ёки ўн минг бор истиғфор айтинг. Оила аъзоларингизни ҳаммаси айтишса янада яхши. Бир ҳафта ёки ўн кун айтдикку бўлмаяпти деб туриб олманг. Астағфируллооҳа роббии мин кулли занбин ва атуубу илайҳ деб дуо қилиш керак. Бу оят эмас, лекин қуйидаги оят асосида айтилган. Аллоҳ таоло **"Нуҳ"** сурасида марҳамат қилади: 

فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا۝ 

10. «Роббингиздан мағфират сўранг, албатта, У кўплаб мағфират қилувчидир», – дедим».
«Истиғфор»нинг луғавий маъноси «мағфиратни (гуноҳнинг кечирилишини) сўраш»дир. Амалда банда тилида «астағфируллоҳ» ва шу маънодаги калималарни айтиб, дил билан тасдиқлашидир. Умумий маънода эса истиғфор диндорликни ифода этади. Агар бу оятга амал қилсангиз...

 يُرْسِلِ السَّمَاء عَلَيْكُم مِّدْرَارًا۝ وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا۝

11. «Шунда устингизга ёмғирни мўл кўл қилиб юборадир.
12. Ва сизга молу мулк ва бола-чақа ила мадад берадир ва сизларга боғу роғлар қилиб берур ҳамда анҳорлар қилиб берадир.
Буюк ватандошимиз имом Абул Баракот Насафий ўзларининг «Мадорик» номли машҳур тафсирларида ушбу ояти карима тафсирига қуйидаги қиссани келтирадилар:
Ҳазрати имом Ҳасан Басрий ўз даврларида бир гуруҳ кишилар билан суҳбатлашиб ўтирганларида, бир одам келиб, қурғоқчиликдан шикоят қилибди. Ҳазрати имом Ҳасан Басрий: «Истиғфор айтинглар», – дея маслаҳат берибдилар. Иккинчиси келиб, камбағалликдан, учинчиси фарзандсизликдан ва ҳоказо шикоятлар қилибдилар ва барчаларига «Истиғфор айтинглар», деган маслаҳатни айтибдилар. Шунда суҳбатдошлардан Робийъ ибн Субайҳ ҳазрати Ҳасан Басрийга мурожаат қилиб: «Эй Имом, сизга турли кишилар турли нарсалардан шикоят қилдилар, сиз эса ҳаммаларига бир хил жавоб бердингиз, бунинг боиси недур?» – дебди. Ҳазрати Имом бу саволнинг жавобига юқорида келтирилган оятларни ўқиб берибдилар.
Мазкур оятда истиғфор билан ризқ бир-бирига боғлиқлигига ишора қилинмоқда. Қуръони Каримнинг кўпгина оятларида қалб поклиги, диндорлик ва ҳидоятда юришдан ризқнинг мўллиги, фаровонлик ва серобчилик келиб чиқиши таъкидланган. Жумладан, «Аъроф» сурасининг 96-оятида: «Агар шаҳар-қишлоқ аҳли иймон келтирганларида ва тақво қилганларида эди, албатта, уларга осмону ердан баракотларни очиб қўяр эдик. Лекин улар ёлғонга чиқардилар, бас, уларни касб қилган нарсалари туфайли тутдик», – дейилади. Шунга ўхшаш оятлар «Моида», «Ҳуд» ва бошқа сураларда ҳам бор.
Демакки, қайси халқ Аллоҳ таолодан қўрқса, яхши амалларни қилса, адолат ва омонликни жорий қилса, Аллоҳ таоло у халқни ер юзида пешқадам қилиб қўяди. У халқ фаровонлик, тараққиёт ва бахтли ҳаётга эришади.
Гоҳида Аллоҳдан қўрқмайдиган, иймонсиз халқлар ҳам фаровонликка етишиши мумкин, лекин бу синов учун бўлади. Кейинроқ ҳақиқий ҳолат зоҳир бўлиб, кўзга кўриниб турган фаравонлик ортидаги муаммолар ошкор бўла бошлайди. Бу Аллоҳ таолонинг Ўзидан қайтган, бандаларига юборган азобининг бошланиши бўлади. ("Тафсири Ҳилол" китобидан). Валлоҳу аълам!

T.me/savollar_islom_uz

Yaqinlaringizga yuborin Ochish/sharhlash

2020-05-21 02:23:20 Mavzu:

Homilador ayol namozni qanday o‘qiydi?

Savol:

Assalomu alaykum. Men ikkinchi farzandimga homiladorman. Besh vaqt namozni o‘z vaqtida o‘qishga harakat qilyapman. “Endi to‘xtatib turgin. Namozda o‘tirib-turganingda homilaga zarar bo‘lishi mumkin”, deyishyapti. Aytingchi, homiladorlarga namoz o‘qish hukmi qanday? Men namozni tark qilishni ham, homilamga zarar yetishini ham istamayman! Javobingizni kutaman!


Javob:

Va alaykum assalom. Musulmon banda besh vaqt farz namozlarining biron rak’atini uzrsiz qoldirishi juda katta gunohdir. Farz namozlarini vaqtida ado qilish kerak. Shariatda uzrlilarga yengillik bor.

 

عَنْ عِمْرَانَ بْنِ حُصَيْنٍ رَضِيَ اللَّهُ عَنْهُ قَالَ: كَانَتْ بِي بَوَاسِيرُ فَسَأَلْتُ النَّبِيَّ صَلَّى اللَّهُ عَلَيْهِ وَسَلَّمَ عَنْ الصَّلاةِ فَقَالَ: صَلِّ قَائِمًا فَإِنْ لَمْ تَسْتَطِعْ فَقَاعِدًا فَإِنْ لَمْ تَسْتَطِعْ فَعَلَى جَنْبٍ. رَوَاهُ الْبُخَارِيُّ وَأَبُو دَاوُدَ وَالتِّرْمِذِيُّ.

Imron ibn Husoyn roziyallohu anhudan rivoyat qilinadi:  “Menda bavosir kasalligi bor edi. Bas, Nabiy sollallohu alayhi va sallamdan namoz haqida so‘raganimda, u zot: “Tik turib namoz o‘qi. Agar qodir bo‘lmasang, o‘tirib, (bunga ham) qodir bo‘lmasang, bas, yonboshlab (o‘qi)”, dedilar”  (Buxoriy, Abu Dovud va Termiziy rivoyati).

Homilador ayol farz namozlarini imkon qadar tik turib o‘qiydi. Agar tik turib o‘qishga qodir bo‘lmasa, u holda o‘tirib o‘qiydi. Homiladorlik namozni tark etishga sabab bo‘lolmaydi.

Agar homilador ayol tik turib namoz o‘qishga qodir bo‘lsa, o‘tirib ibodat qilishi joiz emas. Agar musulmon, adolatli va dinu diyonatli tabiba turib namoz o‘qish homiladorning o‘ziga yoki homilasiga zarar yetkazishi mumkinligini aytsa, u holda o‘tirib namoz o‘qiydi. Namozni butkul tark etishga chaqiradigan odamlar gapiga quloq solinmaydi.

Agar u ruku’ va sajda qilishga qodir bo‘lmasa, imo-ishora bilan namoz o‘qiydi. Sajdani rukudan pastroq qiladi. Vallohu a’lam!

Manbaa: muxlis.uz

T.me/savollar_islom_uz Ochish/sharhlash

2020-05-15 13:27:22 Ochish/sharhlash

2020-05-10 15:00:09 Эслатма

Саҳарлик пайтида керагидан ортиқ сув ичиш кундузи сизни чанқоқликдан қутқариб қолмайди. Барака топкур, бундай хусусият фақат туяларда бўлади.

T.me/savollar_islom_uz Ochish/sharhlash

2020-05-10 14:50:00 Qanday kitob o’qiyotganingni aytsang, sening kimligingni aytib beraman.
M͟a͟k͟s͟i͟m͟ G͟o͟r͟k͟i͟y͟

𝙷𝚊𝚢𝚒𝚝 𝚋𝚊𝚢𝚛𝚊𝚖𝚒𝚐𝚊 𝚜𝚘𝚟𝚐'𝚊 𝚔𝚎𝚛𝚊𝚔𝚖𝚒?
𝙺𝚒𝚝𝚘𝚋 𝚟𝚊 𝚔𝚒𝚝𝚘𝚋 𝚒𝚍𝚒𝚜𝚑𝚒 𝚢𝚊𝚡𝚜𝚑𝚒 𝚜𝚘𝚟𝚐'𝚊 𝚋𝚘'𝚕𝚊 𝚘𝚕𝚊𝚍𝚒

Bizning kanal
@lazernaya_rezka Ochish/sharhlash