Koinot...

2023-03-12 18:10:26 Ayolga baxt bering, saodat bering,
Demang yuribdi-ku kulib, jilmayib.
Ayol kulib turib o‘lishi mumkin,
Dunyoni olishi mumkin jilmayib.

Ayolga baxt bering, saodat bering,
Gar ko‘zlari kulib tursa-da,
Bo‘g‘zining ostida necha ming hasrat,
Oy yuzlari kulib tursa-da...

Ko‘nglini ko‘taring hech bo‘lmaganda,
Qo‘lini silashga shafoat toping.
Yig‘lab turganida hech bo‘lmaganda,
Yoshini artishga muruvvat toping.

Nogoh yerga tushsa oppok ro‘moli,
Bosib o‘tmaslikka shafoat toping.
Chaqaloq yalagan etaklarini
Toza deb aytishga adolat toping.

Ayolga baxt bering, saodat bering,
Demang yuribdi-ku kulib, jilmayib.
Ayol kulib turib o‘lishi mumkin,
Dunyoni olishi mumkin jilmayib.

Ayolga baxt bering, saodat bering,
Illohi nur toping, hidoyat toping.
Illohi baxt bergan ayol yonidan
Baxtiyor o‘tmoqqa inoyat toping.

Illohi qalqonsiz, illoh qo‘rg‘onsiz
G’iybatlar yirtmasin ko‘ylakkinasin.
Illohi hushyorsiz, illoh bedorsiz,
Itlar tishlamasin yurakkinasin.

 Zulfiya Mo’minova


@S_koinot Ochish/sharhlash

2023-03-10 05:34:56 #Jumah

Jumaning xayr-u barokati sizga bo'lsin, Alloh ikki dunyoda saodatli qilsin)

@S_koinot Ochish/sharhlash

2023-03-06 05:18:31 #xayrli

Yangi kun - yangi imkoniyatlar. Imkonimiz borida imkoniyatlarimizdan to'g'ri yo'llarda foydalanaylik.

@S_koinot Ochish/sharhlash

2023-03-03 09:02:23 #hadiya

***
Nechun yuragingda g’ussalar g’olib,
Nega kerak bo‘ldi shuncha ko‘z yoshlar?
Hozir faryod solib, vahima solib,
Bulutlar boshingga yig‘ila boshlar.

Muhimi, ichingda yashama hurkib,
O‘sha qiyofangda bo‘laver zohir.
Senga gullar tutib, senga tiz cho‘kib,
Kimsan– Bahor keldi qoshingga axir...

Mehrinoz


Jumaning xayr-u barokati sizga bo'lsin. Kitobli baxtlaringiz beadad bo'lsin

@S_koinot Ochish/sharhlash

2023-02-28 16:04:30 ***
Sen hamma narsadan tashqaridasan
savobdan, gunohdan, do’zax, jannatdan.
Taqdir sukutidan qulog’im batang,
Nafasim tiqilar…hayratdan.

Labingni havoga chizar ekanman–
barmog’im kuyadi, o’t ketar ko’kka.
“Nega?”, “Nechun?”, degan savolim bilan
Tangrining ko’ziga boqaman tikka.

Holimizga boqib, ho’ngraydi samo,
Tunlarni g’ajiydi sog’inchim – qashqir,
Bilmayman yakunda ne kutar ammo,
Bizga ham Xudoning aytgani bordir....

Mehrinoz

Niyatlarimiz ijobatini bersin, duolaringizda jumlamizni ham eslab qo'ying.

@S_koinot Ochish/sharhlash

2023-02-28 07:17:36 Amerikaliklarda ajoyib bir ibora bor: "Crab bucket theory" — "Qisqichbaqalar solingan chelak teoriyasi".

Aniqlanishicha, agar chelakda bittagina qisqichbaqa bo‘lsa, u osongina erkinlikka chiqa oladi. Agar ular 5-6 ta bo‘lsa, harchand urinmasin, hech qaysisi chiqa olmaydi. Negaki ular yuqoriga ko‘tarilayotgan qavmdoshini tortib, o‘zi chiqishga urinar ekan. "Chelakdagi qisqichbaqa" iborasidan kelib chiqadigan mantiq odamlarga ham xos.

Masalan, bir odam tamaki chekishni tashlamoqchi. Ammo do‘stlari: "Baribir qo‘lingdan kelmaydi" deb, unga sigaret uzatadi. Boshini kitobdan ko‘tarmaydigan odamga: "O‘qib olim bo‘larmiding, undan ko‘ra bironta hunar o‘rgan!", deb uni yo‘ldan uradiganlar ham bor. O‘z ota-onang seni ahmoq, omadsiz yoki "odam bo‘lmaysan" deb tursa, bu ham oilangiz "chelakdagi qisqichbaqa" ekanini isbotlaydi.

Odamlarning tabiati shunday, faqatgina o‘zingizga bo‘lgan ishonch shu chelakdan chiqishingizga yordam bera oladi. Siz irodali bo‘lib, oyog‘ingizdan tortayotgan ”qisqichbaqa”larni yengib, chiqib keta olishingiz shart. (s)

Temur Malik

Instagram | Telegram

@kitob_ombori Ochish/sharhlash

2023-02-27 11:23:27 Turkiyaning zilzila boʻlgan hududida yashovchi bir qiz yozyapti:

«...Koʻchada qolgan boshpanasiz odamlarning yonidan boshimizni baland koʻtarib oʻtib ketardik yoki insof qilsak, mayda pul berib oʻtardik. Zilziladan keyin, hokimiyat tarqatayotgan yemaklardan olish uchun ular bilan bir qatorda navbatga turishga majbur qoldik... Yoʻq, men bundan nolimayapman. Senga boshqa narsani aytmoqchiman.

Koʻchada olov atrofida isinib oʻtirganimizda keksa bir kishi: «Ol, qizim, shunga oʻranib oʻtir», – deb qalin koʻrpa koʻtarib keldi. Keyin: «Oʻgʻling tirikmi, jabr koʻrmadimi?» – deb soʻradi. Hayron boʻldim. Butunlay notanish odam. «Xudoga shukr, oʻgʻlim sogʻ-omon» – desam, xursand boʻlib ketdi. Biroz gaplashdik. Bilsam, bu odam koʻchada yasharkan. Qachondir oʻgʻlim ikkimiz unga toʻrtta nonga yetgulik pul bergan ekanmiz... Unutmagan ekan... Oʻpkam toʻlib ketdi... Bu zilzila shaxsan men uchun xayrli boʻldi. Oʻz qobigʻimga oʻralib, odamgarchilikdan chiqib qolayotgan ekanman. Oʻzimga keldim. Koʻzim ochildi!..

Boshqalarning ham koʻzi ochilishi uchun boshiga bir balo kelishi shart boʻlmasin...

@S_koinot Ochish/sharhlash

2023-02-26 18:47:34 #anglash

Har bir onimiz o'zimiz bilmagan baxtlarga, mo'jizalarga to'la... O'zimiz-da shu mo'jizalarning bir bo'lagimiz.


@S_koinot Ochish/sharhlash

2023-02-06 16:45:23 @S_koinot Ochish/sharhlash

2023-02-05 13:44:07 Hozir baxtli inson, avval ham baxtli bo'lgan, keyin ham baxtli bo'ladi.
U to'q bo'lganda ham, och bo'lganda ham baxtli.
U betobligida ham, sog'ligida ham baxtli.
U kiyimli bo'lganda ham, kiyimsiz bo'lganda ham baxtli.

Chunki ular baxtni, qalb ko'zlari bilan ko'radigan kishilardir.
Ular Allohni qadariga rozi bo'lgan kishilardir.
Ular Allohdan rozi va Alloh ham ulardan rozi bo'lgan kishilardir.

Ummu Zaynab

@S_koinot Ochish/sharhlash