SamTVR | MTRK

2022-08-31 19:16:13 "Албатта, бундай кенг кўламли вазифаларни амалга оширишда олдимизда турли қийинчилик ва муаммолар пайдо бўлиши табиий ҳол. Лекин ўз тарихида қанча-қанча синов ва машаққатларни бошидан кечирган мард ва матонатли халқимиз ҳар қандай қийинчиликни енгиб ўтишга қодир. Мен бунга қатъий ишонаман.

Асосий муаллифи ва ижодкори халқимиз бўлган – янгиланаётган Конституциямиз бу йўлда мустаҳкам ҳуқуқий асос бўлиб хизмат қилади.

Асосий қонунимизни шошилмасдан, чуқур ўйлаб, халқимиз билан маслаҳат қилиб, фақат умумхалқ референдуми асосида қабул қиламиз.

Ишончим комил, Янги Конституциямиз чинакам халқ Қомуси, чинакам халқ Конституцияси бўлади", деди Президент.

Facebook|Instagram|Twitter Ochish/sharhlash

2022-08-31 19:16:13 Президент ушбу юксак марраларга эришиш учун 2026 йилгача Тараққиёт стратегияси доирасида 5 та асосий вазифани белгилаб берди.

Биринчи - таълим соҳасида фарзандларимиз замонавий билим ва кўникмаларни пухта эгаллашлари учун энг қулай шароитлар яратиш изчил давом эттирилади. Бунинг учун мактабларнинг ўқув дастурлари, ўқитиш услуби, дарсликлар мазмуни тубдан қайта кўриб чиқилади.

Иккинчи - ҳар қандай баҳсли масалага адолатли ечим фақат одил суд томонидан топилиши керак. Судьялар ишига ҳар қандай аралашув кескин жазоланади, уларнинг хавотирсиз ишлаши учун барча зарур шароитлар яратилади.

Учинчи - бизнесни ривожлантириш орқали қўшимча иш ўринлари яратилади, камбағаллик қисқаради, аҳоли даромадлари кўпаяди. Бунинг учун хусусий мулк ва тадбиркорликка халақит бераётган барча тўсиқлар бартараф этилади. Давлат бошқаруви ислоҳ қилиниб, иқтисодиётда давлат иштироки кескин камайтирилади.

Тўртинчи - соғлиқни сақлаш тизимида аҳолига янада сифатли ва малакали тиббий хизматлардан фойдаланиш имкониятини кенгайтирилади. Барча ҳудудларда шошилинч тиббий ёрдам қамрови оширилиб, одамларга янада яқинлаштирилади.

Бешинчи - аҳолини тоза ичимлик суви билан таъминлаш масаласи доимо диққат марказида бўлади. Соҳага жалб қилинаётган инвестициялар ҳажми кескин кўпайтирилади.

Facebook|Instagram|Twitter Ochish/sharhlash

2022-08-31 19:16:12 Давлатимиз раҳбари бугун Янги Ўзбекистон тараққиёт стратегияси жадал амалга ошираётганини таъкидлади.

"Янги Ўзбекистон:

– ҳар бир фуқаронинг ҳаётини янада яхшилаш мақсадида давлат хизматларидан фойдаланиш учун кенг имкониятлар берадиган;

– одамлар ўз муаммолари ҳақида очиқ гапириши ва уларнинг ечими учун биргаликда ҳаракат қилишларига барча шароитлар мавжуд бўлган;

– ҳамма учун адолатни сўзсиз таъминлаш имкониятини берадиган ҳамда фуқаролари ижтимоий мавқеидан қатъи назар, қонун олдида тенг бўлган;

– тадбиркорликнинг ривожланиши учун зарур шароитлар яратилган давлатдир.

Бир сўз билан айтганда, Янги Ўзбекистон деганда, ҳар бир фуқароси учун ғамхўрлик қиладиган, очиқ ва адолатли жамият ҳам тушунилади”, деди Президент.

Facebook|Instagram|Twitter Ochish/sharhlash

2022-08-31 19:16:12 Президент Шавкат Мирзиёев Ўзбекистон Республикаси давлат мустақиллигининг ўттиз бир йиллигига бағишланган тантанали маросимда нутқ сўзламоқда

Давлатимиз раҳбар сўзининг аввалида бутун халқимизни улуғ айём – Мустақиллик куни билан табриклади.

"Орадан йиллар, асрлар ўтади. Лекин миллий давлатчилигимизни, ўзлигимиз ва инсоний ҳақ-ҳуқуқларимизни тиклаб берган, барча ютуқ ва марраларимизнинг замини бўлган Мустақиллик куни биз учун, келгуси авлодларимиз учун доимо энг улуғ, энг азиз байрам бўлиб қолади", деди Президент.

Facebook|Instagram|Twitter Ochish/sharhlash

2022-08-31 19:11:32 Самарқандда Мустақиллигимизнинг 31 йиллигига бағишланган байрам тадбири ўтказилди

Самарқанд шаҳридаги “Мўъжиза” амфитеатрида Ўзбекистон Республикаси давлат мустақиллигининг 31 йиллиги муносабати билан тантанали тадбир ташкил этилди.

https://zarnews.uz/7yn

Каналга қўшилинг:

Telegram | Facebook | Youtube Ochish/sharhlash

2022-08-30 10:17:31 Yangi tahrirdagi “Reklama to‘g‘risida”gi Qonun 9-sentabrdan kuchga kiradi

Samarqand viloyati hokimining ma’naviy-ma’rifiy ishlar samaradorligini oshirish, davlat tili to‘g‘risidagi qonun hujjatlariga rioya etilishini ta’minlash masalalari bo‘yicha maslahatchisi Sherali Temirovning tadbirkorlarga murojaati Ochish/sharhlash

2022-08-30 08:52:05 ​​“Yosh huquqshunos” tanlovining respublika bosqichi yakunlandi

Yoshlarning huquqiy ongi va huquqiy madaniyatini yanada oshirish, yoshlar o'rtasida sog'lom raqobatni yanada shakllantirish yoshlar erishayotgan natijalarni targ'ib qilish va qo‘llab-quvvatlash maqsadida tashkil etilgan “Yosh huquqshunos” tanlovining yakuniy bosqichiga Surxondaryo viloyati mezbonlik qildi.

Yakuniy natijalarga ko‘ra, 7-13 yosh toifasida Urgut tumanidagi “Yangiobod” mahallasida yashovchi Shahrizoda G'aybullayeva, 14-18 yosh toifasi ushbu mahallaning yana bir yoshi Laylo Samadova hamda 18-30 yosh toifasida Ishtixon tumanidagi “Do‘stlik” mahallasida yashovchi Munisa Abdug‘aniyeva yakuniy bosqichda munosib ishtirok etib faxrli ikkinchi o‘rinni qo‘lga kiritdi.

Ushbu g‘alaba bilan, ularning ota-onalari, mahalladoshlari va ustozlarini samimiy tabriklaymiz! Ochish/sharhlash

2022-08-30 08:51:13 Айни пайтда Халқ депутатлари Нуробод туман Кенгашининг эллик еттинчи сессияси бўлиб ўтмоқда.

Сессияни туман ҳокимлигининг Facebook ижтимоий тармоғидаги саҳифаси орқали тўғридан-тўғри жонли эфирда кузатиб боришингиз мумкин бўлади: https://fb.watch/fdmvYX9nOh/ Ochish/sharhlash

2022-08-30 07:15:15 "Зарафшон" газетасининг 2022 йил 30 август кунги сони мутолаа учун ҳавола қилинмоқда.
Бугунги сонда:

- 31 йиллик шодиёнага 31 янги бино;

- "Темир дафтар"дан оилавий тадбиркорликка;

- Йўллар ҳаракат қатнашчилари учун хавфсизми?;

- Имом Бухорий мажмуаси маънавият ва илм маскани бўлади.

Шунингдек, унда “Зарафшон” мухбирлари тайёрлаган янгиликлар, жамиятда учраётган иллатлар ҳақидаги мақолалар чоп этилган.

Газетадаги мақолаларни zarnews.uz сайти ва ижтимоий тармоқлардаги саҳифаларимизда ҳам ўқиш, видеолавҳаларни томоша қилиш мумкин. Ochish/sharhlash

2022-08-30 05:27:00 ​​ОИЛА – ТАРБИЯ ЎЧОҒИ...

Муҳтарама аёллар, оиламда эрим бой деб қувонганидан кўра, шу ёшимда эрим бор, деб қувонган афзал.

Оиласини қадрлайдиганлар, Ватанни ҳам қадрлайди. Тинч Ватанда хотиржам яшашга нима етсин.

Оила жамиятнинг бир бўлаги. Ундаги етишиб чиққан фарзандлар ёмон бўлса жамиятга юк, уни бузиши ҳам мумкин. Агар у фозил бўлса жамиятнинг, миллатнинг бахти.

Оила – тарбия ўчоғи. Болалар оилада қандай тарбия топган бўлса, нимага қарата тарбияланган бўлса, жамиятга фойдаси шу йўналишда тегади.

Болалар тарбияси оиладан бошланади. Оқибатини ҳам , яъни яхши ёки ёмонлигини шу оила кўради.

Оилани – муқаддас қўрғон, чунки у Аллоҳ инояти билан барпо бўлади. Уни асрашга эр ҳам, аёл ҳам масъул. Бу масъуллик бир-бирини тўғри тушунишда намоён бўлади.

Мамаюнус Пардаев ҳикматларидан
┈•┈•❁✿❁•┈•┈ Ochish/sharhlash