Муносабат: Қазиш ишлари олиб борилган кўчалар қайта таъмирлана | SAMARQAND SHAHAR HOKIMLIGI / САМАРҚАНД ШАҲАР ҲОКИМЛИГИ

Муносабат: Қазиш ишлари олиб борилган кўчалар қайта таъмирланади

Кеча "YURTIMIZDA" телеграм каналида "ТОЗА ИЧИМЛИК СУВ ҚУВУРИ ЁРИЛАДИ, АСФАЛЬТ ҚОПЛАМАСИ БУЗИЛАДИ, ЛЕКИН ҚАЙТА ТАЪМИРЛАНМАЙДИ" сарлавҳали хабар эълон қилинди.

Унда кейинги пайтларда шаҳар кўчаларида асфальт қопламасининг бузилганлиги, лекин қайта таъмирланмаётгани кескин танқид қилинган.

Мазкур ҳолат бўйича шуни маълум қиламизки, "Самарқанд сув таъминоти" МЧЖ томонидан сув қувурларини таъмирлаш жараёнида олиб борилтган қазиш ишларидан сўнг йўлга қайта асфальт ётқизиш вақт талаб қилади. Яъни, қазишдан сўнг қайта ташланган тупроқ ва шағал қопламаси қаттиқ қотирилганига қарамай бир муддат ўтгач чўкиши мумкин. Шу сабабли, асфальт қопламасини ётқизиш ишлари маълум вақтдан сўнг амалга оширилиши кўзда тутилади. Дарвоқе, кўчаларда олиб борилаётган қазиш ишлари ва ковланган кўчаларни қайта таъмирланиши назоратга олинганини эслатиб ўтамиз.

Каналга уланиш: https://t.me/samshahar
www.facebook.com/samshaharhokim
samshahar.uz